ਓਟ ਵਿੱਚ (Under cover)

ਆਮ ਕੰਮ ਕਰਨ ਵਾਲੀਆਂ ਥਾਵਾਂ ਤੇ, ਮੀਟਿੰਗਾਂ ਵਿਚ ਅਤੇ ਹੋਰ ਗੱਲਬਾਤ ਦੌਰਾਨ ਮੇਜ਼ ਸਾਡੇ ਲਈ ਓਟ ਦਾ ਕੰਮ ਕਰਦੇ ਹਨ। ਸੋ ਜੋ ਦਿਸਦਾ ਹੈ ਉਹ ਬਸ ਕਮਰ ਤੋਂ ਉਪਰ ਦਾ ਹਿੱਸਾ ਹੀ ਹੁੰਦਾ ਹੈ। ਕਮਰ ਤੋਂ ਹੇਠਾਂ ਵਾਲੇ ਹਿੱਸੇ ਵਿਚ ਐਸੀਆਂ ਹਰਕਤਾਂ ਹੋ ਸਕਦੀਆਂ ਹਨ ਜਿਨ੍ਹਾਂ ਤੋਂ ਬਹੁਤ ਸਾਰੀ ਬੇਚੈਨੀ ਤੇ ਘਬਰਾਹਟ ਪਰਗਟ ਹੁੰਦੀ ਹੈ। ਪਰ ਇਹ ਮੇਜ਼ ਦੀ ਓਟ ਵਿਚ ਹੋ ਰਿਹਾ ਹੁੰਦਾ ਹੈ।

ਨੌਕਰੀ ਲਈ ਇੰਟਰਵਿਊ ਵਿਚ ਵੀ ਤੁਸੀਂ ਜ਼ਰੂਰ ਗਏ ਹੋਵੋਗੇ। ਇਸ ਵਿਚ ਮੇਜ਼ ਬੜੀ ਮਦਦ ਕਰਦਾ ਹੈ ਕਿਉਂਕਿ ਮੇਜ਼ ਹੋਣ ਨਾਲ ਤੁਸੀਂ ਆਪਣਾ ਪ੍ਰਭਾਵ ਸਿਰਫ ਕਮਰ ਤੋਂ ਉਪਰ ਦੀਆਂ ਹਰਕਤਾਂ ਨਾਲ ਹੀ ਦੇ ਸਕਦੇ ਹੋ। ਕੀ ਤੁਸੀਂ ਕਦੀ ਐਸੀ ਇੰਟਰਵਿਊ ਵਿਚ ਗਏ ਹੋ ਜਿੱਥੇ ਤੁਹਾਡੀ ਇੰਟਰਵਿਊ ਲੈਣ ਵਾਲੇ ਕਈ ਵਿਅਕਤੀ ਹੋਣ ਅਤੇ ਤੁਹਾਨੂੰ ਬੈਠਣ ਲਈ ਐਸੀ ਥਾਂ ਦਿੱਤੀ ਗਈ ਹੋਵੇ ਜਿੱਥੋਂ ਤੁਹਾਡਾ ਪੂਰਾ ਸਰੀਰ ਨਜ਼ਰਾਂ ਵਿਚ ਹੋਵੇ? ਇਹ ਆਮ ਇੰਟਰਵਿਊ ਤੋਂ ਕਿੰਨੀ ਵੱਖਰੀ ਹੁੰਦੀ ਹੈ?

" ਇੰਟਰਵਿਊ ਦੌਰਾਨ ਮੇਜ਼ ਇਕ ਓਟ ਦਾ ਕੰਮ ਕਰਦਾ ਹੈ।”

ਜਦੋਂ ਤੁਸੀਂ ਕੰਮ ਵਿਚ ਕੋਈ ਸੌਦਾ ਕਰਨ ਲਈ ਰੇਸਤੋਰਾਂ ਵਿਚ ਜਾਂਦੇ ਹੋ ਜਾਂ ਆਪਣੇ ਪ੍ਰੇਮੀ-ਪ੍ਰੇਮਕਾ ਨੂੰ ਮਿਲਣ ਲਈ ਰੇਸਤੋਰਾਂ ਵਿਚ ਬੁਲਾਂਦੇ ਹੋ, ਅਤੇ ਤੁਹਾਨੂੰ ਇਕ ਆਖਰੀ ਵਾਹਿਦਾ, ਆਖਰੀ ਬੁਲਾਵਾ ਮਿਲਦਾ ਹੈ, ਤਾਂ ਤੁਸੀਂ ਸਾਹਮਣੇ ਬੈਠੇ ਗਾਹਕ ਜਾਂ ਮਿੱਤਰ ਦਾ ਸਿਰਫ ਧੜ ਵਾਲਾ ਹਿੱਸਾ ਹੀ ਦੇਖ ਰਹੇ ਹੁੰਦੇ ਹੋ ਜਿਹੜਾ ਇਕ ਬੜਾ ਸਵੈ-ਭਰੋਸੇ ਵਾਲਾ ਪ੍ਰਭਾਵ ਛੱਡ ਰਿਹਾ ਹੁੰਦਾ ਹੈ। ਮੇਜ਼ ਥੱਲੇ ਉਨ੍ਹਾਂ ਦੇ ਧੜ ਤੋਂ ਹੇਠਾਂ ਦਾ ਹਿੱਸਾ ਕੀ ਪ੍ਰਭਾਵ ਦੇ ਰਿਹਾ ਹੁੰਦਾ ਹੈ?

ਅਮਨ ਕਾਨੂੰਨ ਬਣਾਈ ਰੱਖਣ ਵਾਲੀਆਂ ਏਜੰਸੀਆਂ, ਯਾਨੀ ਪੁਲਿਸ ਵਗੈਰਾ ਬਾਰੇ ਵੀ ਤੁਸੀਂ ਦੇਖਿਆ ਹੋਣਾ ਹੈ। ਫਿਲਮਾਂ ਅਤੇ ਟੈਲੀਵੀਜ਼ਨ ਵਿਚ ਵੀ ਉਹ ਸ਼ੱਕੀ ਲੋਕਾਂ ਦੀ ਪੁੱਛਤਾਛ ਪੂਰੇ ਸਰੀਰ ਨੂੰ ਨਜ਼ਰ ਵਿਚ ਰੱਖ ਕੇ ਕਰਦੇ ਹਨ। ਕਿਉਂ? ਤਾਂਕਿ ਉਹ ਮੁਲਜ਼ਮ ਦੇ ਸਰੀਰ ਦੇ ਹੇਠਲੇ ਅੱਧ ਵਿਚ ਪ੍ਰਗਟ ਹੋ ਰਹੀਆਂ ਭਾਵਨਾਵਾਂ ਪੜ੍ਹ ਸਕਣ। ਇਹ ਇਕ ਸਚਾਈ ਹੈ ਕਿ ਸਾਡੀਆਂ ਲੱਤਾਂ ਅਤੇ ਪੈਰ ਬਹੁਤ ਕੁਝ ਦਸਦੇ ਹਨ।

ਜੇਕਰ ਤੁਸੀਂ ਖੜ੍ਹੇ ਹੋ ਕੇ ਕਿਸੇ ਨਾਲ ਗੱਲ ਕਰ ਰਹੇ ਹੋ ਤਾਂ ਕੁਦਰਤੀ ਹੀ ਤੁਸੀਂ ਉਸ ਦੇ ਪੂਰੇ ਸਰੀਰ ਦਾ ਵਰਤਾਉ ਅਤੇ ਉਸਦੀ ਮੁਦਰਾ ਵਿਚ ਹੋ ਰਹੇ ਬਦਲਾਅ ਨੂੰ ਦੇਖ ਸਕਦੇ ਹੋ ਅਤੇ ਨੋਟ ਕਰ ਸਕਦੇ ਹੋ ਕਿ ਇਹ ਕਿਸ ਸਮੇਂ ਹੋਇਆ। ਜੇ ਉਹ ਬਿਨਾਂ ਕਿਸੇ ਵੱਜ ਰਹੇ ਸੰਗੀਤ ਦੇ ਆਪਣੇ ਪੈਰਾਂ ਨਾਲ ਟਕ-ਟਕ ਕਰਕੇ ਤਾਲ ਦੇ ਰਹੇ ਹਨ ਤਾਂ ਇਹ ਕਿਸੇ ਨਾ ਕਿਸੇ ਕਿਸਮ ਦੀ ਬੇਆਰਾਮੀ ਦਾ ਚਿੰਨ੍ਹ ਹੈ, ਅਤੇ ਇਹ ਤੁਹਾਨੂੰ ਦਸ ਰਿਹਾ ਹੈ ਕਿ ਉਹ ਹੁਣ ਇੱਥੋਂ ਭੱਜ ਜਾਣਾ ਚਾਹੁੰਦੇ ਹਨ। ਆਪਣੇ ਕੰਮ ਕਾਰ ਦੇ ਮੇਜ਼ਾਂ, ਅਤੇ ਘਰ ਵਿਚ ਖਾਣਾ ਖਾਣ ਦੇ ਮੇਜ਼ਾਂ ਪਿਛੇ ਅਸੀਂ ਆਪਣੇ ਸਰੀਰ ਦੇ ਹੇਠਲੇ ਅੱਧੇ ਹਿੱਸੇ ਦੀ ਸਰੀਰਕ ਭਾਸ਼ਾ ਨੂੰ ਬਹੁਤਾ ਕੁਝ ਪ੍ਰਗਟ ਕਰਨ ਤੋਂ ਬਚਾ ਲੈਂਦੇ ਹਾਂ।