ਜੇ ਕੰਮ-ਕਾਰ ਜਾਂ ਦਫਤਰ ਦੀ ਗੱਲ ਕਰੀਏ ਤਾਂ ਤੁਹਾਡੇ ਸਾਥੀਆਂ ਦੇ ਰਿਸ਼ਤੇ ਤੁਹਾਡੇ ਨਾਲ ਵਧੀਆ ਹੋਣੇ ਸ਼ੁਰੂ ਹੋ ਜਾਣਗੇ। ਇਸੇ ਤਰ੍ਹਾਂ ਤੁਹਾਡੇ ਗਾਹਕ ਜਾਂ ਉਹ ਲੋਕ ਜਿਨ੍ਹਾਂ ਦੇ ਤੁਸੀਂ ਗਾਹਕ ਹੋ, ਉਹ ਸਾਰੇ ਹੀ ਦੂਜਿਆਂ ਨਾਲੋਂ ਤੁਹਾਡੇ ਨਾਲ ਕੰਮ ਕਰਨਾ ਵਧੇਰਾ ਪਸੰਦ ਕਰਨਗੇ। ਇਹੀ ਸੱਚਾਈ ਹੈ। ਵਪਾਰ ਤੇ ਕੰਮ ਕਾਰ ਵਿਚ ਲੋਕ ਉਨ੍ਹਾਂ ਨਾਲ ਹੀ ਕੰਮ ਕਰਨਾ ਚਾਹੁੰਦੇ ਹਨ ਜਿਨ੍ਹਾਂ ਨੂੰ ਉਹ ਪਸੰਦ ਕਰਦੇ ਹਨ। ਹਾਲੇ ਵੀ ਕੁਝ ਲੋਕ ਐਸੇ ਹਨ ਜਿਹੜੇ ਇਹ ਸੋਚਦੇ ਹਨ ਕਿ ਉਹ ਕੰਮ ਤੇ ਜਾਣ, ਮਿਹਨਤ ਨਾਲ ਕੰਮ ਕਰਨ ਅਤੇ ਈਮਾਨਦਾਰੀ ਨਾਲ ਕੰਮ ਕਰਨ-ਬਸ ਇਸੇ ਦੀ ਹੀ ਲੋੜ ਹੈ। ਪਰ ਅਸਲ ਵਿਚ ਇਸ ਤਰ੍ਹਾਂ ਨਹੀਂ ਹੁੰਦਾ। ਕਿਸੇ ਵੀ ਸੰਸਥਾ ਦੇ ਅੰਦਰ ਵੀ ਅਤੇ ਬਾਹਰ ਵੀ, ਜਦੋਂ ਤੁਹਾਨੂੰ ਆਪਣੇ ਗਾਹਕਾਂ ਨਾਲ ਵਾਹ ਪੈਂਦਾ ਹੈ ਤਾਂ ਇਤਨਾ ਹੀ ਕਾਫੀ ਨਹੀਂ ਹੁੰਦਾ। ਸਾਰੇ ਅਧਿਐਨ ਇਹੀ ਦੱਸਦੇ ਹਨ। ਅੱਜ ਕਲ੍ਹ ਸਿਰਫ ਮੁਢਲੀਆਂ ਚੀਜ਼ਾਂ ਨਾਲ ਹੀ ਕੰਮ ਨਹੀਂ ਚਲਦਾ।

“ਲੋਕ ਉਨ੍ਹਾਂ ਨਾਲ ਹੀ ਵਪਾਰ ਕਰਨਾ ਚਾਹੁੰਦੇ ਹਨ ਜਿਨ੍ਹਾਂ ਨੂੰ ਉਹ ਪਸੰਦ ਕਰਦੇ ਹਨ।"

ਉਦਾਹਰਣ ਦੇ ਤੌਰ ਤੇ ਇਕ ਨਵੀਂ ਖੋਜ ਨੇ ਸਾਨੂੰ ਇਹ ਦੱਸਿਆ ਹੈ ਕਿ ਬਹੁਤ ਸਾਰੀਆਂ ਵੱਖੋ-ਵੱਖਰੀ ਕਿਸਮ ਦੀਆਂ ਸੰਸਥਾਵਾਂ ਵਿਚ ਜਦੋਂ ਸਰਵੇਖਣ ਕੀਤਾ ਗਿਆ, ਤਾਂ ਇਹ ਫੈਸਲਾ ਕਰਨ ਲੱਗਿਆਂ ਕਿ ਕਿਸ ਕੰਪਨੀ ਨਾਲ ਬਿਜ਼ਨਸ ਕਰਨਾ ਹੈ, ਮੁੱਖ ਤਿੰਨ ਕਾਰਨ ਇਹ ਸਨ (ਮਹੱਤਤਾ ਅਨੁਸਾਰ):

1. ਮੈਂ ਉਨ੍ਹਾਂ ਨੂੰ ਪਸੰਦ ਕਰਦਾ ਹਾਂ

2. ਉਨ੍ਹਾਂ ਨੂੰ ਇਸ ਕੰਮ ਦੀ ਚੰਗੀ ਜਾਣਕਾਰੀ ਹੈ

3. ਉਹ ਸਾਡੀ ਮੁਸ਼ਕਲ ਦਾ ਹਲ ਫਟਾਫਟ ਕਰਦੇ ਹਨ।

ਸੋ ਹਰ ਖੋਜ ਵਿਚੋਂ ਇਹੀ ਪਤਾ ਲੱਗਦਾ ਹੈ ਕਿ ਇਹ ਜੀਵਨ ਅਸਲ ਵਿਚ ਸਿਰਫ ਹਰਮਨ ਪਿਆਰੇ ਹੋਣ ਦਾ ਹੀ ਮੁਕਾਬਲਾ ਹੈ। ਤੁਸੀਂ ਭਾਵੇਂ ਇਸ ਤੋਂ ਇਲਾਵਾ ਹੋਰ ਕਿਸੇ ਵੀ ਚੀਜ਼ ਨੂੰ ਮਹੱਤਤਾ ਦੇਂਦੇ ਹੋਵੇ, ਪਰ ਸੱਚ ਇਹੀ ਹੈ।

ਲੋਕ ਜਦੋਂ ਤੁਹਾਡੇ ਨਾਲ ਹੁੰਦੇ ਹਨ ਅਤੇ ਉਨ੍ਹਾਂ ਨੂੰ ਆਪਣੇ ਆਪ ਬਾਰੇ ਚੰਗਾ ਚੰਗਾ ਲਗਦਾ ਹੈ, ਅਤੇ ਇਸ ਮਿਲਣੀ ਵਿਚ ਉਨ੍ਹਾਂ ਦਾ ਮਨੋਵਿਗਿਆਨਕ ਤਜਰਬਾ ਵਧੀਆ ਹੁੰਦਾ ਹੈ ਤਾਂ ਫਿਰ ਤੁਸੀਂ ਬਾਕੀਆਂ ਤੋਂ ਅੱਗੇ ਹੋ। ਸੋ ਤੁਹਾਨੂੰ ਇਹ ਸੁਆਲ ਪੁਛਣਾ ਚਾਹੀਦਾ ਹੈ 'ਜਦੋਂ ਮੈਂ ਕਿਸੇ ਕਮਰੇ ਵਿਚ ਜਾਂਦਾ ਹਾਂ ਤਾਂ ਕੀ ਉੱਥੇ ਰੌਣਕ ਆ ਜਾਂਦੀ ਹੈ? ਜਾਂ ਰੌਣਕ ਉਦੋਂ ਆਉਂਦੀ ਹੈ ਜਦੋਂ ਮੈਂ ਕਮਰੇ ਤੋਂ ਬਾਹਰ ਆ ਜਾਂਦਾ ਹਾਂ।'

ਅਤੇ ਜਿਨ੍ਹਾਂ ਲੋਕਾਂ ਨਾਲ ਤੁਸੀਂ ਸੰਪਰਕ ਵਿਚ ਆਉਂਦੇ ਹੋ, ਉਨ੍ਹਾਂ ਬਾਰੇ ਤੁਹਾਡਾ ਕੀ ਖਿਆਲ ਹੈ? ਉਨ੍ਹਾਂ ਵਿਚੋਂ ਕਿੰਨੇ ਐਸੇ ਹਨ ਜਿਹੜੇ ਜਦੋਂ ਤੁਹਾਡੇ ਨਾਲ ਹੁੰਦੇ ਹਨ ਅਤੇ ਤੁਸੀਂ ਉਨ੍ਹਾਂ ਤੋਂ ਅਸਰ ਕਬੂਲੇ ਬਿਨਾਂ ਨਹੀਂ ਰਹਿ ਸਕਦੇ, ਅਤੇ ਉਨ੍ਹਾਂ ਤੋਂ ਅਵੇਸਲੇ ਨਹੀਂ ਹੋ ਸਕਦੇ? ਹੁਣ ਤੱਕ ਤੁਸੀਂ ਜੋ ਕੁੱਝ ਜਾਣਿਆ ਹੈ, ਉਸ ਦੇ ਆਧਾਰ ਤੇ ਤੁਸੀਂ ਆਸਾਨੀ ਨਾਲ ਇਹ ਕਹਿ ਸਕਦੇ ਹੋ ਕਿ ਇਹ ਉਨ੍ਹਾਂ ਦੀ ਚੰਗੀ ਸਰੀਰਕ ਭਾਸ਼ਾ ਕਰਕੇ ਹੁੰਦਾ ਹੈ। ਬਹੁਤੀ ਸੰਭਾਵਨਾ ਇਹੀ ਹੈ। ਜਦੋਂ ਲੋਕਾਂ ਨੂੰ ਤੁਹਾਨੂੰ ਮਿਲ ਕੇ ਨਕਾਰਾਤਮਕ (ਨਾਖੁਸ਼ਗਵਾਰ) ਤਜਰਬਾ ਹੁੰਦਾ