ਰੋਜ਼ਾਨਾ ਜੀਵਨ ਵਿਚ ‘ਪਹਿਲੇ ਪ੍ਰਭਾਵ' ਵਾਲ ਸਮੇਂ ਇਕ ਆਮ ਦਿੱਖ ਵਾਲੇ ਵਿਅਕਤੀ ਨਾਲੋਂ ਇਕ ਸੁੰਦਰ ਵਿਅਕਤੀ ਦੀ ਦਿੱਖ, ਦੇਖਣ ਵਾਲੇ ਨੂੰ ਜ਼ਿਆਦਾ ਪ੍ਰਭਾਵਤ ਕਰਦੀ ਹੈ। ਇਸ ਪ੍ਰਭਾਵ ਦਾ ਅਸਰ ਉਸਦੀ ਗਲਬਾਤ ਵਿਚੋਂ ਲਏ ਜਾ ਰਹੇ ਪ੍ਰਭਾਵ ਉੱਤੇ ਵੀ ਪਏਗਾ। ਪਰ ਕੁਝ ਸਮਾਂ ਬਾਦ ਦੇ ਪ੍ਰਭਾਵ, ਜਾਂ ਲੰਬੇ ਸਮੇਂ ਬਾਦ ਬਣੇ ਪ੍ਰਭਾਵ ਵਿਚ ਲੋਕ ਅਕਸਰ ਆਪਣੀ ਪਸੰਦ ਦੂਜੇ ਗੁਣਾਂ ਦੇ ਆਧਾਰ ਤੇ ਬਣਾਉਂਦੇ ਹਨ, ਅਤੇ ਜੇਕਰ ਉਨ੍ਹਾਂ ਨੂੰ 'ਸਰੀਰਕ ਭਾਸ਼ਾ’ ਆਪਣੇ ਵੱਲ ਆਕਰਸ਼ਿਤ ਕਰਦੀ ਹੈ ਤਾਂ ਸਰੀਰਕ ਦਿੱਖ ਨੂੰ ਘੱਟ ਅਹਿਮੀਅਤ ਦੇਣੀ ਸ਼ੁਰੂ ਕਰ ਦਿੰਦੇ ਹਨ। ਅਸੀਂ ਬਾਰ-ਬਾਰ ਇਹ ਗੱਲਾਂ ਸੁਣਦੇ ਰਹਿੰਦੇ ਹਾਂ—ਸੁੰਦਰਤਾ ਸਿਰਫ ਚਮੜੀ ਤਕ ਹੀ ਸੀਮਿਤ ਹੁੰਦੀ ਹੈ, ਜਾਂ ਸੁੰਦਰਤਾ ਦੇਖਣ ਵਾਲੇ ਦੀ ਅੱਖ ਵਿਚ ਹੀ ਹੁੰਦੀ ਹੈ। ਅਮਰੀਕਨ ਨਾਟਕਕਾਰ ਜੀਨ ਕੈੱਰ ਦੇ ਵਿਚਾਰ ਵੀ ਪੜ੍ਹ ਲਵੋ:-

“ਮੈਂ ਇਹ ਬਕਵਾਸ ਸੁਣ ਸੁਣ ਕੇ ਥੱਕ ਗਈ ਹਾਂ ਕਿ ਸੁੰਦਰਤਾ ਚਮੜੀ ਜਿੰਨੀ ਹੀ ਡੂੰਘੀ ਹੁੰਦੀ ਹੈ। ਮੇਰਾ ਖਿਆਲ ਹੈ ਕਿ ਇੰਨੀ ਡੂੰਘਾਈ ਹੀ ਬਹੁਤ ਹੈ। ਤੁਸੀਂ ਹੋਰ ਕੀ ਚਾਹੁੰਦੇ ਹੋ? ਕੀ ਤੁਹਾਨੂੰ ਇਕ ਸੁੰਦਰ ਪੈਂਕਰਿਆਜ਼ (Pancreas-ਸਾਡੇ ਅੰਦਰੂਨੀ ਅੰਗਾਂ ਵਿਚੋਂ ਇਕ) ਦੀ ਲੋੜ ਹੈ?

ਮੁਸਕਰਾਹਟ

ਕੀ ਇਹ ਹੈਰਾਨੀ ਵਾਲੀ ਗੱਲ ਹੈ ਕਿ ਮਿੱਤਰਤਾ ਦਾ ਇਹ ਪ੍ਰਗਟਾਵਾ, ਜਿਸ ਦਾ ਇਕ ਦਮ ਤੁਹਾਨੂੰ ਜੁਆਬ ਵੀ ਮਿਲ ਜਾਂਦਾ ਹੈ, ਆਕਰਸ਼ਨ ਵਿਚ ਬੜੇ ਅਹਿਮ ਪੱਖਾਂ ਵਿਚੋਂ ਹੈ? ਜਦੋਂ ਤੁਸੀਂ ਮੁਸਕਰਾਉਂਦੇ ਹੋ ਤਾਂ ਲੋਕਾਂ ਨੂੰ ਚੰਗਾ ਚੰਗਾ ਮਹਿਸੂਸ ਹੁੰਦਾ ਹੈ ਅਤੇ ਜੁਆਬ ਇਕ ਮੁਸਕਰਾਹਟ ਹੀ ਹੁੰਦਾ ਹੈ। ਪਰ ਹਰ ਵੇਲੇ ਇਕ ਵੱਡੀ ਮੁਸਕਰਾਹਟ ਨੂੰ ਚਿਹਰੇ ਤੇ ਚਿਪਕਾਈ ਰੱਖਣ ਦੀ ਲੋੜ ਨਹੀਂ। ਸਿਰਫ ਇਕ ਇਮਾਨਦਾਰ ਮੁਸਕਰਾਹਟ ਹੀ ਕਾਫੀ ਹੈ। ਜਦੋਂ ਤੁਸੀਂ ਚੰਗੇ ਰਉਂ (ਮੂਡ) ਵਿਚ ਨਹੀਂ ਹੁੰਦੇ ਅਤੇ ਜ਼ੋਰ ਲਗਾ ਕੇ ਤੁਸੀਂ ਆਪਣੇ ਚਿਹਰੇ ਤੇ ਅੱਧੀ- ਪਚੱਧੀ ਮੁਸਕਾਨ ਹੀ ਲਿਆਂਦੇ ਹੋ, ਤਾਂ ਵੀ ਇਕ ਸੁਚੇਤ ਵਿਅਕਤੀ ਤੁਹਾਡੀ ਮਨੋਦਸ਼ਾ ਅਤੇ ਇਸ ਵਿਚ ਚਲ ਰਹੀਆਂ ਵੱਖਰੀਆਂ ਵੱਖਰੀਆਂ ਭਾਵਨਾਵਾਂ ਬਾਰੇ ਅੰਦਾਜ਼ਾ ਲਗਾ ਸਕਦਾ ਹੈ। ਇਸ ਵਿਚ ਕੋਈ ਸ਼ੱਕ ਨਹੀਂ ਕਿ ਸਹੀ ਸਮੇਂ, ਅਤੇ ਸਹੀ ਸਥਾਨ ਤੇ ਆਈ ਮੁਸਕਰਾਹਟ ਕਮਾਲ ਕਰ ਦਿੰਦੀ ਹੈ।

ਮੁਸਕਰਾਉ ਅਤੇ ਮਿੱਤਰ ਬਣਾਉ ! ਘੂਰੀ ਵੱਟੋ ਅਤੇ ਚਿਹਰੇ ਉਤੇ ਝੁਰੜੀਆਂ ਬਣਾਉ !

ਜਾਰਜ ਈਲੀਅਟ

ਅੱਖਾਂ ਦੇ ਹਾਵ-ਭਾਵ

ਆਕਰਸ਼ਨ ਵਧਾਉਣ ਦੇ ਜਿੰਨੇ ਵੀ ਪੱਖ ਹਨ ਉਨ੍ਹਾਂ ਵਿਚ ਅੱਖਾਂ ਦੇ ਹਾਵ-ਭਾਵ ਕਾਫੀ ਉੱਪਰ ਆਉਂਦੇ ਹਨ। ਅਸੀਂ ਅੱਖਾਂ ਬਾਰੇ ਕਾਫੀ ਲੰਬੀ ਗਲਬਾਤ ਕੀਤੀ ਹੈ, ਸੋ ਤੁਹਾਨੂੰ ਇਸ ਵਿਚ ਕੋਈ ਹੈਰਾਨੀ ਨਹੀਂ ਹੋਣੀ ਚਾਹੀਦੀ। ਜਦੋਂ ਤੁਸੀਂ ਕਿਸੇ ਨਾਲ ਨਜ਼ਰਾਂ ਮਿਲਾਉਂਦੇ ਹੋ ਤਾਂ ਇਸ ਤੋਂ ਪਤਾ ਲੱਗਦਾ ਹੈ ਕਿ ਤੁਸੀਂ ਉਸ ਵਿਚ ਦਿਲਚਸਪੀ ਲੈ ਰਹੇ ਹੋ। ਇਹ ਗੱਲ