ਇਨ੍ਹਾਂ ਦੋਵਾਂ ਚੀਜ਼ਾਂ ਨੂੰ ਚੰਗੀ ਤਰ੍ਹਾਂ ਯਾਦ ਕਰ ਲਵੋ। ਬਸ ਇਹੀ ਹੁਣ ਤੋਂ ਤੁਹਾਡੇ ਦੂਜਿਆਂ ਦੇ ਸਰੀਰ ਦੀ ਭਾਸ਼ਾ ਸਮਝਣ ਦੇ ਦੋ ‘ਗੁਰ’ ਜਾਂ ਫਾਰਮੂਲੇ ਹਨ ਜੋ ਹਮੇਸ਼ਾ ਤੁਹਾਡੇ ਕੰਮ ਆਉਣਗੇ।
ਜਦੋਂ ਵੀ ਤੁਸੀਂ ਕਿਸੇ ਨਾਲ ਹੋਵੋ ਤਾਂ ਤੁਸੀਂ ਆਪਣੇ ਇਸ ਨਵੇਂ ਨਜ਼ਰੀਏ ਨਾਲ ਇਨ੍ਹਾਂ ਦੋ ਚੀਜ਼ਾਂ ਵੱਲ ਖਾਸ ਧਿਆਨ ਦਿਉ। ਇਹ ਦੋਵੇਂ ਚੀਜ਼ਾਂ ਇਕ ਦੂਜੇ ਦੀ ਪੁਸ਼ਟੀ ਕਰਦੀਆਂ ਹਨ:
- ਕੀ ਮੈਨੂੰ ਇਕ ਵਿਅਕਤੀ ਵਿਚ ਬੇਆਰਾਮੀ ਦਿਖ ਰਹੀ ਹੈ ਜਾਂ ਉਹ ਆਰਾਮ ਵਿਚ ਹੈ?
- ਕੀ ਉਸ ਦੇ ਸਰੀਰ ਦੀ ਭਾਸ਼ਾ 'ਬੰਦ' ਵਾਲੀ ਹੈ ਜਾਂ 'ਖੁਲ੍ਹੀ’?
- ਇਹ ਦੋ ਚੀਜ਼ਾਂ ਨਾਲ ਹੀ ਤੁਹਾਨੂੰ ਬਹੁਤ ਮਦਦ ਮਿਲੇਗੀ।
ਬੰਦ ਜਾਂ ਖੁਲ੍ਹੀ (Open or Closed)
ਜਦੋਂ ਕੋਈ ਵਿਅਕਤੀ ਕਿਸੇ ਵੀ ਹਾਲਾਤ ਵਿਚ ਆਪਣੇ ਆਪ ਨੂੰ ਸੁਖ, ਆਰਾਮ ਅਤੇ ਚੈਨ ਵਿਚ ਮਹਿਸੂਸ ਕਰ ਰਿਹਾ ਹੁੰਦਾ ਹੈ, ਤਾਂ ਇਸ ਗੱਲ ਦੀ ਪੁਸ਼ਟੀ ਉਸਦੀ ‘ਖੁਲ੍ਹੀ’ ਸਰੀਰਕ ਭਾਸ਼ਾ ਵਿਚੋਂ ਹੋ ਜਾਂਦੀ ਹੈ। ਜੇ ਕੋਈ ਵਿਅਕਤੀ ਬੇ-ਆਰਾਮ ਮਹਿਸੂਸ ਕਰ ਰਿਹਾ ਹੁੰਦਾ ਹੈ ਤਾਂ ਇਹ ਇਕ ਅਣਚਾਹੀ ਅਵਸਥਾ ਹੁੰਦੀ ਹੈ—ਜਦੋਂ ਕੋਈ ਚਿੰਤਾ, ਡਰ, ਘਬਰਾਹਟ, ਉਤੇਜਨਾ ਆਦਿ ਹੋਵੇ। ਇਸ ਗੱਲ ਦੀ ਪੁਸ਼ਟੀ ‘ਬੰਦ’ ਸਰੀਰਕ ਭਾਸ਼ਾ ਵਿਚੋਂ ਹੋ ਜਾਂਦੀ ਹੈ।
ਸੋ ਅਸੀਂ ਕਿਸੇ ਵੀ ਵਿਅਕਤੀ ਦੀ ਭਾਵਨਾਤਮਕ ਅਵਸਥਾ ਨੂੰ ਸਮਝਣ ਦੇ ਇਕ ਵੱਡੇ ਪੜਾਅ ਤੱਕ ਪਹੁੰਚ ਗਏ ਹਾਂ। ਇਸ ਵਿਚ ਕੋਈ ਸ਼ੱਕ ਨਹੀਂ ਕਿ ਦੂਜੇ ਦੀ ਭਾਵਨਾਤਮਕ ਅਵਸਥਾ ਨੂੰ ਸਮਝ ਸਕਣਾ ਆਪਣੇ ਆਪ ਵਿਚ ਕੋਈ ਬਹੁਤ ਵੱਡੀ ਮੁਸ਼ਕਿਲ ਗੱਲ ਨਹੀਂ ਹੁੰਦੀ। ਅਕਸਰ ਇਸ ਕੰਮ ਲਈ ਸਭ ਤੋਂ ਵੱਡੀ ਮੁਸ਼ਕਿਲ ਸਾਡੇ ਵਿਚ ਚੇਤੰਨਤਾ ਦੀ ਕਮੀ ਜਾਂ ਆਲਸ ਹੁੰਦੇ ਹਨ। ਤੇ ਕਦੇ ਕਦੇ ਦੋਵੇਂ ਵੀ।
“ਅਸੀਂ ਕਿਸੇ ਵੀ ਵਿਅਕਤੀ ਦੀ ਭਾਵਨਾਤਮਕ ਅਵਸਥਾ ਨੂੰ ਸਮਝਣ ਲਈ ਇਕ ਵੱਡਾ ਕਦਮ ਚੁੱਕ ਲਿਆ ਹੈ।”
ਜ਼ਰਾ ਅਜ਼ਮਾ ਕੇ ਦੇਖੋ
ਅੱਜ ਤੋਂ ਹੀ ਕਿਸੇ ਵਿਅਕਤੀ ਦੇ ਮਨ ਦੀ ਗੱਲ ਸਮਝਣ ਦੀ ਕਲਾ ਨੂੰ ਤੀਖਣ ਕਰਨ ਲਈ ਇਹ ਧਿਆਨ ਰੱਖੋ ਕਿ ਜਦੋਂ ਤੁਸੀਂ ਕੁਝ ਸੁਣ ਰਹੇ ਹੋਵੋ, ਤਾਂ ਸਹੀ ਅਰਥਾਂ ਵਿਚ ਸੁਣੋ ਅਤੇ ਜਦੋਂ ਤੁਸੀਂ ਕੁੱਝ ਵੀ ਦੇਖ ਰਹੇ ਹੋਵੋ ਤਾਂ ਸਹੀ ਅਰਥਾਂ ਵਿਚ ਦੇਖੋ। ਤੁਸੀਂ ਜਿਸ ਨਾਲ ਵੀ ਸੰਪਰਕ ਵਿਚ ਆਉ, ਇਹ ਸਮਝਣ ਦੀ ਕੋਸ਼ਿਸ਼ ਕਰੋ ਕਿ ਉਸ ਦੀ ਸਰੀਰਕ ਭਾਸ਼ਾ ‘ਬੰਦ’ ਹੈ ਜਾਂ 'ਖੁਲ੍ਹੀ'?
ਅਸੀਂ ਇਸ਼ਾਰਿਆਂ ਅਤੇ ਸਰੀਰਕ ਹਰਕਤਾਂ ਬਾਰੇ ਗੱਲ ਕਰ ਚੁੱਕੇ ਹਾਂ। ਇਹ ਵੀ ਸਮਝ ਚੁੱਕੇ ਹਾਂ ਕਿ ਸਾਨੂੰ ਕਿਸੇ ਇਕੱਲੀ ਦੁਕੱਲੀ ਹਰਕਤ ਨੂੰ ਦੇਖ ਕੇ ਕਿਸੇ ਨਤੀਜੇ ਤੇ ਨਹੀਂ ਪਹੁੰਚਣਾ ਚਾਹੀਦਾ ਸਗੋਂ ਹਮੇਸ਼ਾ ਕੁਝ ਕੁ ਹਰਕਤਾਂ ਦੇ 'ਸਮੂਹ' (Clusters) ਨੂੰ ਸਮਝਣ ਤੋਂ
