ਨਾਲ ਬਹੁਤ ਘੱਟ ਇਸ਼ਾਰੇ ਵੀ ਕਰਦੇ ਹੋ ਤਾਂ ਵੀ ਤੁਸੀਂ ਬੜੀ ਬੇਚੈਨੀ ਅਤੇ ਬੇ-ਆਰਾਮੀ ਮਹਿਸੂਸ ਕਰੋਗੇ। ਤੁਹਾਡੀ ਪੁਤਲੇ ਵਰਗੀ ਮੁਦਰਾ ਵਿਚ ਦਿੱਤਾ ਹੋਇਆ ਭਾਸ਼ਣ ਬੜਾ ਅ- ਸੁਭਾਵਕ ਲੱਗੇਗਾ ਅਤੇ ਦੇਖਣ ਵਿਚ ਤੁਸੀਂ ਵਿਸ਼ਵਾਸ ਯੋਗ ਨਹੀਂ ਲੱਗੋਗੇ। ਐਸੇ ਹਾਲਾਤ ਵਿਚ ਤੁਹਾਡੇ ਵਲੋਂ ਕਹੇ ਗਏ ਸ਼ਬਦ (7 ਪ੍ਰਤੀਸ਼ਤ), ਤੁਹਾਡੇ ਬੋਲਣ ਦੇ ਢੰਗ (38 ਪ੍ਰਤੀਸ਼ਤ) ਅਤੇ ਸਰੋਤਿਆਂ ਨੂੰ ਤੁਹਾਡੀ ਨਜ਼ਰ ਆ ਰਹੀ ਘਬਰਾਹਟ ਵਾਲੇ ਵਿਅਕਤੀਤਵ (55 ਪ੍ਰਤੀਸ਼ਤ) ਦੇ ਪਿੱਛੇ ਹੀ ਗੁੰਮ ਹੋ ਜਾਣਗੇ।

ਹੱਥਾਂ ਦੀਆਂ ਤਲੀਆਂ

ਹੱਥਾਂ ਦੇ ਇਸ਼ਾਰਿਆਂ ਨੂੰ ਸਮਝਣ ਲਈ ਅਸੀਂ ਸਭ ਤੋਂ ਪਹਿਲਾਂ ਇਹ ਦੇਖਾਂਗੇ ਕਿ ਇਸ਼ਾਰਿਆਂ ਦੌਰਾਨ ਸਾਡੀਆਂ ਤਲੀਆਂ ਕਿਵੇਂ ਹੁੰਦੀਆਂ ਹਨ। ਹੱਥਾਂ ਦੀਆਂ ਤਲੀਆਂ ਬਾਰੇ ਕਾਫੀ ਖੋਜ ਕੀਤੀ ਗਈ ਹੈ ਅਤੇ ਮੁਖ ਤੌਰ ਤੇ ਇਹ ਦੋ ਹਾਲਤਾਂ ਵਿਚ ਹੁੰਦੀਆਂ ਹਨ-ਉਪਰ ਵੱਲ ਅਤੇ ਹੇਠਾਂ ਵੱਲ। ਇਨ੍ਹਾਂ ਹਾਲਤਾਂ ਦੀ ਕੀ ਮਹੱਤਤਾ ਹੈ?

ਤਕਰੀਬਨ ਹਮੇਸ਼ਾ ਹੀ ਐਸਾ ਹੁੰਦਾ ਹੈ ਕਿ ਉਪਰ ਵੱਲ ਕੀਤੀਆਂ ਹੋਈਆਂ ਤਲੀਆਂ, ਹੇਠਾਂ ਵੱਲ ਕੀਤੀਆਂ ਤਲੀਆਂ ਤੋਂ ਬਿਹਤਰ ਹੁੰਦੀਆਂ ਹਨ। ਨਤੀਜੇ ਦਸਦੇ ਹਨ ਕਿ ਜਦੋਂ ਗਲਬਾਤ ਕਰਦਿਆਂ ਤੁਸੀਂ ਆਪਣੀਆਂ ਤਲੀਆਂ ਉਪਰ ਵੱਲ ਨੂੰ ਕਰਕੇ ਰੱਖਦੇ ਹੋ ਤਾਂ ਸੁਣਨ ਵਾਲਿਆਂ ਵਿਚੋਂ ਬਹੁਗਿਣਤੀ ਤੁਹਾਡੇ ਬਾਰੇ ਚੰਗਾ ਪ੍ਰਭਾਵ ਲੈਂਦੀ ਹੈ। ਦੂਜੇ ਪਾਸੇ ਜੇ ਤੁਸੀਂ ਆਪਣੀਆਂ ਤਲੀਆਂ ਹੇਠਾਂ ਵੱਲ ਨੂੰ ਕਰ ਕੇ ਰੱਖਦੇ ਹੋ ਤਾਂ ਚੰਗਾ ਪ੍ਰਭਾਵ ਲੈਣ ਵਾਲਿਆਂ ਦੀ ਗਿਣਤੀ ਕਾਫੀ ਘੱਟ ਜਾਂਦੀ ਹੈ।

ਇਸ ਪਿੱਛੇ ਕੀ ਕਾਰਨ ਹਨ? ਅਸੀਂ ਉਪਰ ਵੱਲ ਕੀਤੀਆਂ ਤਲੀਆਂ ਦਾ ਸਬੰਧ ਦੋਸਤੀ, ਇਮਾਨਦਾਰੀ ਅਤੇ ਭਰੋਸੇਯੋਗ ਹੋਣ ਨਾਲ ਜੋੜਦੇ ਹਾਂ। ਅਸੀਂ ਜਦੋਂ ਸਹੁੰ ਵੀ ਚੁਕਦੇ ਹਾਂ ਤਾਂ ਤਲੀਆਂ ਨਾਲ ਹੀ ਚੁਕਦੇ ਹਾਂ। ਜਦੋਂ ਕਿਸੇ ਮੇਜ਼ ਤੇ ਬੈਠ ਕੇ ਸੌਦੇਬਾਜ਼ੀ ਹੋ ਰਹੀ ਹੁੰਦੀ ਹੈ, ਤਾਂ ਇਕ ਜਣਾ ਕਹਿੰਦਾ ਹੈ 'ਮੈਂ ਤੁਹਾਡੇ ਨਾਲ ਖੁਲ੍ਹੀ ਗੱਲ ਕਰਨੀ ਚਾਹੁੰਦਾ ਹਾਂ' ਅਤੇ ਇਹ ਕਹਿੰਦੇ ਹੋਏ ਅਚੇਤ ਹੀ ਉਸਦੇ ਹੱਥਾਂ ਦੀਆਂ ਤਲੀਆਂ ਉਪਰ ਵੱਲ ਨੂੰ ਹੋ ਜਾਂਦੀਆਂ ਹਨ। ਇਹ ਇਕ ਅਚੇਤ ਤੌਰ ਉੱਤੇ ਕੀਤੀ ਗਈ ਹਰਕਤ ਹੁੰਦੀ ਹੈ ਅਤੇ ਅਸੀਂ ਇਸ ਹਰਕਤ ਉਤੇ ਭਰੋਸਾ ਕਰ ਲੈਂਦੇ ਹਾਂ। ਫਿਰ ਅਸੀਂ ਦੂਜੇ ਦੀ ਗੱਲ ਸੁਣਨ ਲਈ ਸਕਾਰਾਤਮਕ ਮਨੋ- ਸਥਿਤੀ ਵਿਚ ਆ ਜਾਂਦੇ ਹਾਂ। ਆਮ ਤੌਰ ਤੇ ਇਹ ਮੰਨਿਆ ਜਾਂਦਾ ਹੈ ਕਿ ਉਹ ਲੋਕ ਜਿਹੜੇ ਆਪਣੀਆਂ ਅਸਲੀ ਭਾਵਨਾਵਾਂ ਨੂੰ ਛੁਪਾ ਰਹੇ ਹੁੰਦੇ ਹਨ, ਜਾਂ ਸੱਚਾਈ ਨਹੀਂ ਕਹਿ ਰਹੇ ਹੁੰਦੇ, ਉਹ ਉਸ ਵੇਲੇ ਆਪਣੀਆਂ ਤਲੀਆਂ ਨੂੰ ਨੰਗਾ (ਉਪਰ ਵਲ) ਕਰਨ ਵਿਚ ਔਖਿਆਈ ਮਹਿਸੂਸ ਕਰਦੇ ਹਨ।

ਪੁਰਾਣੇ ਸਮੇਂ ਵਿਚ ਖਾਲੀ ਤਲੀਆਂ ਦਾ ਮਤਲਬ ਹੁੰਦਾ ਸੀ ਕਿ 'ਮੇਰੇ ਕੋਲ ਕੋਈ ਹਥਿਆਰ ਨਹੀਂ।' ਹੱਥ ਮਿਲਾਉਣ ਦੀ ਰਵਾਇਤ ਇੱਥੋਂ ਹੀ ਬਣੀ ਹੈ (ਇਸ ਬਾਰੇ ਆਪਾਂ ਬਾਦ ਵਿਚ ਹੋਰ ਗੱਲ ਵੀ ਕਰਾਂਗੇ)। ਕਹਿਣ ਦਾ ਭਾਵ ਇਹ ਹੈ ਕਿ ਇਹ ਇਕ 'ਅਧੀਨਗੀ' ਵਾਲੀ ਹਰਕਤ ਹੈ। (ਜ਼ਰਾ ਸੜਕ ਤੇ ਬੈਠੇ ਭਿਖਾਰੀ ਬਾਰੇ ਸੋਚੋ, ਜਾਂ ਫਿਰ ਸ਼ੇਰਲਕ ਹੋਮਜ਼ ਦੀਆਂ ਫਿਲਮਾਂ ਵਿਚ ਖਲਨਾਇਕ ਬਾਰੇ, ਜਦੋਂ ਆਖਰੀ ਦ੍ਰਿਸ਼ ਵਿਚ ਡਾ. ਵਾਟਸਨ ਤੇ ਸ਼ੇਰਲਕ ਹੋਮਜ਼ ਉਸ ਨੂੰ ਪਕੜ ਲੈਂਦੇ ਹਨ, ਜਾਂ ਨਿਰੁਤਰ ਕਰ ਦਿੰਦੇ ਹਨ) ਸੋ ਜਦੋਂ ਕੋਈ