ਵਿਅਕਤੀ ਤੁਹਾਨੂੰ ਕੁੱਝ ਕਹਿ ਰਿਹਾ ਹੋਵੇ ਤਾਂ ਉਸ ਦੀਆਂ ਤਲੀਆਂ ਉਸ ਦੀ ਈਮਾਨਦਾਰੀ ਬਾਰੇ ਬਹੁਤ ਕੁਝ ਦਸ ਦਿੰਦੀਆਂ ਹਨ। ਹੱਥ ਉਪਰ ਵੱਲ ਨੂੰ ਕਰ ਕੇ ਉਹ ਤੁਹਾਨੂੰ ਇਹ ਕਹਿਣਾ ਚਾਹੁੰਦੇ ਹਨ ਕਿ 'ਸਾਡੇ ਤੇ ਯਕੀਨ ਕਰੋ

ਤੁਸੀਂ ਜ਼ਰੂਰ ਸੋਚ ਰਹੇ ਹੋਵੋਗੇ ਇਹ ਗੱਲ ਤਾਂ ਠੀਕ ਲਗਦੀ ਹੈ ਪਰ ਜ਼ਮੀਨ ਦੇ ਦਲਾਲਾਂ, ਪੁਰਾਣੀਆਂ ਕਾਰਾਂ ਦੇ ਦਲਾਲਾਂ, ਝੂਠ ਬੋਲਣ ਵਾਲਿਆਂ ਅਤੇ ਹੋਰ ਐਸੇ ਲੋਕਾਂ ਬਾਰੇ ਕੀ ਸੋਚੀਏ? ਕੀ ਉਨ੍ਹਾਂ ਨੂੰ ਇਸ ਗੱਲ ਦਾ ਨਹੀਂ ਪਤਾ? ਕੀ ਉਹ ਇਸ ਹਰਕਤ ਨੂੰ ਸਾਨੂੰ ਬੁੱਧੂ ਬਣਾਉਣ ਲਈ ਨਹੀਂ ਵਰਤਦੇ? ਪਰ ਸਤਵੇਂ ਅਧਿਆਇ ਦੇ ਅੰਤ ਤੱਕ ਤੁਸੀਂ ਇਹ ਸਮਝਣਾ ਸ਼ੁਰੂ ਕਰ ਦਿਉਗੇ। ਕਿਉਂਕਿ ਜੇ ਉਨ੍ਹਾਂ ਦੀਆਂ ਬਾਕੀ ਦੀਆਂ ਹਰਕਤਾਂ ਨਾਲ ਇਸ ਦੀ 'ਸਮਰੂਪਤਾ' ਨਹੀਂ ਹੋਵੇਗੀ ਅਤੇ ਉਨ੍ਹਾਂ ਦੀਆਂ ਬਾਕੀ ਹਰਕਤਾਂ ਖੁਲ੍ਹੇਪਨ ਵਾਲੀਆਂ ਨਹੀਂ ਹੋਣਗੀਆਂ—ਉਨ੍ਹਾਂ ਦੀਆਂ ਨਜ਼ਰਾਂ ਨਹੀਂ ਮਿਲਣਗੀਆਂ, ਉਨ੍ਹਾਂ ਦੀ ਮੁਦਰਾ ਸਹੀ ਨਹੀਂ ਹੋਵੇਗੀ, ਮੁਸਕਰਾਹਟ ਅਸਲੀ ਨਹੀਂ ਹੋਵੇਗੀ ਅਤੇ ਆਵਾਜ਼ ਤੋਂ ਵੀ ਤੁਹਾਨੂੰ ਪਤਾ ਲੱਗ ਜਾਵੇਗਾ।

ਹੱਥ ਜਾਂ ਤਲੀਆਂ ਹੇਠਾਂ ਵਲ ਕਰਕੇ ਅਸੀਂ ਆਪਣੇ ਅਧਿਕਾਰ ਜਾਂ ਆਪਣੇ ਦੂਜੇ ਉੱਤੇ ਹਾਵੀ ਹੋਣ ਨੂੰ ਦਿਖਾਣਾ ਚਾਹੁੰਦੇ ਹੁੰਦੇ ਹਾਂ। ਇਹ ਹਰਕਤ ਹੁਕਮ ਕਰਨ ਲੱਗਿਆਂ ਵਰਤੀ ਜਾਂਦੀ ਹੈ। 2008 ਵਿਚ ਅਮਰੀਕੀ ਪ੍ਰਧਾਨਗੀ ਦੀ ਚੋਣ ਵਿਚ ਹਿਲੇਰੀ ਕਲਿੰਟਨ ਨੇ ਜਦੋਂ ਆਪਣੀ ਮੁਹਿੰਮ ਸ਼ੁਰੂ ਕੀਤੀ ਤਾਂ ਉਹ ਆਪਣੇ ਸਰੋਤਿਆਂ ਨੂੰ ਪ੍ਰਭਾਵਤ ਕਰਨਾ ਚਾਹੁੰਦੀ ਸੀ ਕਿ ਸਭ ਕੁਝ ਉਸ ਦੇ ਵੱਸ ਜਾਂ ਕੰਟਰੋਲ ਵਿਚ ਹੈ। ਬਾਦ ਵਿਚ ਉਸਦੇ ਸਲਾਹਕਾਰਾਂ ਨੇ ਉਸਨੂੰ ਸ਼ਾਇਦ ਇਸ ਇਸ਼ਾਰੇ ਨੂੰ ਬਦਲਣ ਦੀ ਸਲਾਹ ਦਿੱਤੀ ਹੋਵੇਗੀ, ਤਾਂ ਉਸਨੇ ਆਪਣਾ ਇਸ਼ਾਰਾ ਬਦਲ ਕੇ ਤਲੀ ਉਪਰ ਕਰ ਲਈ। (ਉਹ ਲੋਕ ਜਿਨ੍ਹਾਂ ਨੂੰ ਆਪਣੀਆਂ ਤਲੀਆਂ ਹੇਠਾਂ ਵਲ ਨੂੰ ਕਰ ਕੇ ਗਲ ਕਰਨ ਦੀ ਆਦਤ ਹੁੰਦੀ ਹੈ, ਉਹ ਦੋਵੇਂ ਤਲੀਆਂ ਉਪਰ ਕਰਨ ਵਿਚ ਕੁਝ ਦਿੱਕਤ ਮਹਿਸੂਸ ਕਰਦੇ ਹਨ। ਆਪਣੀ ਇਸ ਆਦਤ ਨੂੰ ਤੋੜਨ ਲਈ ਉਹ ਇਕ ਹੱਥ ਦੀ ਤਲੀ ਉਪਰ ਵੱਲ ਕਰਨੀ ਸ਼ੁਰੂ ਕਰ ਦਿੰਦੇ ਹਨ।)

“ ਇਹ ਹਰਕਤ ਹੁਕਮ ਚਲਾਉਣ ਲਈ ਵਰਤੀ ਜਾਂਦੀ ਹੈ।”