ਨਾਲ ਸਬੰਧਤ ਗਿਣਿਆ ਜਾਂਦਾ ਹੈ । (ਮੇਰਾ ਖਿਆਲ ਹੈ ਤੁਸੀਂ ਮੁੱਦਾ ਸਮਝ ਗਏ ਹੋ।)

ਜੇ ਤੁਸੀਂ ਵੀ ਐਸਾ ਕਰਕੇ ਆਪਣੀ ਸ਼ਾਨ ਸਮਝਦੇ ਹੋ ਤਾਂ ਇਸਨੂੰ ਛੱਡ ਦਿਉ ਕਿਉਂਕਿ ਇਹ ਦੂਸਰੇ ਵਿਅਕਤੀ ਨੂੰ ਖਿਝਾ ਦੇਂਦਾ ਹੈ। ਟੈਲੀਵੀਜ਼ਨ ਦੇ ਪ੍ਰੋਗਰਾਮ ਵਿਚ ਸ਼ਾਇਦ ਇਹ ਠੀਕ ਲਗਦਾ ਹੋਵੇ ਪਰ ਆਮ ਜ਼ਿੰਦਗੀ ਵਿਚ ਇਹ ਪ੍ਰੇਸ਼ਾਨੀ ਦਿੰਦਾ ਹੈ।

ਬਦਲਵੀਆਂ ਹਰਕਤਾਂ (Displacement Activities)

ਹੁਣ ਸਾਨੂੰ ਇਕ ਐਸੀ ਚੀਜ਼ ਦੀ ਗੱਲ ਕਰ ਲੈਣੀ ਚਾਹੀਦੀ ਹੈ ਜਿਹੜੀ ਮਨੋਵਿਗਿਆਨ ਦੀ ਭਾਸ਼ਾ ਦਾ ਹਿੱਸਾ ਬਣ ਚੁੱਕੀ ਹੈ। ਬਦਲਵੀਆਂ ਹਰਕਤਾਂ ਉਹ ਹਰਕਤਾਂ ਹਨ ਜਿਨ੍ਹਾਂ ਦੀ ਮਦਦ ਨਾਲ ਅਸੀਂ ਆਪਣੀ ਪ੍ਰੇਸ਼ਾਨੀ ਦੂਰ (Displace) ਕਰਦੇ ਹਾਂ। ਜਾਂ ਇਹ ਕਹਿ ਲਈਏ ਕਿ ਅਸੀਂ ਆਪਣੇ ਅੰਦਰ ਪੈਦਾ ਹੋ ਰਹੈ ਮਾਨਸਿਕ ਤਣਾਅ ਤੋਂ ਛੁਟਕਾਰਾ ਪਾਉਣ ਦੀ ਕੋਸ਼ਿਸ਼ ਕਰਦੇ ਹਾਂ। ਇਹ ਛੋਟੀਆਂ ਛੋਟੀਆਂ ਹਰਕਤਾਂ ਬਹੁਤ ਹੀ ਘੱਟ ਸਮੇਂ ਲਈ—ਛਿਨ ਭਰ ਲਈ—ਹੀ ਹੁੰਦੀਆਂ ਹਨ, ਪਰ ਇਹ ਸਾਡੇ ਬਾਰੇ ਬਹੁਤ ਕੁਝ ਦੱਸ ਦੇਂਦੀਆਂ ਹਨ।

“ ਇਹ ਛਿਣ ਭਰ ਲਈ ਹੀ ਹੁੰਦੀਆਂ ਹਨ, ਪਰ ਬਹੁਤ ਕੁੱਝ ਦਸਦੀਆਂ ਹਨ।”

ਅਸੀਂ ਬਦਲਵੀਆਂ ਹਰਕਤਾਂ ਉਦੋਂ ਕਰਦੇ ਹਾਂ ਜਦੋਂ ਅਸੀਂ ਕਿਸੇ ਕਿਸਮ ਦੀ ਮਾਨਸਿਕ ਉਲਝਣ, ਪ੍ਰੇਸ਼ਾਨੀ ਜਾਂ ਨਿਰਾਸ਼ਤਾ ਵਿਚੋਂ ਲੰਘ ਰਹੇ ਹੁੰਦੇ ਹਾਂ। ਸਮਝਣ ਵਾਲੀ ਗੱਲ ਇਹ ਹੈ ਕਿ ਇਹ ਹਰਕਤਾਂ ਬਹੁਤ ਛੋਟੀਆਂ ਹੁੰਦੀਆਂ ਹਨ ਪਰ ਇਹ ਸਾਨੂੰ ਦੱਸ ਦਿੰਦੀਆਂ ਹਨ ਕਿ ਉਸ ਵਿਅਕਤੀ ਦੇ ਮਨ ਅੰਦਰ ਕੀ ਚਲ ਰਿਹਾ ਹੈ। ਜਿਵੇਂ ਸਾਡੇ ਰੋਜ਼ਾਨਾ ਜੀਵਨ ਵਿਚ ਹੁੰਦਾ ਹੈ, ਛੋਟੀਆਂ ਛੋਟੀਆਂ ਚੀਜ਼ਾਂ ਹੀ ਅਸਲ ਵਿਚ ਬਹੁਤ ਵੱਡਾ ਫਰਕ ਪਾਉਂਦੀਆਂ ਹਨ। ਇਹ ਛੋਟੀਆਂ ਛੋਟੀਆਂ ਹਰਕਤਾਂ ਹੀ ਹੁੰਦੀਆਂ ਹਨ ਜਿਹੜੀਆਂ ਸਾਡੇ ਮਨ ਦੇ ਅੰਦਰ ਛੁਪੀਆਂ ਭਾਵਨਾਵਾਂ ਨੂੰ ਬਾਹਰ ਪਰਗਟ ਕਰ ਦਿੰਦੀਆਂ ਹਨ। ਅਕਸਰ ਐਸਾ ਉਦੋਂ ਵੀ ਹੋ ਜਾਂਦਾ ਹੈ। ਜਦੋਂ ਸਾਨੂੰ ਇਸ ਬਾਰੇ ਕੁਝ ਵੀ ਪਤਾ ਨਹੀਂ ਹੁੰਦਾ।