ਸਿਆਣੀ ਗੱਲ

ਜੇ ਤੁਸੀਂ ਇਹ ਸਮਝਦੇ ਹੋ ਕਿ ਕੋਈ ਛੋਟੀ ਚੀਜ਼ ਵੱਡਾ ਫਰਕ ਨਹੀਂ ਪਾ ਸਕਦੀ, ਤਾਂ ਇਕ ਚੀਜ਼ ਯਾਦ ਕਰੋ। ਕੀ ਕਦੀ ਐਸਾ ਹੋਇਆ ਹੈ ਕਿ ਤੁਸੀਂ ਸੌਣ ਲਈ ਲੇਟੇ ਹੋਵੋ ਤੇ ਤੁਹਾਡੇ ਆਲੇ ਦੁਆਲੇ ਇਕ ਮੱਛਰ ਫਿਰ ਰਿਹਾ ਹੋਵੇ?

ਹਵਾਈ ਜਹਾਜ਼ ਤੇ ਗੱਡੀਆਂ

ਇਕ ਸਰਵੇਖਣ ਹਵਾਈ ਅੱਡਿਆਂ ਅਤੇ ਰੇਲਵੇ ਸਟੇਸ਼ਨਾਂ ਤੇ ਕੀਤਾ ਗਿਆ ਜਿਸ ਵਿਚ ਉਥੇ ਇੰਤਜ਼ਾਰ ਕਰ ਰਹੇ ਵਿਅਕਤੀਆਂ ਦੀਆਂ ਹਰਕਤਾਂ ਨੂੰ ਧਿਆਨ ਨਾਲ ਨੋਟ ਕੀਤਾ ਗਿਆ। ਇਨ੍ਹਾਂ ਥਾਵਾਂ ਤੇ ਲੋਕ ਅਕਸਰ ਤਣਾਅ ਵਿਚ ਹੁੰਦੇ ਹਨ। ਨਤੀਜੇ ਕਾਫੀ ਦਿਲਚਸਪ ਸਨ। ਜੋ ਪਹਿਲੀ ਚੀਜ਼ ਦੇਖੀ ਗਈ ਉਹ ਇਹ ਸੀ ਕਿ ਉੱਥੇ ਮੌਜੂਦ ਵਿਅਕਤੀ ਬੜੇ ਸਪਸ਼ਟ ਤੌਰ ਤੇ ਤਣਾਅ ਵਿਚ ਸਨ। ਦੂਸਰਾ ਇਹ ਸੀ ਕਿ ਉਹ ਆਪਣੇ ਜਹਾਜ਼ ਵਿਚ ਚੜ੍ਹਨ ਤੋਂ ਪੈਦਾ ਹੋਏ ਤਣਾਅ, ਡਰ ਤੇ ਘਬਰਾਹਟ ਨੂੰ ਛੁਪਾਣ ਦਾ ਯਤਨ ਕਰ ਰਹੇ ਸਨ। ਉਹ ਇਹ ਜ਼ਾਹਰ ਨਹੀਂ ਹੋਣ ਦੇਣਾ ਚਾਹੁੰਦੇ ਸਨ ਕਿ ਉਹ ਤਣਾਅ ਵਿਚ ਹਨ, ਅਤੇ ਜੇ ਉਨ੍ਹਾਂ ਕੋਲ ਕੋਈ ਰਸਤਾ ਹੁੰਦਾ ਤਾਂ ਸ਼ਾਇਦ ਉਹ ਉਥੋਂ ਭੱਜ ਹੀ ਜਾਂਦੇ। ਪਰ ਇਹ ਡਰ ਕੁਝ ਹੋਰ 'ਬਦਲਵੀਆਂ' ਹਰਕਤਾਂ ਰਾਹੀਂ ਬਾਹਰ ਆ ਰਿਹਾ ਸੀ।

ਐਸੀਆਂ ਬਦਲਵੀਆਂ ਹਰਕਤਾਂ ਵਿਚ ਬਾਰ ਬਾਰ ਆਪਣੀਆਂ ਟਿਕਟਾਂ ਚੈੱਕ ਕਰਨੀਆਂ, ਜੇਬ ਤੇ ਹੱਥ ਲਾ ਕੇ ਇਹ ਦੇਖਣਾ ਕਿ ਬਟੂਆ ਹੈ ਕਿ ਨਹੀਂ, ਸਾਮਾਨ ਬਾਰ ਬਾਰ ਚੁਕਣਾ ਅਤੇ ਵਾਪਸ ਰੱਖਣਾ, ਬਾਰ ਬਾਰ ਮੋਬਾਈਲ ਫੋਨ ਵੱਲ ਦੇਖਣਾ ਵਗੈਰਾ ਸ਼ਾਮਲ ਹਨ। ਇਕ ਦਿਲਚਸਪ ਗੱਲ ਇਹ ਸੀ ਕਿ ਇਹ ਸਾਰੀਆਂ ਚੀਜ਼ਾਂ ਕੁਝ ਕੁ ਮਿੰਟ ਪਹਿਲਾਂ ਹੀ ਕੀਤੀਆਂ ਗਈਆਂ ਹੁੰਦੀਆਂ ਸਨ।

ਇਕ ਹੋਰ ਦਿਲਚਸਪ ਗੱਲ ਇਹ ਸੀ ਕਿ ਹਵਾਈ ਅੱਡਿਆਂ ਤੇ ਅਜਿਹੀਆਂ ਹਰਕਤਾਂ ਰੇਲਵੇ ਸਟੇਸ਼ਨਾਂ ਨਾਲੋਂ ਕਾਫੀ ਵੱਧ ਮਾਤਰਾ ਵਿਚ ਦੇਖੀਆਂ ਗਈਆਂ-ਤਕਰੀਬਨ 10 ਗੁਣਾ। (ਰੇਲਵੇ ਸਟੇਸ਼ਨ ਤੇ ਸਿਰਫ 8 ਪ੍ਰਤੀਸ਼ਤ ਲੋਕ ਐਸਾ ਕਰ ਰਹੇ ਸਨ ਪਰ ਹਵਾਈ ਅੱਡਿਆਂ ਤੇ ਇਹ ਗਿਣਤੀ 80 ਪ੍ਰਤੀਸ਼ਤ ਸੀ)। ਇਹ ਵੀ ਦੇਖਿਆ ਗਿਆ ਕਿ ਸਿਰ ਖੁਰਕਣਾ, ਮੂੰਹ ਬਣਾਉਣਾ, ਕੰਨਾਂ ਨੂੰ ਛੋਹਣਾ, ਚੀਜ਼ਾਂ ਬਾਰ ਬਾਰ ਛੋਹਣੀਆਂ, ਉਲਟਾ ਪਲਟਾ ਕੇ ਦੇਖਣੀਆਂ—ਇਹ ਸਭ ਕੁੱਛ ਵੀ ਹਵਾਈ ਅੱਡਿਆਂ ਉੱਤੇ ਜ਼ਿਆਦਾ ਨਜ਼ਰ ਆਏ।

ਇਹ ਵੀ ਦੇਖਿਆ ਗਿਆ ਕਿ ਉਹ ਜਿਹੜੇ ਉਸ ਵੇਲੇ ਸਿਗਰਟ ਪੀਂਦੇ ਹਨ ਜਦੋਂ ਉਹ ਕਿਸੇ ਦਬਾਅ ਥੱਲੇ ਹੁੰਦੇ ਹਨ, ਉਹ ਲੋਕ ਸਿਗਰਟ ਪੀਣ ਦਾ ਵੀ ਲੰਬਾ ਚੌੜਾ ਢੰਗ-ਜਾਂ ਇਕ ਪੂਰੀ ਰਸਮ ਕਰ ਰਹੇ ਸਨ। ਪੈਕਟ ਨੂੰ ਧਿਆਨ ਨਾਲ ਲੱਭਣਾ, ਲਾਈਟਰ ਨੂੰ ਲੱਭਣਾ, ਸਿਗਰਟ ਜਲਾਉਣਾ, ਫਿਰ ਅੱਗ ਬੰਦ ਕਰਨੀ, ਐਸ਼-ਟਰੇ ਨੂੰ ਸਹੀ ਕਰ ਕੇ ਰੱਖਣਾ, ਸਿਗਰਟ ਤੋਂ ਬਾਰ ਬਾਰ ਸੁਆਹ ਛੱਡਣੀ (ਭਾਵੇਂ ਸੁਆਹ ਹੋਵੇ ਭਾਵੇਂ ਨਾਂਹ) ਅਤੇ ਫਿਰ ਸਿਗਰਟ ਨੂੰ ਐਸ਼ ਟਰੇ ਵਿਚ ਮਸਲ ਕੇ ਬੰਦ ਕਰ ਦੇਣਾ, ਹਾਲੇ ਜਦੋਂ ਉਹ ਬਿਲਕੁਲ ਥੋੜ੍ਹੀ ਹੀ ਵਰਤੀ