ਇਹ ਹਰਕਤ ਦੋ ਰੂਪਾਂ ਵਿੱਚ ਨਜ਼ਰ ਆਉਂਦੀ ਹੈ। ਜਦੋਂ ਕੋਈ ਵਿਅਕਤੀ ਬੈਠਿਆਂ ਹੋਇਆਂ ਗੱਲ ਕਰ ਰਿਹਾ ਹੋਵੇ ਤਾਂ ਉਹ ‘ਖੜ੍ਹਾ ਮੀਨਾਰ’ (Raised Steeple) ਬਣਾਉਂਦਾ ਹੈ ਇਸ ਵਿਚ ਕੂਹਣੀਆਂ ਮੇਜ਼ ਤੇ ਟਿਕੀਆਂ ਹੁੰਦੀਆਂ ਹਨ ਅਤੇ ਦੋਨੋਂ ਤਲੀਆਂ ਜੁੜ ਜਾਂਦੀਆਂ ਹਨ, ਉਂਗਲਾਂ ਇਕ ਦੂਜੇ ਨੂੰ ਹਲਕੀਆਂ ਜਿਹੀਆਂ ਛੋਂਹਦੀਆਂ ਹਨ ਤੇ ਫਿਰ ਇਸੇ ਤਰ੍ਹਾਂ ਹੀ ਰਹਿੰਦੀਆਂ ਹਨ। ਦੇਖਣ ਤੋਂ ਇੰਜ ਲਗਦਾ ਹੈ ਜਿਵੇਂ ਹੱਥ ਪ੍ਰਾਰਥਨਾ ਵਿਚ ਜੁੜੇ ਹੋਣ। ਜੇਕਰ ਉਹ ਵਿਅਕਤੀ ਬੋਲ ਨਾ ਰਿਹਾ ਹੋਵੇ, ਸਗੋਂ ਗੱਲ ਸੁਣ ਰਿਹਾ ਹੋਵੇ ਤਾਂ ਉਹ 'ਲੇਟਿਆ ਮੀਨਾਰ' ਬਣਾਉਂਦਾ ਹੈ ਅਤੇ ਇਹ ਮੀਨਾਰ ਮੇਜ਼ ਆਦਿ ਕਿਸੇ ਚੀਜ਼ ਤੇ ਰੱਖਿਆ ਹੋ ਸਕਦਾ ਹੈ ਜਾਂ ਝੋਲੀ ਵਿਚ ਗੋਡਿਆਂ ਵਿਚਕਾਰ ਰੱਖਿਆ ਹੋ ਸਕਦਾ ਹੈ। ਲੇਟਿਆ ਮੀਨਾਰ ਪਹਿਲੇ ਨਾਲੋਂ ਜ਼ਿਆਦਾ ਮਿਲਵਰਤਨ ਦਾ ਚਿੰਨ੍ਹ ਹੈ ਅਤੇ ਖੋਜਾਂ ਦਸਦੀਆਂ ਹਨ ਕਿ ਗੱਲ ਸੁਣਦੇ ਹੋਏ ਇਹ ਮੀਨਾਰ ਮਰਦਾਂ ਨਾਲੋਂ ਔਰਤਾਂ ਜ਼ਿਆਦਾ ਬਣਾਉਂਦੀਆਂ ਹਨ।

ਆਮ ਤੌਰ ਤੇ ਮੀਨਾਰ ਵਾਲੀ ਮੁਦਰਾ ਔਰਤਾਂ ਨਾਲੋਂ ਮਰਦ ਜ਼ਿਆਦਾ ਵਰਤਦੇ ਹਨ। ਕਈ ਵਾਰ ਮੀਨਾਰ ਦੇ ਨਾਲ ਹੀ ਸਰੀਰ ਦੀ ਬਾਕੀ ਭਾਸ਼ਾ 'ਖੁਲ੍ਹੀ' ਨਾ ਹੋ ਕੇ ਬੰਦ ਹੁੰਦੀ ਹੈ-ਜਿਵੇਂ ਸਿਰ ਨੂੰ ਕਿਸੇ ਪਾਸੇ ਵੱਲ ਝੁਕਾ ਲੈਣਾ, ਅਤੇ ਆਪਣੇ ਸਰੀਰ ਨੂੰ ਪਿੱਛੇ ਵੱਲ ਨੂੰ