ਸੁੱਟ ਲੈਣਾ। ਇਸ ਨੂੰ ਕਰਨ ਵਾਲਾ ਘੁਮੰਡੀ ਹੋਣ ਦਾ ਪ੍ਰਭਾਵ ਦਿੰਦਾ ਹੈ। ਕਈ ਵਾਰੀ ਤੁਹਾਨੂੰ ਮੀਨਾਰ ਬਣਾਉਣ ਦਾ ਐਸਾ ਢੰਗ ਵੀ ਨਜ਼ਰੀਂ ਪਏਗਾ ਜਿਸ ਵਿਚ ਇਹ ਸਿਰ ਤੋਂ ਵੀ ਵੱਧ ਉਚਾਈ ਤੇ ਹੁੰਦਾ ਹੈ, ਸਰਵੇਖਣਾਂ ਵਿਚ ਇਹ ਪਤਾ ਲਗਦਾ ਹੈ ਕਿ ਜਦੋਂ ਕੋਈ ਵਿਅਕਤੀ ਮੀਨਾਰ ਬਣਾ ਕੇ ਬੈਠਦਾ ਹੈ ਤਾਂ ਉਹ ਵਿਸ਼ਵਾਸ ਪੂਰਬਕ ਗੱਲ ਕਰਨ ਦਾ ਪ੍ਰਭਾਵ ਦਿੰਦਾ ਹੈ। ਇਹ ਵੀ ਦੇਖਿਆ ਗਿਆ ਹੈ ਕਿ ਜਦੋਂ ਕੋਈ ਵਿਅਕਤੀ ਆਪਣੀ ਮੁਦਰਾ ‘ਹੱਥ ਪਕੜਨ’ ਤੋਂ ਜਾਣ ਬੁੱਝ ਕੇ ਬਦਲ ਕੇ 'ਮੀਨਾਰ' ਦੀ ਮੁਦਰਾ ਬਣਾ ਲੈਂਦਾ ਹੈ ਤਾਂ ਉਸ ਦੀਆਂ ਭਾਵਨਾਵਾਂ ਵੀ ਬਦਲ ਜਾਂਦੀਆਂ ਹਨ।

ਅਜ਼ਮਾ ਕੇ ਦੇਖੋ !

ਕਿਸੇ ਗਲਬਾਤ ਵਿਚ ਮੀਨਾਰ ਬਣਾ ਕੇ ਦੇਖੋ। ਕੀ ਇਹ ਤੁਹਾਡੀ ਭਾਵਨਾਤਮਕ ਸਥਿਤੀ ਵਿਚ ਕੋਈ ਬਦਲਾਅ ਲਿਆਉਂਦਾ ਹੈ? ਕੀ ਹੁਣ ਤੁਸੀਂ ਆਪਣੇ ਆਪ ਨੂੰ ਜ਼ਿਆਦਾ ਵਿਸ਼ਵਾਸ-ਭਰਪੂਰ ਤੇ ਗਿਆਨ ਵਾਲੇ ਮਹਿਸੂਸ ਕਰਦੇ ਹੋ? ਜਦੋਂ ਤੁਹਾਨੂੰ ਲੱਗੇ ਕਿ ਤੁਹਾਡੇ ਹੱਥ ਸ਼ਾਇਦ ਕਿਸੇ ਵਿਅਕਤੀ ਸਾਹਮਣੇ ਕੰਬਣੇ ਸ਼ੁਰੂ ਹੋ ਜਾਣਗੇ ਤਾਂ 'ਮੀਨਾਰ' ਬਣਾਉ। ਇਸ ਨਾਲ ਤੁਸੀਂ ਘਬਰਾਹਟ ਤੋਂ ਛੁਟਕਾਰਾ ਪਾ ਲਵੋਗੇ।

ਜੇ ਤੁਸੀਂ ਕਿਸੇ ਇੰਟਰਵਿਊ ਜਾਂ ਕਿਸੇ ਮਹੱਤਵਪੂਰਨ ਮੀਟਿੰਗ ਵਿਚ ਘਬਰਾਹਟ ਮਹਿਸੂਸ ਕਰੋ ਤਾਂ 'ਮੀਨਾਰ' ਬਣਾਉਣ ਨਾਲ ਤੁਸੀਂ ਉਸ ਹਾਲਤ ਤੋਂ ਬਚ ਜਾਉਗੇ ਜਦੋਂ ਤੁਹਾਡੇ ਹੱਥ ਕੰਬਣ ਲਗ ਪੈਂਦੇ ਹਨ ਅਤੇ ਦੇਖਣ ਵਾਲੇ ਨੂੰ ਤੁਹਾਡੀ ਘਬਰਾਹਟ ਦਾ ਪਤਾ ਲਗ ਜਾਂਦਾ ਹੈ। ਇਸ ਮੁਦਰਾ ਨੂੰ ਬਾਰ ਬਾਰ ਕਰਨ ਨਾਲ ਇਹ ਤੁਹਾਡੀ ਆਦਤ ਅਤੇ ਫਿਰ ਕੁਦਰਤੀ ਤਰੀਕਾ ਬਣ ਜਾਏਗੀ।

ਜੇਕਰ ਤੁਸੀਂ ਅਚੇਤ ਹੀ ਆਪਣੇ ਹੱਥ ਮਲਦੇ ਰਹਿੰਦੇ ਹੋ ਤਾਂ ਇਸ ਬਾਰੇ ਸੁਚੇਤ ਰਹੋ। ਜਦੋਂ ਇਹ ਹੋ ਰਿਹਾ ਹੋਵੇ ਤਾਂ ਤੁਸੀਂ 'ਮੀਨਾਰ' ਵਾਲੀ ਮੁਦਰਾ ਬਣਾ ਲਵੋ। ਤੁਸੀਂ ਦੇਖੋਗੇ ਕਿ ਅਚਾਨਕ ਹੀ ਤੁਹਾਡੀ ਇਕਾਗਰਤਾ ਬਣਨੀ ਸ਼ੁਰੂ ਹੋ ਜਾਵੇਗੀ ਅਤੇ ਤੁਸੀਂ ਆਪਣੇ ਬਾਰੇ ਹੀ ਸੋਚਣ ਦੀ ਥਾਂ ਤੇ ਦੂਜਿਆਂ ਬਾਰੇ ਵੀ ਸੋਚਣ ਲੱਗ ਪੈਂਦੇ ਹੋ।

ਹੱਥਾਂ ਦੀ ਇਕ ਹੋਰ ਮੁਦਰਾ ਵੀ ਹੈ ਜਿਸ ਵਿਚ ਮੀਨਾਰ ਤੋਂ ਉਲਟ, ਉਂਗਲਾਂ ਇਕ ਦੂਜੇ ਵਿਚ ਫਸੀਆਂ ਹੁੰਦੀਆਂ ਹਨ। ਆਮ ਤੌਰ ਤੇ ਇਨ੍ਹਾਂ ਦਾ ਸਬੰਧ ਘਬਰਾਹਟ ਨਾਲ ਜੋੜਿਆ ਜਾਂਦਾ ਹੈ ਜਾਂ ਇਸ ਨੂੰ 'ਬਚਾਅ' ਵਾਲੀ ਮਨੋਸਥਿਤੀ ਨਾਲ ਜੋੜਿਆ ਜਾਂਦਾ ਹੈ। ਪਰ ਜੇ ਇਸ ਦੇ ਨਾਲ ਹੀ ਦੋਵੇਂ ਅੰਗੂਠੇ ਉਪਰ ਵਲ ਨੂੰ ਇਸ਼ਾਰਾ ਕਰ ਰਹੇ ਹੋਣ ਤਾਂ ਇਹ ਮੁਦਰਾ ਸਵੈ-ਭਰੋਸੇ ਦੀ ਲਖਾਇਕ ਹੈ। ਇਹ ਇਕ ਸਕਾਰਾਤਮਕ ਮੁਦਰਾ ਹੈ ਅਤੇ ਦੇਖਣ ਵਾਲੇ ਨੂੰ ਇਹ ਇਕ ਆਤਮ-ਵਿਸ਼ਵਾਸ ਵਾਲੇ ਬੁਲਾਰੇ ਦਾ ਪ੍ਰਭਾਵ ਦਿੰਦੀ ਹੈ।

“ਇਹ ਦੇਖਣ ਵਾਲੇ ਨੂੰ ਇੱਕ ਆਤਮ-ਵਿਸ਼ਵਾਸ ਭਰਪੂਰ ਬੁਲਾਰੇ ਦਾ ਪ੍ਰਭਾਵ ਦਿੰਦੀ ਹੈ।”