ਉਦਾਹਰਣ ਦੇ ਤੌਰ ਤੇ, ਜਦੋਂ ਅਸੀਂ ਕਿਸੇ ਵੀ ਕਿਸਮ ਦੀ ਪ੍ਰੇਸ਼ਾਨੀ ਵਿਚ ਹੋਈਏ ਤਾਂ ਅਸੀਂ ਆਪਣੇ ਹੱਥ ਨਾਲ ਵਾਲਾਂ ਨੂੰ ਛੋਂਹਦੇ ਹਾਂ (ਆਦਮੀਆਂ ਵਿਚ ਸਿਰ ਦੇ ਉਪਰ ਦੇ ਹਿੱਸੇ ਦੇ ਜਾਂ ਗਰਦਨ ਦੇ ਪਿੱਛੇ ਵਾਲੇ ਵਾਲਾਂ ਨੂੰ ਛੋਹਿਆ ਜਾਂਦਾ ਹੈ)। ਕੀ ਤੁਹਾਨੂੰ ਵੀ ਕੁਝ ਯਾਦ ਆ ਰਿਹਾ ਹੈ? ਜੇ ਤੁਸੀਂ ਕਿਸੇ ਮਸ਼ਹੂਰ ਵਿਅਕਤੀ ਨੂੰ ਟੈਲੀਵੀਜ਼ਨ ਦੇ ਕਿਸੇ ਪ੍ਰੋਗਰਾਮ ਵਿਚ ਦੇਖਿਆ ਹੈ, ਤਾਂ ਪਹੁੰਚਦੇ ਸਾਰ ਸਰੋਤਿਆਂ ਦੀਆਂ ਤਾੜੀਆਂ ਦਾ ਜੁਆਬ ਦੇ ਕੇ ਜਦੋਂ ਉਹ ਬੈਠਦੇ ਹਨ ਤਾਂ ਸਭ ਤੋਂ ਪਹਿਲਾਂ ਕੀ ਕਰਦੇ ਹਨ? ਹੱਥ ਉਪਰ ਜਾਂਦਾ ਹੈ ਤੇ ਸਿਰ ਦੇ ਜਾਂ ਗਰਦਨ ਪਿੱਛੇ ਦੇ ਵਾਲਾਂ ਨੂੰ ਛੋਂਹਦਾ ਹੈ। ਜਾਂ ਸੋਚੋ ਜੇ ਕੋਈ ਆਦਮੀ ਸੜਕ ਤੇ ਕਾਰ ਖੜ੍ਹੀ ਕਰ ਕੇ ਕਿਤੇ ਗਿਆ ਹੋਵੇ, ਵਾਪਸ ਆਣ ਤੇ ਦੂਰੋਂ ਹੀ ਉਸਦੀ ਨਜ਼ਰ ਪੈਂਦੀ ਹੈ ਕਿ ਕਾਰ ਕੋਲ ਖੜ੍ਹਾ ਹੋਕੇ ਪੁਲੀਸ ਦਾ ਸਿਪਾਹੀ ਉਸਦਾ ਚਲਾਨ ਕੱਟ ਰਿਹਾ ਹੈ। ਬਸ ਫਿਰ ਹੱਥ ਉਪਰ ਵੱਲ.....