ਇਸ ਦਾ ਇਕ ਹੋਰ ਰੂਪ ਵੀ ਹੈ—ਅਕਸਰ ਦੋਵੇਂ ਹੱਥਾਂ ਨਾਲ ਹੀ ਇਹ ਕੰਮ ਕੀਤਾ ਜਾਂਦਾ ਹੈ। ਕਦੀ ਤੁਸੀਂ ਫੁੱਟਬਾਲ ਦੇ ਕਿਸੇ ਖਿਡਾਰੀ ਨੂੰ ਗੋਲ ਤੇ ਨਿਸ਼ਾਨਾ ਖੁੰਝਾਉਂਦਿਆਂ ਦੇਖਿਆ ਹੈ? ਜਾਂ ਟੈਨਿਸ ਦੇ ਕਿਸੇ ਖਿਡਾਰੀ ਨੂੰ ਦੁਬਾਰਾ ਗਲਤੀ (ਡਬਲ ਫਾਲਟ) ਕਰਦੇ ਹੋਏ ਦੇਖਿਆ ਹੈ? ਅਚੇਤ ਹੀ ਖਿਡਾਰੀ ਦੇ ਦੋਵੇਂ ਹੱਥ ਸਿਰ ਵੱਲ ਜਾਂ ਗਰਦਨ ਦੇ ਪਿਛਲੇ ਹਿੱਸੇ ਤੇ ਪਹੁੰਚ ਜਾਂਦੇ ਹਨ। ਇਹ ਵੀ ਆਪਣੇ ਆਪ ਨੂੰ ਤਸੱਲੀ ਦੇਣ ਵਾਲੀ ਹਰਕਤ ਹੈ। ਇਹ ਹਰਕਤਾਂ ਕਿਸੇ ਕਿਸਮ ਦੀ ਨਿੰਮੋਝੂਣਤਾ, ਪ੍ਰੇਸ਼ਾਨੀ, ਘਬਰਾਹਟ ਜਾਂ ਨਾਖੁਸ਼ੀ ਪ੍ਰਗਟ ਕਰਦੀਆਂ ਹਨ—ਭਾਵੇਂ ਛਿਣ ਭਰ ਲਈ ਹੀ ਸਹੀ। ਇਸ ਦਾ ਮਤਲਬ ਸਪਸ਼ਟ ਹੀ ਹੈ ਅਤੇ ਦੇਖ ਰਹੇ ਲੱਖਾਂ ਪ੍ਰਸੰਸਕਾਂ ਨੂੰ ਇਸਦਾ ਮਤਲਬ ਸਮਝਣ ਵਿਚ ਦੇਰ ਨਹੀਂ ਲਗਦੀ। ਇਹ 'ਗੋਦੀ' ਬਣਾਉਣ ਦੀ ਹਰਕਤ ਹੈ। ਜਿਵੇਂ ਬਚਪਨ ਵਿਚ ਸਾਡੇ ਮਾਂ ਬਾਪ ਸਾਨੂੰ ਸਹਾਰਾ ਅਤੇ