ਕੇ ਹੀ ਅੰਦਾਜ਼ਾ ਲਗਾਉਣਾ ਪਵੇਗਾ ਕਿ ਉਹ ਵਿਅਕਤੀ ਕੀ ਮਹਿਸੂਸ ਕਰ ਰਿਹਾ ਹੈ। ਇਕ ਵਾਰ ਫਿਰ ਸਾਨੂੰ ਹਰਕਤਾਂ ਦੇ ‘ਸਮੂਹ' ਵਾਲੀ ਗੱਲ ਧਿਆਨ ਵਿਚ ਰੱਖਣੀ ਪਵੇਗੀ।

ਪਰ ਜੇਕਰ ਮੁੱਠੀ ਬਣਾ ਕੇ ਹੱਥ ਠੋਡੀ ਨੂੰ ਸਹਾਰਾ ਦੇ ਰਿਹਾ ਹੋਵੇ ਤਾਂ ਇਹ ਇਕ ਵੱਖਰੀ ਗੱਲ ਹੁੰਦੀ ਹੈ। ਬਿਲਕੁਲ ਜਿਵੇਂ ਪੂਰਾ ਹੱਥ ਪੂਰੇ ਜਬਾੜੇ ਨੂੰ ਢੱਕ ਕੇ ਸਹਾਰਾ ਦੇ ਰਿਹਾ ਹੋਵੇ। ਇਹ ਦੋਨੋਂ ਹੀ ਸਿਰ ਨੂੰ ਉਪਰ ਰੱਖ ਰਹੇ ਹੁੰਦੇ ਹਨ। ਜੇ ਤੁਸੀਂ ਕਿਸੇ ਮੀਟਿੰਗ ਵਿੱਚ ਭਾਸ਼ਨ ਦੇ ਰਹੇ ਹੋਵੋ, ਜਾਂ ਕਿਸੇ ਟ੍ਰੇਨਿੰਗ ਪ੍ਰੋਗਰਾਮ ਵਿਚ ਕੁਝ ਦੱਸ ਰਹੇ ਹੋਵੋ ਅਤੇ ਬਹੁਤ ਸਾਰੇ ਸਿਰਾਂ ਨੂੰ ਇਸ ਤਰੀਕੇ ਨਾਲ ਸਹਾਰਾ ਦਿੱਤਾ ਜਾ ਰਿਹਾ ਹੋਵੇ ਤਾਂ ਖਤਰੇ ਵਾਲੀ ਗੱਲ ਹੈ।

ਉਕਤਾਹਟ ਦੇ ਚਿੰਨ੍ਹ ਦੇਖਣ ਲਈ ਅੱਖਾਂ ਵੱਲ ਦੇਖੋ ਅਤੇ ਨਾਲ ਹੀ 'ਹੱਥ ਚਿਹਰੇ 'ਤੇ’ ਵਾਲੀਆਂ ਹਰਕਤਾਂ ਦੇਖੋ। ਜੇਕਰ ਅੱਖਾਂ ਹੇਠਾਂ ਵੱਲ ਦੇਖ ਰਹੀਆਂ ਹੋਣ, ਅੱਧੀਆਂ ਬੰਦ ਹੋਣ, ਧੁੰਧਲੀ ਅਤੇ ਅਸਪਸ਼ਟ ਨਜ਼ਰ ਨਾਲ ਆਲੇ ਦੁਆਲੇ ਦੇਖ ਰਹੀਆਂ ਹੋਣ (Bleary eyed), ਤਾਂ ਫਿਰ ਤੁਹਾਨੂੰ ਵਿਸ਼ਾ ਬਦਲ ਕੇ ਇਕ ਵਾਰੀ ਫਿਰ ਦਿਲਚਸਪੀ ਪੈਦਾ ਕਰਨੀ ਚਾਹੀਦੀ ਹੈ। ਜਾਂ ਫਿਰ ਗੱਲ ਉੱਥੇ ਹੀ ਖਤਮ ਕਰਨ ਦਾ ਵਕਤ ਆ ਚੁੱਕਾ ਹੈ।