ਛੇੜ ਛਾੜ ਵਾਲੇ ਹਾਲਾਤ ਵਿੱਚ ਵੀ ਮਹਿਸੂਸ ਹੋ ਜਾਂਦਾ ਹੈ ।

ਐਸੇ ਲੋਕ 'ਸਮਝਦੇ ਨਹੀਂ'। ਜਾਂ ਤਾਂ ਉਹ ਜਾਣ ਕੇ ਸਾਡੀ ਸ਼ਰਾਫਤ ਦਾ ਫਾਇਦਾ ਉਠਾਉਣਾ ਚਾਹੁੰਦੇ ਹਨ ਤੇ ਜਾਂ ਫਿਰ ਉਹ ਬੇਵਕੂਫ ਹਨ ਤੇ ਉਨ੍ਹਾਂ ਨੂੰ ਸਮਝ ਹੀ ਨਹੀਂ। ਇਹ ਗੱਲ ਉਨ੍ਹਾਂ ਨੂੰ ਸਿਖਾਈਆਂ ਹੀ ਨਹੀਂ ਗਈਆਂ। ਅਤੇ ਜਾਂ ਫਿਰ ਉਹ ਕਿਸੇ ਹੋਰ ਹੀ ਦੁਨੀਆਂ ਤੋਂ ਆਏ ਹਨ। ਪਰ ਕਾਰਨ ਕੁਝ ਵੀ ਹੋਵੇ, ਇਨ੍ਹਾਂ ਤੋਂ ਖਿੱਝ ਬਹੁਤ ਚੜ੍ਹਦੀ ਹੈ। ਅਤੇ ਇਹ ਗੱਲ ਸਿਰਫ ਔਰਤਾਂ ਨੂੰ ਹੀ ਮਹਿਸੂਸ ਨਹੀਂ ਹੁੰਦੀ ਸਗੋਂ ਔਰਤਾਂ ਮਰਦਾਂ ਦੋਹਾਂ ਨੂੰ ਇਸ ਦਾ ਸਾਹਮਣਾ ਕਰਨਾ ਪੈਂਦਾ ਹੈ।

ਮੇਰਾ ਖਿਆਲ ਹੈ ਕਿ ਤੁਸੀਂ ਕਈ ਵਾਰੀ ਐਸੇ ਲੋਕਾਂ ਨੂੰ 'ਰੱਦ’ ਕਰ ਦਿੰਦੇ ਹੋ ਕਿਉਂਕਿ ਸਿਰਫ ਉਹ ਆਪਣੇ ਆਪ ਨੂੰ ‘ਸਹੀ ਦੂਰੀ’ ਤੇ ਨਹੀਂ ਰੱਖਦੇ। ਬਾਕੀ ਸਭ ਕੁਝ ਠੀਕ ਸੀ, ਬਸ ਉਹ ਤੁਹਾਡੇ 'ਨਿੱਜੀ ਇਲਾਕੇ' ਦਾ ਧਿਆਨ ਨਹੀਂ ਸਨ ਰੱਖਦੇ। ਉਨ੍ਹਾਂ ਨੂੰ ਇਤਨਾ ਵੀ ਪਤਾ ਨਹੀਂ ਸੀ ਕਿ ਉਨ੍ਹਾਂ ਨੂੰ ਕਿੰਨੀ ਦੂਰੀ ਰੱਖਣੀ ਚਾਹੀਦੀ ਹੈ।

ਸਹੀ ਦੂਰੀਆਂ

• ਅਤਿ ਨੇੜਤਾ (Intimate):- 0-6 ਇੰਚ। ਇਤਨੀ ਨੇੜਤਾ ਵਿਚ ਆਉਣ ਦੀ ਆਗਿਆ ਬਹੁਤ ਘੱਟ ਲੋਕਾਂ ਨੂੰ ਹੁੰਦੀ ਹੈ—ਤੁਹਾਡੇ ਪ੍ਰੇਮੀ ਜਾਂ ਹੋਰ ਲੋਕ (ਜਿਵੇਂ ਤੁਹਾਡੇ ਬੱਚੇ) ਜਿਨ੍ਹਾਂ ਦਾ ਤੁਹਾਨੂੰ ਛੋਹ ਲੈਣਾ ਵੀ ਤੁਹਾਨੂੰ ਪ੍ਰੇਸ਼ਾਨ ਨਹੀਂ ਕਰਦਾ। (ਸੋ ਇਸ ਕਿਸਮ ਦੇ ਲੋਕਾਂ ਨੂੰ ਵੱਧ ਤੋਂ ਵੱਧ ਨੇੜਤਾ ਵਾਲਾ ਵਿਉਹਾਰ ਕਰਨ ਦੀ ਵੀ ਇਜਾਜ਼ਤ ਹੁੰਦੀ ਹੈ)
• ਨੇੜਤਾ (Intimate ):- 6-18 ਇੰਚ ਸਿਰਫ ਬਹੁਤ ਮਹੱਤਵਪੂਰਨ ਲੋਕ-ਪ੍ਰੇਮੀ, ਨੇੜਤਾ ਵਾਲੇ ਮਿੱਤਰ ਤੇ ਨੇੜੇ ਦੇ ਰਿਸ਼ਤੇਦਾਰ-ਹੀ ਇਸ ਖੇਤਰ ਵਿਚ ਆ ਸਕਦੇ ਹਨ। ਜੇ ਕੋਈ ਅਜਨਬੀ ਜਾਂ ਕੁਝ ਘੱਟ ਵਾਕਫ ਲੋਕ ਇਸ ਸੀਮਾ ਦੇ ਅੰਦਰ ਆ ਜਾਂਦੇ ਹਨ ਤਾਂ ਅਸੀਂ ਬੇਆਰਾਮੀ ਮਹਿਸੂਸ ਕਰਨੀ ਸ਼ੁਰੂ ਕਰ ਦਿੰਦੇ ਹਾਂ।

ਕੁੱਝ ਬੁਲ੍ਹਾਂ ਬਾਰੇ ਵੀ.....

ਚਿਹਰੇ ਦੀ ਗੱਲ ਕਰਦਿਆਂ ਬੁਲ੍ਹਾਂ ਬਾਰੇ ਭੀ ਜਾਣ ਲੈਣਾ ਚਾਹੀਦਾ ਹੈ। ਅਸੀਂ ਬੁਲ੍ਹਾਂ ਨੂੰ ਛੋਹਣ ਵਾਲੀ ਗੱਲ ਨਹੀਂ ਸਗੋਂ ਬੁੱਲ੍ਹਾਂ ਦੀਆਂ ਹਰਕਤਾਂ ਦੀ ਗੱਲ ਕਰ ਰਹੇ ਹਾਂ। ਵੱਖੋ- ਵੱਖ ਕਿਸਮ ਦੀਆਂ ਮੁਸਕਰਾਹਟਾਂ ਦੀ ਗੱਲ ਕਰਦਿਆਂ ਅਸੀਂ ਬੁਲ੍ਹਾਂ ਦੀ ਗੱਲ ਵੀ ਕੀਤੀ ਸੀ। ਤੁਹਾਨੂੰ ਯਾਦ ਹੋਵੇਗਾ ਕਿ ਸਾਡੇ ਮੂੰਹ ਦੇ ਆਲੇ-ਦੁਆਲੇ ਬਹੁਤ ਸਾਰੇ ਪੱਠਿਆਂ ਦਾ ਇਕ ਜਾਲ ਹੈ। ਇਹ ਸਾਰੇ ਪੱਠੇ ਇਕ ਦੂਜੇ ਤੋਂ ਮੁਕਤ ਜਾਂ ਵੱਖਰੇ-ਵੱਖਰੇ ਤੌਰ ਤੇ ਹਰਕਤ ਕਰ ਸਕਦੇ ਹਨ ਅਤੇ ਨਤੀਜੇ ਵਜੋਂ ਅਸੀਂ ਆਪਣੇ ਚਿਹਰੇ ਉੱਤੇ ਅਨੇਕਾਂ ਹਾਵ ਭਾਵ ਲਿਆ ਸਕਦੇ ਹਾਂ। ਇਸ ਤਰ੍ਹਾਂ ਸਾਡੇ ਬੁਲ੍ਹ ਸਾਡੇ ਅੰਦਰ ਪੈਦਾ ਹੋ ਰਹੀਆਂ ਭਾਵਨਾਵਾਂ ਬਾਰੇ ਬਹੁਤ ਕੁਝ ਦੱਸ ਵੀ ਸਕਦੇ ਹਨ ਅਤੇ ਛੁਪਾ ਵੀ ਸਕਦੇ ਹਨ। ਸਾਡਾ ਤਣਾਅ ਇਨ੍ਹਾਂ ਤੋਂ ਸਹਿਜੇ ਹੀ ਪਰਗਟ ਹੋ ਜਾਂਦਾ ਹੈ ਅਤੇ ਇਕ ਹੋਰ ਭਾਵ ਹੈ ਜਿਸ ਵਿਚ ਅਸੀਂ ਆਪਣਾ ਉਪਰਲਾ ਬੁਲ੍ਹ ਖਿੱਚ ਲੈਂਦੇ ਹਾਂ (Stiff Upper Lip)।