ਅੰਤਿਕਾ

ਸੱਤ ਅਧਿਆਇਆਂ ਤੇ ਇਕ ਝਾਤ

ਤੁਹਾਡੇ ਮਨ ਅਤੇ ਸਰੀਰ ਨੂੰ 'ਪੜ੍ਹਨ' ਦੇ ਹੁਨਰ ਕਿਹੋ ਜਿਹੇ ਹਨ?

ਸਭ ਤੋਂ ਪਹਿਲਾਂ ਅਸੀਂ ਸੰਖੇਪ ਵਿਚ ਦੱਸਾਂਗੇ ਕਿ ਕੁਝ ਖਾਸ ਹਾਲਤਾਂ ਵਿਚ ਸਰੀਰ ਦੀ ਭਾਸ਼ਾ ਕੀ ਹੁੰਦੀ ਹੈ, ਅਤੇ ਫਿਰ ਅਸੀਂ ਕਾਫੀ ਬਰੇਕ ਵਾਲੇ ਸੁਆਲਾਂ ਦੇ ਜੁਆਬ ਦਿਆਂਗੇ।

ਪ੍ਰੇਮ ਕਲੋਲ (Flirting) ਅਤੇ ਪ੍ਰੇਮ ਮਿਲਣੀ (Dating) ਦੌਰਾਨ ਦੀ ਸਰੀਰਕ ਭਾਸ਼ਾ

ਤੁਸੀਂ ਪ੍ਰੇਮ ਕਲੋਲ ਜਾਂ ਪ੍ਰੇਮ ਮਿਲਣੀ ਬਾਰੇ ਸਰੀਰਕ ਭਾਸ਼ਾ ਤੋਂ ਬਿਨਾਂ ਸੋਚ ਵੀ ਨਹੀਂ ਕਦੇ। ਇਹ ਉਹ ਕੁਝ ਕਹਿ ਦੇਂਦੀ ਹੈ ਜਿਹੜੀ ਕੁਝ ਸ਼ਬਦ ਕਦੇ ਵੀ ਨਹੀਂ ਕਹਿ ਸਕਦੇ। ਤੁਹਾਡਾ ਸਰੀਰ ਕੁਝ ਇਸ਼ਾਰੇ ਕਰਦਾ ਹੈ—ਜਾਣ ਬੁੱਝ ਕੇ ਜਾਂ ਅਚੇਤ ਹੀ, ਤਾਂ ਕਿ ਦੂਜੇ ਵਿਅਕਤੀ ਨੂੰ ਪਤਾ ਲੱਗ ਜਾਵੇ ਕਿ ਤੁਸੀਂ ਦਿਲਚਸਪੀ ਰੱਖਦੇ ਹੋ। ਅਤੇ ਇਸ ਲਈ ਵੀ ਕਿ ਤੁਸੀਂ

1. ਦੂਜੇ ਦਾ ਧਿਆਨ ਆਪਣੇ ਵੱਲ ਖਿੱਚੋ,

2. ਉਸ ਦਾ ਧਿਆਨ ਆਪਣੇ ਵੱਲ ਹੀ ਕੀਤੀ ਰੱਖੋ।

ਆਦਮੀ ਸਰੀਰਕ ਭਾਸ਼ਾ ਦੇ ਸੰਕੇਤ ਪੜ੍ਹਨ ਵਿਚ ਬਹੁਤੇ ਵਧੀਆ ਨਹੀਂ ਹੁੰਦੇ। ਬਹੁਤ ਵਾਰੀ ਉਹ ਮਿੱਤਰਤਾ ਪੂਰਨ ਵਿਉਹਾਰ ਨੂੰ ਹੀ ਕਾਮੁਕ ਖਿੱਚ ਵਾਲਾ ਵਿਉਹਾਰ ਸਮਝ ਬੈਠਦੇ ਹਨ। ਇਕ ਔਰਤ ਵੀ ਮਰਦ ਤੋਂ ਇਹ ਆਸ ਰੱਖਦੀ ਹੈ ਕਿ ਉਹ ਉਸਦੀ ਸਰੀਰਕ ਭਾਸ਼ਾ ਨੂੰ (ਨਕਾਰਾਤਮਕ ਸਰੀਰਕ ਭਾਸ਼ਾ ਨੂੰ ਵੀ) ਸਹੀ ਤਰ੍ਹਾਂ ਸਮਝੇਗਾ। ਅਤੇ ਇਹੀ ਆਸ ਮਰਦ ਵੀ ਕਰਦਾ ਹੈ। ਮੈਂ ਪਹਿਲਾ ਔਰਤਾਂ ਦੀ ਗੱਲ ਕਰਾਂਗਾ ਕਿਉਂਕਿ ਸਾਰੀਆਂ ਖੋਜਾਂ ਇਹੀ ਦਸਦੀਆਂ ਹਨ ਕਿ ਪਹਿਲ ਔਰਤਾਂ ਵੱਲੋਂ ਹੀ ਹੁੰਦੀ ਹੈ, ਤਾਂ ਹੀ 'ਕੋਰਟਸ਼ਿਪ ਅਤੇ ਪ੍ਰੇਮ ਮਿਲਣੀ ਵਾਲੀ ਗੱਲ ਸ਼ੁਰੂ ਹੁੰਦੀ ਹੈ। ਮਰਦ ਅਕਸਰ ਐਸੀ ਔਰਤ ਵੱਲ ਕਦਮ ਵਧਾਉਣ ਤੋਂ ਘਬਰਾਉਂਦੇ ਹਨ ਜਿਸਨੇ ਇਹ ਪ੍ਰਗਟ ਨਾ ਕੀਤਾ ਹੋਵੇ ਕਿ ਉਹ ਰਜ਼ਾਮੰਦ ਹੈ।

ਜਿਥੋਂ ਤਕ ਇਸ 'ਰਸਮ' ਵਿਚਲੇ ਵਿਉਹਾਰ ਦਾ ਸੁਆਲ ਹੈ, ਮਰਦ ਦਾ ਵਿਉਹਾਰ ਹੋਰ 'ਮਰਦਾਨਗੀ' ਭਰਿਆ ਹੁੰਦਾ ਹੈ ਅਤੇ ਔਰਤਾਂ ਦਾ ਵਿਉਹਾਰ ਹੋਰ 'ਜ਼ਨਾਨਾ' ਹੁੰਦਾ ਹੈ।