-ਮੈਂ ਮੰਨਦਾ ਧੀਆਂ ਭੈਣਾਂ ਸਾਂਝੀਆਂ ਹੁੰਦੀਆਂ, ਪਰ ਇੱਜ਼ਤ ਆਪਣੀ ਆਪਣੀ ਹੁੰਦੀ ਹੈ।
-“ਪੈਸੇ ਨਾਲ ਸਭ ਕੁਝ ਨਹੀਂ ਹੁੰਦਾ" ਇਹ ਵਾਕ ਬੋਲਣ ਵਾਲੇ ਜਾਂ ਤਾਂ ਬਹੁਤ ਜ਼ਿਆਦਾ ਅਮੀਰ ਹੁੰਦੇ ਹਨ ਜਾਂ ਫੇਰ ਬਹੁਤ ਜ਼ਿਆਦਾ ਗ਼ਰੀਬ।
-ਸ਼ਬਦ ਸ਼ਬਦਾਂ ਉੱਤੇ ਭਾਰੀ ਹਨ ਜਿਵੇਂ ਦੋ ਕੁ ਅੱਖਰਾਂ ਦਾ "ਸੌਰੀ" ਸ਼ਬਦ ਤਿੰਨ ਕੁ ਅੱਖਰਾਂ ਦੇ "ਰਿਸ਼ਤੇ" ਸ਼ਬਦ ਨੂੰ ਟੁੱਟਣੋਂ ਬਚਾ ਸਕਦਾ ਹੈ।
-ਪੈਸਾ ਚੁੰਬਕ ਵਾਂਗ ਕੰਮ ਕਰਦਾ ਹੈ ਪਰ ਉਹਦੇ ਲਈ ਪਹਿਲਾਂ ਤੁਹਾਨੂੰ ਆਪਣਾ ਲੋਹਾ ਮੰਨਵਾਉਣਾ ਪੈਂਦਾ ਹੈ।
-ਕਿਸੇ ਵੀ ਸ਼ਹਿਰ ਦੀਆਂ ਹਾਲਤਾਂ ਦਾ ਸ਼ਹਿਰ ਦੀਆਂ ਦੀਵਾਰਾਂ ਤੋਂ ਹੀ ਪਤਾ ਚੱਲ ਜਾਂਦਾ ਹੈ ਜਿਵੇਂ ਸਾਡੇ ਮੁਲਕ ਦੀਆਂ ਦੀਵਾਰਾਂ ਨਸ਼ਾ ਮੁਕਤੀ, ਮਰਦਾਨਾ ਤਾਕਤ ਦੇ ਨਾਅਰਿਆਂ ਨਾਲ ਖੁਣੀਆਂ ਪਈਆਂ ਹਨ ਜਦਕਿ ਚੀਨ ਦੀਆਂ ਦੀਵਾਰਾਂ ਆਦਰਸ਼ ਤੱਥਾਂ ਨਾਲ ਲਿਪੀਆਂ ਪਈਆਂ ਹਨ।
-ਅੱਜ ਕੱਲ੍ਹ ਮਤਲਬ ਦੀ ਦੁਨੀਆ ਹੈ ਅਤੇ ਬਿਨਾਂ ਮਤਲਬ ਤੋਂ ਲੋਕ ਰੱਬ ਨੂੰ ਵੀ ਬੁਲਾਕੇ ਰਾਜੀ ਨਹੀਂ।
