ਜੱਚਦਾ ਮੇਰੇ 'ਤੇ ..." ਮੈਂ' ਮਾਂ ਦਾ ਨਾਂ ਸੁਣ ਆਸ-ਪਾਸ ਦੇਖਣ ਲੱਗੀ ਪਰ ਕੋਈ ਨਹੀਂ ਸੀ ਉੱਥੇ। ਬਾਪੂ ਕੋਟੀ ਪਾ ਠੁਮਕਦਾ-ਠੁਮਕਦਾ ਏਹ ਕਹਿ ਕੇ ਬਾਹਰ ਨੂੰ ਚਲਿਆ ਗਿਆ ਕਿ ਅੱਜ ਮੇਰੇ ਜੁਆਈ ਨੇ ਆਉਣਾ, ਠੰਡਾ ਫੜ੍ਹ ਕੇ ਲਿਆਉਣਾ... ਹੋਰ ਕੁਛ ਲਿਆਉਣਾ ਤਾਂ ਫੋਨ ਕਰਦੀ ਧੀਏ। ਮੈਨੂੰ ਮਹਿਸੂਸ ਹੋਇਆ ਕਿ ਬਾਪੂ ਇਕੱਲਾ ਨਹੀਂ ਏ, ਮਾਂ ਦੀ ਹੋਂਦ ਉਸਦੇ ਨਾਲ ਏ, ਚੀਜ਼ਾਂ 'ਚ ਉਹਦੀਆਂ ਯਾਦਾਂ 'ਚ। ਉਹ ਜੀਅ ਲਵੇਗਾ, ਕੋਟੀ ਨਾਲ ਸੂਈ ਨਾਲ ਤੇ ਉਸਦੀ ਹਰ ਇੱਕ ਚੀਜ਼ ਨਾਲ। ਮੈਂ ਬੇਫ਼ਿਕਰ ਹੋ ਆਵਦੇ ਸਹੁਰੇ ਘਰ ਮੁੜਨ ਲਈ ਨਹਾਉਣ ਲੱਗੀ।