ਲਿਆ ਤੇ ਲੜਾਈ ਵਾਸਤੇ ਆਮ ਤਿਆਰੀ ਦਾ ਹੁਕਮ ਜਾਰੀ ਕੀਤਾ।
ਅੱਠ ਸਤੰਬਰ ਨੂੰ ਚੀਨੀ ਫ਼ੌਜਾਂ ਨੇ ਥਾਗਲਾ ਪਿੰਡ ਕੋਲੋਂ ਮੈਕਮੋਹਨ ਰੇਖਾ ਨੂੰ ਪਾਰ ਕੀਤਾ। ਮੈਕਮੋਹਨ ਰੇਖਾ ਨੂੰ ਚੀਨ ਆਪ ਕਦੀ ਭਾਰਤ ਚੀਨ ਦੀ ਅੰਤਰਰਾਸ਼ਟਰੀ ਹੱਦ ਮੰਨ ਚੁੱਕਾ ਸੀ।
ਪੰਜ ਅਕਤੂਬਰ ਨੂੰ ਅਮਰੀਕਾ ਦੀ ਸਮੁੰਦਰੀ ਸੈਨਾ ਨੇ ਕਿਊਬਾ ਵਿਰੁੱਧ ਫ਼ੌਜੀ ਕਾਰਵਾਈ ਸ਼ੁਰੂ ਕਰ ਦਿੱਤੀ।
ਅੱਠ ਅਕਤੂਬਰ ਪਿੱਛੇ ਚੀਨ ਨੇ ਭਾਰਤੀ ਫ਼ੌਜਾਂ ਉੱਤੇ ਮਾਰਟਰ ਤੋਪਾਂ ਨਾਲ ਗਲੇ ਬਰਸਾਉਣੇ ਸ਼ੁਰੂ ਕਰ ਦਿੱਤੇ।
ਅੱਠ ਅਕਤੂਬਰ ਪਿੱਛੋਂ ਅਮਰੀਕਾ ਨੇ ਕਿਊਬਾ ਉੱਤੇ ਦਬਾਉ ਵਧਾ ਦਿੱਤਾ। ਬਾਈ ਅਕਤੂਬਰ ਨੂੰ ਉਸ ਟਾਪੂ ਦੀ ਸਮੁੰਦਰੀ ਨਾਕਾਬੰਦੀ ਸ਼ੁਰੂ ਕਰ ਦਿੱਤੀ ਤੇ ਇੱਕ ਤਰ੍ਹਾਂ ਨਾਲ ਪੂਰਾ ਘੇਰਾ ਪਾ ਲਿਆ।
ਵੀਹ ਅਕਤੂਬਰ ਨੂੰ ਚੀਨ ਨੇ ਨੀਫ਼ਾ ਤੇ ਲੱਦਾਖ ਉੱਤੇ ਵੱਡਾ ਹਮਲਾ ਕਰ ਦਿੱਤਾ। ਭਾਰਤੀ ਫ਼ੌਜਾਂ ਸਰਹੱਦ ਉੱਤੇ ਬਹੁਤ ਥੋੜ੍ਹੀਆਂ ਸਨ, ਮਸਾਂ ਅੰਦਰੂਨੀ ਅਮਨ ਕਾਇਮ ਰੱਖਣ ਜੋਗੀਆਂ ਪਰ ਜਿਸ ਬਹਾਦਰੀ ਨਾਲ ਭਾਰਤੀ ਜਵਾਨਾਂ ਨੇ ਅੱਗੋਂ ਟਾਕਰਾ ਕੀਤਾ, ਦੁਸ਼ਮਨ ਹੈਰਾਨ ਰਹਿ ਗਿਆ।
ਅਮਰੀਕਾ ਦੇ ਪ੍ਰਧਾਨ ਕੈਨੇਡੀ ਤੇ ਰੂਸ ਦੇ ਨੇਤਾ ਖਰੂਸਚੇਵ ਨੇ ਸਿਆਣਪ ਤੋਂ ਕੰਮ ਲਿਆ। ਦੋਹਾਂ ਵੱਡਿਆਂ ਨੇ ਕਿਊਬਾ ਦੇ ਮਸਲੇ 'ਤੇ ਸੁਲ੍ਹਾ ਕਰ ਲਈ। ਦੁਨੀਆ ਤਬਾਹੀ ਤੋਂ ਬਚ ਗਈ। ਅਮਨ ਦੇ ਚਾਹਵਾਨ ਸਿਆਣੇ ਲੋਕਾਂ ਨੇ ਸੁੱਖ ਦਾ ਸਾਹ ਲਿਆ। ਏਸ ਸੁਲ੍ਹਾ 'ਤੇ ਕਿਸੇ ਨੂੰ ਸੁੱਖ ਨਹੀਂ ਹੋਇਆ, ਤਾਂ ਕੇਵਲ ਚੀਨ ਦੇ ਹਾਕਮਾਂ ਨੂੰ। ਉਹਨਾਂ ਖਰੂਸਚੇਵ ਨੂੰ ਰੱਜ ਕੇ ਕੋਸਿਆ, ਜੋ ਜੀਅ ਆਇਆ ਬੁਰਾ ਭਲਾ ਕਿਹਾ। ਇਉਂ ਸਮਝੋ ਕਿ ਚੀਨ ਦੇ ਸਾਰੇ ਬੁਰੇ ਇਰਾਦਿਆਂ ਉੱਤੇ ਪਾਣੀ ਫਿਰ ਗਿਆ।
ਵੀਹ ਨਵੰਬਰ ਨੂੰ ਅਮਰੀਕਾ ਨੇ ਕਿਊਬਾ ਤੋਂ ਘੇਰਾ ਉਠਾ ਲਿਆ।
ਅਗਲੇ ਦਿਨ ਇੱਕੀ ਨਵੰਬਰ, 1962 ਨੂੰ ਚੀਨ ਨੇ ਇੱਕ-ਤਰਫਾ ਲੜਾਈ ਬੰਦ ਕਰ ਦਿੱਤੀ। ਭਾਰਤ ਪਹਿਲਾਂ ਹੀ ਲੜਾਈ ਦੇ ਹੱਕ ਵਿੱਚ ਨਹੀਂ ਸੀ। ਚੀਨ ਨੇ ਲੜਾਈ ਬੰਦ ਕਰਨ ਦਾ ਐਲਾਨ ਕੀਤਾ, ਤਾਂ ਅੱਗੋਂ ਭਾਰਤੀ ਸੈਨਾ ਨੇ ਵੀ ਗੋਲੀ ਚਲਾਉਣੀ ਬੰਦ ਕਰ ਦਿੱਤੀ।
ਇਸ ਛੋਟੀ ਜਿਹੀ ਝੜਪ ਵਿੱਚ ਭਾਰਤੀ ਜਵਾਨਾਂ ਨੇ ਦੁਨੀਆ ਨੂੰ ਦੱਸ ਦਿੱਤਾ, ਕਿ ਉਹ ਮਰਦਾਂ ਵਾਂਗ ਟਾਕਰਾ ਕਰਨਾ ਤੇ ਦੇਸ਼ ਬਦਲੇ ਮਰਨਾ ਜਾਣਦੇ ਹਨ।
