ਬੋਲੀ ਤੋਂ ਲਾਇਆ ਏ। ਉਹਨਾਂ ਕੋਲ ਬਹੁਤ ਸਾਰੇ ਹਥਿਆਰ ਤੇ ਕੁਛ ਹੋਰ ਸਮਾਨ ਸੀ।"

"ਤੈਨੂੰ ਉਹਨਾਂ ਕੀ ਕਿਹਾ ?"

"ਉਹਨਾਂ ਦਾ ਸਰਦਾਰ ਆਖਣ ਲੱਗਾ, "ਵੇਖ ਤੂੰ ਸਾਡਾ ਮੁਸਲਮਾਨ ਭਾਈ ਏਂ। ਅਸੀਂ ਤੁਹਾਨੂੰ ਕਸ਼ਮੀਰੀਆਂ ਨੂੰ ਕਾਫ਼ਰਾਂ ਦੀ ਗੁਲਾਮੀ ਤੋਂ ਅਜ਼ਾਦ ਕਰੋਣ ਆਏ ਹਾਂ। ਸਾਡੀ ਮਦਦ ਕਰੋ।"

"ਫਿਰ ਤੂੰ ਕੀ ਕਿਹਾ ਅੱਗੋਂ ?"

"ਕਹਿਣਾ ਕੀ ਸੀ, ਸਰਕਾਰ। ਮੈਂ ਡਰਦਾ ਅੱਗੋਂ ਹਾਂ-ਹਾਂ ਕਰੀ ਗਿਆ। ਉਹਨਾਂ ਕਿਹਾ ਜੇ ਤੂੰ ਸਾਡੀ ਮਰਜ਼ੀ ਮੁਤਾਬਕ ਕੰਮ ਕਰੇਂਗਾ ਤਾਂ ਤੈਨੂੰ ਚਾਰ ਸੌ ਰੁਪਈਆ ਦਿਆਂਗੇ ਤੇ ਨਹੀਂ ਤਾਂ ਫੇਰ ਆਹ ਵੇਖ।" ਮੁਹੰਮਦ ਦੀਨ ਨੇ ਹੱਥ ਵਾਲੀ ਸੋਟੀ ਨੂੰ ਬੰਦੂਕ ਵਾਂਗ ਸਿੱਧਿਆਂ ਕਰਕੇ ਸਮਝਾਇਆ, "ਮੈਨੂੰ ਤਾਂ ਉਹ ਗੋਲੀ ਮਾਰ ਦੇਣ ਲੱਗੇ ਸੀ।"

"ਫਿਰ ਤੂੰ ਕੀ ਕਿਹਾ ?

"ਮੈਂ ਕਿਹਾ, ਮੈਂ ਤੁਹਾਡਾ ਮੁਸਲਮਾਨ ਭਾਈ ਆਂ। ਮੈਂ ਹਰ ਤਰ੍ਹਾਂ ਤੁਹਾਡੀ ਮਦਦ ਕਰਾਂਗਾ। ਡਰਦਾ ਹੋਰ ਕੀ ਕਹਿੰਦਾ, ਸਰਕਾਰ। ਰੱਬ ਨੇੜੇ ਕਿ ਘਸੁੰਨ।"

"ਉਹ ਤੈਥੋਂ ਪੁੱਛਦੇ ਕੀ ਸਨ ?"

"ਏਹਾ ਕਿ ਤੁਹਾਡਾ ਬਾਨਾ ਕਿੱਥੇ ਆ। ਓਥੇ ਕਿੰਨੇ ਸਿਪਾਹੀ ਨੇ, ਕਿੰਨੇ ਹਥਿਆਰ ਨੇ। ਫਿਰ ਨੇੜੇ ਦਾ ਅਨਾਜਘਰ ਕਿੱਥੇ ਐ। ਬੱਸ, ਲਾਰੀਆਂ ਦਾ ਅੱਡਾ ਕਿੱਥੇ ਆ, ਤੇ ਕਿੰਨਾ ਈ ਹੋਰ ਕੁਛ।"

"ਹੋਰ ਕੁਛ ਕੀ, ਉਇ!"

"ਹੋਰ ਕੁਛ, ਹੋਰ ਕੁਛ।" ਮੁਹੰਮਦ ਦੀਨ ਫੇਰ ਘਬਰਾ ਗਿਆ। ਕਿ "ਸਾਡਾ ਮਜ੍ਹਬ ਇਕ ਏ, ਕੰਮ ਇਕ ਏ, ਤੁਸੀਂ ਸਾਡੀ ਮਦਦ ਕਰੋ ਤੇ ਸਾਰੀਆਂ ਥਾਵਾਂ ਦੀ ਸੂੰਹ ਕੱਢ ਕੇ ਸਾਨੂੰ ਪਤਾ ਦਿਹੋ। ਮੈਂ ਲਾਰਾ ਲਾ ਕੇ ਓਥੋਂ ਜਾਨ ਬਚਾ ਕੇ ਨੱਸਣ ਦੀ ਕੀਤੀ। ਜਾਨ ਬਚੀ ਲਾਖੋਂ ਪਾਏ। ਮੈਂ ਸਿੱਧਾ ਸਰਕਾਰ ਕੋਲ ਆ ਹਾਜ਼ਰ ਹੋਇਆ। ਹਜੂਰ ਸਾਨੂੰ ਪਿਛਲੇ ਕਬੋਲੀਆਂ ਦੀ ਕੀਤੀ ਭੁੱਲ ਤਾਂ ਨਹੀਂ ਗਈ।"

ਮੁਹੰਮਦ ਦੀਨ ਸਭ ਤੋਂ ਪਹਿਲਾ ਆਦਮੀ ਸੀ, ਜੀਹਨੇ ਚਾਰ ਅਗਸਤ ਨੂੰ ਪਾਕਿਸਤਾਨੀ ਲੁਟੇਰਿਆਂ ਦੀ ਖ਼ਬਰ ਦਿੱਤੀ।

ਦੂਸਰਾ ਕਸ਼ਮੀਰੀ ਮੁਸਲਮਾਨ ਸੀ ਵਜ਼ੀਰ ਮੁਹੰਮਦ, ਜ਼ਿਲ੍ਹਾ ਪੁਣਛ ਦਾ, ਜਿਸਨੇ ਲਾਗੇ ਦੀ ਆਪਣੀ ਫ਼ੌਜੀ ਚੌਂਕੀ ਵਿੱਚ ਪਾਕਿਸਤਾਨੀ ਲੁਟੇਰਿਆਂ ਦੀ ਖ਼ਬਰ ਦਿੱਤੀ। ਏਸ ਤਰ੍ਹਾਂ ਕਸ਼ਮੀਰ ਸਰਕਾਰ ਨੂੰ ਪਾਕਿਸਤਾਨੀ ਲੁਟੇਰਿਆਂ ਦੇ ਕਸ਼ਮੀਰ