ਜਮਾਂਦਰੂ ਗੁਣ ਸੀ। 'ਢਿੱਲ-ਮੱਠ' ਵਿੱਚ ਸਮਾਂ ਗੁਆਉਣ ਦੀ ਗਲਤੀ ਕਰਨ ਦੇ ਉਹ ਸਖ਼ਤ ਵਿਰੋਧੀ ਸਨ। ਉਹਨਾਂ ਆਪਣੀਆਂ ਜ਼ਿੰਮੇਵਾਰੀਆਂ ਨੂੰ ਮਹਿਸੂਸ ਕਰਦਿਆਂ ਬੜੇ ਠਰੂੰਮੇ ਪਰ ਦ੍ਰਿੜ੍ਹਤਾ ਨਾਲ ਕਹਿਣਾ ਸ਼ੁਰੂ ਕੀਤਾ, "ਹਾਂ ਹੁਣ ਕੋਈ ਚਾਰਾ ਨਹੀਂ। ਅਸੀਂ ਅਮਨ ਨਾਲ ਰਹਿਣਾ ਚਾਹੁੰਦੇ ਸਾਂ, ਪਰ ਪਾਕਿਸਤਾਨ ਸਰਕਾਰ ਨੇ ਸਾਨੂੰ ਹਥਿਆਰ ਚੁੱਕਣ ਵਾਸਤੇ ਮਜਬੂਰ ਕਰ ਦਿੱਤਾ ਹੈ। ਸਾਡੀ ਅਮਨ-ਪਸੰਦੀ ਨੂੰ ਉਹ ਸਾਡੀ ਕਮਜ਼ੋਰੀ ਸਮਝ ਬੈਠੇ ਨੇ। ਸਾਡੇ ਸਾਮ੍ਹਣੇ ਇਸ ਵੇਲੇ ਭਾਰਤ ਦੀ ਅਣਖ ਤੇ ਇੱਜ਼ਤ ਦਾ ਸਵਾਲ ਹੈ। ਬੇਇੱਜ਼ਤੀ ਦੀ ਜ਼ਿੰਦਗੀ ਨਾਲੋਂ ਅਣਖ ਦੀ ਮੌਤ ਹਜ਼ਾਰਾਂ ਦਰਜੇ ਚੰਗੀ ਹੁੰਦੀ ਹੈ। ਮੈਨੂੰ ਪੂਰਨ ਭਰੋਸਾ ਹੈ ਕਿ ਭਾਰਤ ਦੇ ਫ਼ੌਜੀ ਜੈਨਰਲ ਆਪਣੇ ਫ਼ਰਜ਼ਾਂ ਨੂੰ ਪੂਰੀ ਤਰ੍ਹਾਂ ਸਮਝਦੇ ਹਨ। ਭਾਰਤ ਸਰਕਾਰ ਵੱਲੋਂ ਉਹਨਾਂ ਨੂੰ ਆਗਿਆ ਹੈ ਕਿ ਦੇਸ਼-ਰੱਖਿਆ ਬਦਲੇ, ਜੋ ਉਹ ਠੀਕ ਸਮਝਣ, ਕਰਨ। ਅਸੀਂ ਕਿਸੇ ਦੇ ਇਲਾਕੇ ਉੱਤੇ ਕਬਜ਼ਾ ਨਹੀਂ ਕਰਨਾ ਚਾਹੁੰਦੇ, ਪਰ ਅਸੀਂ ਇਹ ਵੀ ਬਰਦਾਸ਼ਤ ਨਹੀਂ ਕਰ ਸਕਦੇ ਕਿ ਕੋਈ ਸਾਡੀ ਆਜ਼ਾਦੀ ਵਿੱਚ ਦਖ਼ਲ ਦੇਵੇ। ਜੋ ਤਾਕਤ ਨਾਲ ਸਾਡਾ ਇਲਾਕਾ ਹਥਿਆਉਣਾ ਚਾਹਵੇ, ਅਸੀਂ ਪੂਰੀ ਤਾਕਤ ਨਾਲ ਉਹਨਾਂ ਦਾ ਜਵਾਬ ਦੇਵਾਂਗੇ। ਪਾਕਿਸਤਾਨ ਸਰਕਾਰ ਨੇ ਹਥਿਆਰਬੰਦ ਲੁਟੇਰੇ ਕਸ਼ਮੀਰ ਵਿੱਚ ਭੇਜ ਕੇ ਅਮਨ-ਭੰਗ ਕੀਤਾ ਹੈ। ਇਸ ਤਰ੍ਹਾਂ ਉਹਨੇ ਨਾ ਸਿਰਫ਼ ਰਨ-ਕੱਛ ਦਾ ਸਮਝੌਤਾ ਹੀ ਤੋੜਿਆ ਹੈ, ਸਗੋਂ ਪਿਛਲੇ ਸਾਰੇ ਹੀ ਦੋਸਤੀ ਦੇ ਅਹਿਦ ਭੁਲਾ ਦਿੱਤੇ ਹਨ। ਭਾਰਤ ਸਰਕਾਰ ਵੱਲੋਂ ਫ਼ੌਜ ਨੂੰ ਹੁਕਮ ਦਿੱਤਾ ਜਾਂਦਾ ਹੈ ਕਿ ਉਹ ਬਦੇਸ਼ੀ ਲੁਟੇਰਿਆਂ ਨੂੰ ਮੁਲਕ ਵਿਚੋਂ ਮਾਰ ਬਾਹਰ ਕਰੋ। ਲੋੜ ਪਈ 'ਤੇ ਸਾਡੀ ਫ਼ੌਜ ਹੱਦ ਟੱਪ ਕੇ ਉਹਨਾਂ ਟਿਕਾਣਿਆਂ 'ਤੇ ਵੀ ਹਮਲਾ ਕਰ ਸਕਦੀ ਹੈ, ਜਿੱਥੇ ਉਹਨਾਂ ਲੁਟੇਰਿਆਂ ਦੇ ਅੱਡ ਹਨ। ਸਰਕਾਰ ਇਸਦੇ ਨਤੀਜਿਆਂ ਤੋਂ ਵੀ ਜਾਣੂ ਹੈ। ਹੋ ਸਕਦਾ ਹੈ, ਇਸ ਦੇ ਉੱਤਰ ਵਿੱਚ ਪਾਕਿਸਤਾਨੀ ਫ਼ੌਜ ਸਾਡੇ ਮੁਲਕ ਉੱਤੇ ਇਕ ਵੱਡਾ ਹਮਲਾ ਕਰ ਦੇਵੇ। ਸਾਨੂੰ ਉਸ ਟਾਕਰੇ ਵਾਸਤੇ ਵੀ ਤਿਆਰ ਰਹਿਣਾ ਚਾਹੀਦਾ ਹੈ। ਭਾਰਤ ਸਰਕਾਰ ਸਮਝਦੀ ਹੈ ਕਿ ਆਪਣੀ ਰੱਖਿਆ ਹਿਤ ਹੁਣ ਤਾਕਤ ਦੀ ਵਰਤੋਂ ਬਿਨਾਂ ਕੋਈ ਚਾਰਾ ਨਹੀਂ। ਲੜਾਈ ਦੇ ਹਰ ਵੇਲੇ ਦੇ ਸਹਿਮ ਨਾਲੋਂ ਇਕ ਵਾਰ ਲੜ ਕੇ ਵੇਖ ਲੈਣਾ ਹੀ ਠੀਕ ਹੁੰਦਾ ਹੈ। ਮੈਨੂੰ ਆਪਣੀ ਫ਼ੌਜ ਦੇ ਬਹਾਦਰ ਤੇ ਸਮਝਦਾਰ ਜਰਨੈਲਾਂ ਉੱਤੇ ਮਾਣ ਹੈ। ਲੋੜ ਪਈ ਤੇ ਅੰਤਰ-ਰਾਸ਼ਟਰੀ ਹੱਦਾਂ ਨੂੰ ਪਾਰ ਕਰਨ ਦੀ ਵੀ ਉਹਨਾਂ ਨੂੰ ਆਗਿਆ ਹੈ। ਵੈਰੀ ਨੂੰ ਆਪਣੇ ਘਰ ਉਡੀਕਣ ਦੀ ਥਾਂ, ਹੱਦੋਂ ਅੱਗੇ ਵੱਧ ਕੇ ਹੀ ਉਸ ਦਾ ਟਾਕਰਾ ਕਰਨਾ ਠੀਕ ਹੁੰਦਾ ਹੈ। ਸਰਕਾਰ ਵੱਲੋਂ ਏਨੀ ਆਗਿਆ ਦਿੰਦਾ ਹੋਇਆ ਮੈਂ ਆਪਣੇ ਦਿਲ ਦੀ ਚਾਅ ਪ੍ਰਗਟ ਕਰ ਦੇਣਾ ਚਾਹੁੰਦਾ ਹਾਂ। ਪਾਕਿਸਤਾਨ ਦੀ ਜਨਤਾ ਨਾਲ ਸਾਡਾ ਕੋਈ ਵੈਰ ਨਹੀਂ। ਉਹ ਸਾਡੇ ਭਰਾ ਹਨ। ਸੋ, ਜਿੱਥੋਂ ਤੱਕ ਹੋ ਸਕੇ,