ਭਾਰਤ ਦੀ ਲੜਾਈ ਬੰਦ ਹੋਵੇ। ਇਕ ਪਾਸੇ ਯੂ. ਐੱਨ. ਓ. ਇਹ ਲੜਾਈ ਬੰਦ ਕਰਾਉਣ ਦਾ ਯਤਨ ਕਰ ਰਹੀ ਏ। ਦੂਜੇ ਪਾਸੇ ਚੀਨ ਏਸ ਅੱਗ ਨੂੰ ਹਵਾ ਦੇ ਰਿਹਾ ਏ।"

"ਕਾਮਰੇਡ ਸਾਹਬ: ਇੱਕ ਵਾਰ ਦੋਹਾਂ ਧਿਰਾਂ ਦਾ ਬੁੱਘ ਬਲ੍ਹਾਟ ਨਿਕਲ ਈ ਲੈਣ ਦੇਣਾ ਚਾਹੀਦਾ ਏ। ਹੁਣ ਲੜਾਈ ਬੰਦ ਹੋ ਗਈ ਤਾਂ ਦੇ ਮਹੀਨਿਆਂ ਨੂੰ ਭੁੱਟੋ ਫੇਰ ਔਖਾ ਹੋਣ ਲੱਗ ਪਵੇਗਾ। ਕੱਚਾ ਫੜਾ ਚੀਰਿਆ, ਭਾਉ। ਆਹੰਦੇ ਨੇ, ਸਗੋਂ ਵਧੇਰੇ ਵਿਛੜ ਜਾਂਦਾ ਏ। ਇਕ ਵੇਰਾਂ ਜ਼ੋਰ ਲੱਗ ਲੈਣ ਦਿਹੇ ਦੋਹਾਂ ਧਿਰਾਂ ਦਾ।"

"ਭਾਊ ਕਰਮ ਸਿਹਾਂ। ਮੇਰਾ ਖ਼ਿਆਲ ਏ, ਜ਼ੋਰ ਲਾ ਕੇ ਈ ਖਲੋਣਗੇ ਦੋਵੇਂ ਧਿਰਾਂ। ਛੰਭ ਸੈਕਟਰ ਵਿੱਚ ਪਾਕਿਸਤਾਨੀ ਫ਼ੌਜ ਦਾ ਦੱਬਾ ਵੱਧ ਰਿਹਾ ਏ। ਉਸ ਦੀ ਰੋਕ ਥਾਮ ਵਾਸਤੇ ਹੋ ਸਕਦਾ ਏ ਸਾਡੀ ਸਰਕਾਰ ਦੂਸਰਾ ਮੋਰਚਾ ਖੁਹਲ ਦੇਵੇ।"

"ਜ਼ਰੂਰ ਚਾਹੀਦਾ ਏ। ਗੁਰੂ ਮਹਾਰਾਜ ਨੇ ਆਖਿਆ ਏ ; ਮੂਰਖ ਗੰਢੁ ਪਵੈ ਮੁਹਿ ਮਾਰ।" ਅਮਲੀ ਨੇ ਗੁਰਬਾਣੀ ਦਾ ਪ੍ਰਮਾਣ ਦਿੱਤਾ।

“ਭਾਊ। ਬੂਥੇ 'ਤੇ ਵੱਜੇ ਫੇਰ ਅਗਲਾ ਖਲੋਂਦਾ ਏ।" ਭਾਊ ਨੇ ਬੜੀ ਠੇਠ ਬੋਲੀ ਵਿੱਚ ਅਮਲੀ ਦੀ ਪ੍ਰੋੜ੍ਹਤਾ ਕੀਤੀ।

"ਵੇਖੋ, ਮੇਰਾ ਖ਼ਿਆਲ ਏ, ਹੁਣ ਪੰਜਾਬ ਦੀਆਂ ਹੱਦਾਂ ਉੱਤੇ ਛੇੜ ਛਾੜ ਹੋਵੇਗੀ। ਤੀਜੇ ਦਿਨ ਦੀਆਂ ਸਾਡੀਆਂ ਫ਼ੌਜਾਂ ਹੱਦ ਉੱਤੇ ਢੁੱਕ ਰਹੀਆਂ ਨੇ। ਕੱਲ੍ਹ ਦੇ ਫ਼ੌਜੀ ਡਾਕਖ਼ਾਨੇ ਵਿੱਚ ਸਾਰਾ ਦਿਨ ਮਨੀ ਆਰਡਰ ਕਰਾਉਂਦੇ ਰਹੇ ਨੇ। ਸ਼ਾਇਦ ਉਹਨਾਂ ਨੂੰ ਪੇਸ਼ਗੀ ਤਨਖ਼ਾਹਾਂ ਮਿਲ ਗਈਆਂ ਨੇ। ਵੇਖੋ ਭਲਕੇ ਪਰਸੋਂ ਤੱਕ ਕੀ ਹੁੰਦਾ ਏ।"

"ਯਾਰ ਹੋਣ ਦਿਹੋ ਜੋ ਹੁੰਦਾ ਏ। ਚਲੋ ਹੁਣ ਉਠੀਏ।" ਅਮਲੀ ਦੇ ਉਠਣ ਨਾਲ ਬਾਕੀ ਸਾਥੀ ਵੀ ਉਠ ਬੈਠੇ।

੧੨.

ਛੇ ਸਤੰਬਰ ਨੂੰ ਤੜਕੇ ਭਾਰਤੀ ਫ਼ੌਜ ਨੇ ਕਈ ਥਾਵਾਂ ਤੋਂ ਅੰਤਰਰਾਸ਼ਟਰੀ ਹੱਦ ਟੱਪ ਕੇ ਪਾਕਿਸਤਾਨੀ ਪੰਜਾਬ ਉੱਤੇ ਹਮਲਾ ਕਰ ਦਿੱਤਾ। ਖਾਲੜੇ ਤੋਂ ਅੱਗੇ ਵਧਣ ਵਾਲੀ ਫ਼ੌਜ ਦੀ ਕਮਾਨ ਮੇਜਰ ਜਨਰਲ ਹਰਕਿਸ਼ਨ ਸਿੱਥਲ ਕਰ ਰਹੇ ਸਨ। ਸਭ ਤੋਂ ਅੱਗੇ ਚਾਰ ਸਿੱਖ ਰਜਮੈਂਟ ਸੀ। ਨਹਿਰ ਦੇ ਪੁੱਲ ਤੋਂ ਪਾਰ ਹੁੰਦਿਆਂ ਹੀ ਫ਼ੌਜੀਆਂ ਨੇ ਸਰਹੱਦੀ ਫਾਟਕ ਉਡਾ ਦਿੱਤਾ। ਤੂਫ਼ਾਨ ਵਾਂਗ ਚੜ੍ਹੀ ਆ ਰਹੀ ਭਾਰਤੀ ਸੈਨਾ ਨੂੰ ਵੇਖ ਕੇ ਪਾਕਿਸਤਾਨੀ ਸਿਪਾਹੀਆਂ ਨੂੰ ਟਾਕਰਾ ਕਰਨ ਦੀ ਹਿੰਮਤ ਨਾ ਪਈ। ਜਿਸ