ਰਿਹਾ ਹੈ ਕਿ ਪਾਕਿਸਤਾਨ ਦੀ ਮਦਦ ਕਰਾਂਗਾ।"

"ਆ ਜੇ ਉਹ ਵੀ ਲੈ ਲਏ ਛਾਂਦਾ।" ਬੇਲਾ ਸਿੰਘ ਨੇ ਵਿਅੰਗ ਨਾਲ ਕਿਹਾ।

"ਆਉਣਾ ਕਿਸੇ ਵੀ ਨਹੀਂ। ਨਾ ਚੀਨ, ਨਾ ਇੰਡੋਨੇਸ਼ੀਆ। ਪਿਆਰਾ ਸੁੰਹ ਗੇਂਦਾ ਹੁੰਦਾ ਏ ਨਾ : ਭੇਖੀ ਮਿੱਤ ਨਾ ਬਹੁੜਦੇ ਜਦ ਹੋਣ ਸਿਰਾਂ 'ਤੇ ਵਾਰ। ਵਜਦੀਆਂ ਵੇਲੇ ਅੱਗੇ ਹੋ ਕੇ ਸਿਰ ਕੋਈ ਨਹੀਂ ਡਾਹੁੰਦਾ। ਸਭ ਪਾਸੇ 'ਤੇ ਖਲੋ ਕੇ ਤੁਣਖੀਆਂ ਦੇਂਦੇ ਹੁੰਦੇ ਨੇ। ਅਸਲ ਵਿੱਚ ਬਰਤਾਨੀਆ, ਚੀਨ, ਇੰਡੋਨੇਸ਼ੀਆ ਆਦਿ ਇਹ ਸਾਰੇ ਮੁਲਕ ਚਾਹੁੰਦੇ ਨੇ ਕਿ ਭਾਰਤ ਤੇ ਪਾਕਿਸਤਾਨ ਲੜ ਕੇ ਕਮਜ਼ੋਰ ਹੋ ਜਾਣ। ਸੱਚੇ ਦਿਲੋਂ ਸਮਾਈ ਕਰਾਉਣ ਵਾਲਾ ਇਹਨਾਂ ਵਿਚੋਂ ਕੋਈ ਵੀ ਨਹੀਂ।"

"ਔਂਦਿਆਂ ਰਾਹ ਵਿੱਚ ਦੱਸਦੇ ਸਾਜੇ ਕਿ ਉਹ ਓ ਬਾਂਟ, ਖਵਣੀ ਕੌਣ ਆਇਆ ਹੋਇਆ ਏ ਸੁਲ੍ਹਾ ਕਰੋਣ।" ਅਮਲੀ ਨੇ ਵਿਚੋਂ ਗੱਲ ਟੋਕ ਕੇ ਕਹਿ ਦਿੱਤਾ।

"ਹਾਂ, ਇਤਿਹਾਦੀ ਸਭਾ ਦਾ ਜੈਨਰਲ ਸੈਕਟਰੀ ਓ ਬਾਂਟ ਆਇਆ ਹੋਇਐ। ਪਰ ਮੈਂ ਕਹਾਂਗਾ ਨਿਰਪੱਖ ਉਹ ਵੀ ਨਹੀਂ। ਇਤਿਹਾਦੀ ਸਭਾ ਉੱਤੇ ਪੱਛਮੀ ਦੇਸ਼ਾਂ ਦਾ ਵਧੇਰੇ ਜ਼ੋਰ ਹੈ। ਓ ਬਾਂਟ ਵੀ ਓਹਾ ਬੋਲੀ ਬੋਲਦਾ ਏ ਜੋ ਅਮਰੀਕਾ ਤੇ ਬਰਤਾਨੀਆ ਨੂੰ ਪਸੰਦ ਹੋਵੇ। ਇਤਿਹਾਦੀ ਸਭਾ ਨਿਰਪੱਖ ਹੋ ਕੇ ਸੱਚੇ ਦਿਲੋਂ ਝਗੜਾ ਨਿਬੇੜਨਾ ਚਾਹੇ ਤਾਂ ਉਹ ਸੱਚੇ ਨੂੰ ਸੱਚਾ ਤੇ ਝੂਠੇ ਨੂੰ ਝੂਠਾ ਆਖੋ। ਇਸ ਵਿੱਚ ਕੋਈ ਲੁਕ-ਲੁਕਾ ਹੀ ਨਹੀਂ ਕਿ ਹਮਲਾ ਪਹਿਲਾਂ ਪਾਕਿਸਤਾਨ ਨੇ ਕੀਤਾ ਹੈ, ਭਾਰਤ ਨੇ ਸਿਰਫ਼ ਸਵੈ- ਰੱਖਿਆ ਵਾਸਤੇ ਜਵਾਬੀ ਹਮਲਾ ਕੀਤਾ ਹੈ। ਅਸੀਂ ਇਸ ਪਾਸੋਂ ਹਮਲਾ ਨਾ ਕਰਦੇ ਤਾਂ ਫੇਰ ਪਾਕਿਸਤਾਨ ਨੂੰ ਰੋਕਿਆ ਨਹੀਂ ਸੀ ਜਾ ਸਕਦਾ। ਲਾਹੌਰ ਉੱਤੇ ਸਾਡਾ ਦਬਾ ਪਿਆ ਏ, ਤਾਂ ਛੰਭ ਵਿਚੋਂ ਉਹ ਪਿੱਛੇ ਹਟਣ ਲੱਗ ਪਏ ਨੇ। ਸੇ ਪਹਿਲਾਂ ਹਮਲਾ ਕਰਨ ਵਾਲੇ ਨੂੰ ਤੇ ਉਸਦੇ ਜਵਾਬ ਵਿੱਚ ਹਮਲਾ ਕਰਨ ਵਾਲੇ ਨੂੰ ਇਕੋ ਪੱਧਰ ਉੱਤੇ ਰੱਖਣਾ ਸਭ ਤੋਂ ਵੱਡੀ ਬੇਇਨਸਾਫੀ ਏ। ਤੇ ਇਹ ਕੁਛ ਕਰ ਰਹੀ ਹੈ ਇਤਿਹਾਦੀ ਸਭਾ। ਆਖੇ : ਤੁਸੀਂ ਦੋਵੇਂ ਇਕੋ ਜਿਹੇ ਹੋ। ਤੁਸੀਂ ਦੋਵੇਂ ਲੜਾਈ ਬੰਦ ਕਰ ਦਿਹੋ ਤੇ ਸਦਰ ਅਯੂਬ ਲੜਾਈ ਬੰਦ ਕਰਨ ਵਾਸਤੇ ਅੱਗੋਂ ਇਉਂ ਸ਼ਰਤਾਂ ਪੇਸ਼ ਕਰ ਰਿਹਾ ਏ ਜਿਵੇਂ ਉਹ ਜਿੱਤਿਆ ਹੋਇਆ ਹੋਵੇ।"

"ਹੂੰਹ। ਭਾਰਤੀ ਜਵਾਨਾਂ ਨੂੰ ਜਿੱਤ ਲੈਣਾ ਕਿਤੇ ਖਾਲਾ ਜੀ ਦਾ ਵਾੜਾ ਏ ? ਐਸ ਮੋਰਚੇ 'ਤੇ ਤਾਂ ਮੂੰਹ ਭੁਆ ਦਿੱਤੇ ਨੇ, ਬਾਕੀ ਥਾਵਾਂ ਦਾ ਸਾਨੂੰ ਪਤਾ ਨਹੀਂ।" ਬੋਲਾ ਸਿੰਘ ਨੇ ਮੁੱਛਾਂ ਨੂੰ ਤਾਅ ਦਿੰਦਿਆਂ ਕਿਹਾ।

"ਹੌਲਦਾਰ ਸਾਹਿਬ। ਤੁਹਾਡੀ ਬਹਾਦਰੀ ਹਰ ਪੱਖ ਤੋਂ ਸਲਾਹੁਣ ਯੋਗ ਏ। ਜੋ ਕੁਛ ਸਾਡੇ ਬਹਾਦਰਾਂ ਨੇ ਏਥੇ ਕਰ ਵਿਖਾਇਆ ਏ, ਕਰਾਮਾਤ ਤੋਂ ਘੱਟ ਨਹੀਂ। ਪਰ ਤੁਸੀਂ ਸੁਣ ਕੇ ਖ਼ੁਸ਼ ਹੋਵੋਗੇ ਕਿ ਘੱਟ ਸਾਡੇ ਜਵਾਨਾਂ ਨੇ ਕਿਸੇ ਮੋਰਚੇ 'ਤੇ ਵੀ ਨਹੀਂ ਕੀਤੀ।"