ਠੀਕ ਆਖਿਆ ਏ। ਮੈਂ ਵੀ ਬੇਗੁਨਾਹ ਆਂ। ਦੋਵੇਂ ਬੇਗੁਨਾਹ ਆਂ। ਫਿਰ ਇਹ ਸਾਰਾ ਗੁਨਾਹ ਕੀਹਦਾ ਏ? ਕੋਈ ਦੱਸੇ ਮੈਨੂੰ। ਇਹ ਸਾਰਾ ਗੁਨਾਹ ਕੀਹਦਾ ਏ ? ਜੀਹਨੇ ਸਕੇ ਭਰਾ ਨੂੰ ਭਰਾ ਦਾ ਕਾਤਲ ਬਣਾ ਦਿੱਤਾ। ਇਕ ਭਰਾ ਨੂੰ ਹੀ ਨਹੀਂ, ਸੈਂਕੜੇ ਭਰਾਵਾਂ ਦੇ ਕਾਤਲ ਬਣਾ ਦਿੱਤਾ ਏ। ਕੋਈ... ਕੋਈ ਨਿਆਂ ਕਰਨ ਵਾਲਾ ਇਹਦਾ ਜਵਾਬ ਦੇਵੇਗਾ ?

ਬਾਈ ਸਤੰਬਰ ਨੂੰ ਤੜਕੇ ਤਿੰਨ ਵਜੇ ਭਾਰਤੀ ਸੈਨਾ ਨੇ ਡੋਗਰਾਈ ਫਤਹਿ ਕਰ ਲਿਆ। ਪਿਆਰਾ ਸਿੰਘ ਅਜੇ ਵੀ ਭਰਾ ਦੀ ਲੋਥ ਨੂੰ ਗੋਦ ਵਿੱਚ ਲਈ ਬੈਠਾ ਸੀ। ਦੋਹਾਂ ਸਕੇ ਭਰਾਵਾਂ ਦਾ ਲਹੂ, ਵੰਡੀ ਹੋਈ ਧਰਤੀ 'ਤੇ ਵਗ ਵਗ ਕੇ ਆਪਸ ਵਿੱਚ ਮਿਲ ਰਿਹਾ ਸੀ, ਟੁੱਟੀਆਂ ਹੋਈਆਂ ਸਾਂਝਾਂ ਨਵੇਂ ਸਿਰਿਓਂ ਸੁਰਜੀਤ ਕਰਨ ਵਾਸਤੇ।

ਸੀਤਲ ਭਵਨ                                                                                  ਸੋਹਣ ਸਿੰਘ 'ਸੀਤਲ'

ਮਾਡਲ ਗਰਾਮ ਲੁਧਿਆਣਾ                                                                               17.2.1966 ਈ.