ਪਾਸ ਸਮੁੰਦਰ ਮਰਹੁ ਪਿਆਸ

ਖੋਲ੍ਹ ਅੱਖੀਂ ਉਠ ਲੈ ਛਿਟਕਾਰੇ।

ਬੁਲ੍ਹਾ ਸ਼ਹੁ ਦੇ ਪੈਰੀਂ ਪਰੀਏ

ਗਫਲਤ ਛੋਡਿ ਕਿਛ ਹੀਲਾ ਕਰੀਏ

ਮ੍ਰਿਗ ਜਤਨ ਬਿਨ ਖੇਤ ਉਜਾਰੇ ਅਬ ਤੂੰ ....

[ਸੀਨ]

67.

ਸਾਡੇ ਵੱਲ ਮੁੱਖੜਾ ਮੋੜ,

ਵੇ ਪਿਆਰਿਆ,

ਸਾਡੇ ਵੱਲ ਮੁੱਖੜਾ ਮੋੜ।

ਆਪੋ ਲਾਈਆਂ ਕੁੰਡੀਆਂ ਤੋਂ, ਤੇ ਆਪ ਖਿੱਚਦਾ ਹੈ ਡੋਰ।

ਸਾਡੇ ਵੱਲ ਮੁੱਖੜਾ ਮੋੜ।

ਅਰਸ਼ ਕੁਰਸੀ ਤੇ ਬਾਂਗਾਂ ਮਿਲੀਆਂ, ਮੱਕੇ ਪੇ ਗਿਆ ਸ਼ੋਰ।

ਸਾਡੇ ਵੱਲ ਮੁੱਖੜਾ ਮੋੜ।

ਡੋਲੀ ਪਾ ਕੇ ਲੈ ਚੱਲੇ ਖੇੜੇ, ਨਾ ਕੁਝ ਉਜ਼ਰਾਂ ਨਾ ਜ਼ੋਰ।

ਸਾਡੇ ਵੱਲ ਮੁੱਖੜਾ ਮੋੜ।

ਜੇ ਮਾਏ ਤੈਨੂੰ ਖੇੜੇ ਪਿਆਰੇ, ਡੋਲੀ ਪਾ ਦੇਵੀਂ ਹੋਰ।

ਸਾਡੇ ਵੱਲ ਮੁੱਖੜਾ ਮੋੜ।

ਬੁਲ੍ਹਾ ਸ਼ੋਹ ਅਸਾਂ ਮਰਨਾ ਨਾਹੀਂ, ਵੇ ਮਰ ਗਿਆ ਕੋਈ ਹੋਰ।

ਸਾਡੇ ਵੱਲ ਮੁੱਖੜਾ ਮੋੜ।

68.

ਸਾਈਂ ਛਪ ਤਮਾਸ਼ੇ ਨੂੰ ਆਇਆ,

ਤੁਸੀਂ ਰਲ ਮਿਲ ਨਾਮ ਧਿਆਓ।

ਲਟਕ ਸਜਨ ਦੀ ਨਾਹੀਂ ਛਪਦੀ, ਸਾਰੀ ਖਲਕਤ ਸਿੱਕਦੀ ਤੱਪਦੀ,

ਤੁਸੀਂ ਦੂਰ ਨਾ ਢੂੰਡਨ ਜਾਓ, ਰੂਸੀ ਰਲ ਮਿਲ ਨਾਮ ਧਿਆਓ।

ਰਲ ਮਿਲ ਸਈਓ ਅਤਣ ਪਾਓ, ਇਕ ਬੰਨੇ ਵਿਚ ਜਾ ਸਮਾਓ,

ਨਾਲੇ ਗੀਤ ਸਜਣ ਦਾ ਗਾਓ, ਤੁਸੀਂ ਰਲ ਮਿਲ ਨਾਮ ਧਿਆਓ।

ਬੁਲ੍ਹਾ ਬਾਤ ਅਨੋਖੀ ਏਹਾ, ਨੱਚਣ ਲੱਗੀ ਤਾਂ ਘੁੰਗਟ ਕੇਹਾ,

ਤੁਸੀਂ ਪਰਦਾ ਅੱਖੀਂ ਥੀਂ ਲਾਹੋ, ਤੁਸੀਂ ਰਲ ਮਿਲ ਨਾਮ ਧਿਆਓ।

69.

ਸਾਨੂੰ ਆ ਮਿਲ ਯਾਰ ਪਿਆਰਿਆ।

* ਇਨਕਾਰ, ਮਸਤੀ, ' ਤਰਸਦੀ, ' ਤ੍ਰਿੰਵਣ।