ਫੁੱਲਰ *

ਫੁੱਲਰ ਤੇਰਾ ਖੁਲ੍ਹਾ ਨਜ਼ਾਰਾ

ਵੇਖ ਵੇਖ ਦਿਲ ਠਰਿਆ,

ਖੁੱਲ੍ਹਾ, ਵੱਡਾ, ਸੁਹਣਾ, ਸੁੱਚਾ,

ਤਾਜਾ, ਹਰਿਆ ਭਰਿਆ

ਸੁੰਦਰਤਾ ਤਰ ਰਹੀ ਤੈਂ ਉਤੇ

ਖੁਲ੍ਹ ਉਡਾਰੀਆਂ ਲੈਂਦੀ

ਨਿਰਜਨ ਫਥਨ ਕੁਆਰੀ ਰੰਗਤ

ਰਸ ਅਨੰਤ ਦਾ ਵਰਿਆ। ੯.

 

ਬੀਜ ਬਿਹਾੜੇ ਦੇ ਬੁੱਢੇ ਚਨਾਰ ਨੂੰ - -

ਸਦੀਆਂ ਦੇ ਹੋ ਬੁੱਢੇ ਬਾਬੇ!

ਕਿਤਨੇ ਗੋਦ ਖਿਡਾਏ ?

ਕਿਤਨੇ ਆਏ ਛਾਵੇਂ ਬੈਠੇ?

ਕਿਤਨੇ ਪੂਰ ਲੰਘਾਏ? ৭০.

–––––––––––––––

* ਸਭ ਤੋਂ ਵੱਡੀ ਝੀਲ, ਜਿਸ ਵਿਚ ਜਿਹਲਮ ਇਕ ਪਾਸਿਓਂ ਪੈਂਦਾ ਤੇ ਦੂਜਿਓਂ ਨਿਕਲਦਾ ਹੈ।

 

ਵੈਰੀ ਨਾਗ ਦਾ ਪਹਿਲਾ ਝਲਕਾ

ਵੈਰੀ ਨਾਗ! ਤੇਰਾ ਪਹਿਲਾ ਝਲਕਾ

ਜਦ ਅਖੀਆਂ ਵਿਚ ਵਜਦਾ,

ਕੁਦਰਤ ਦੇ ਕਾਦਰ ਦਾ ਜਲਵਾ

ਲੈ ਲੈਂਦਾ ਇਕ ਸਿਜਦਾ,

ਰੰਗ ਫੀਰੋਜ਼ੀ, ਝਲਕ ਬਲੌਰੀ,

ਡਲ੍ਹਕ ਮੋਤੀਆਂ ਵਾਲੀ

ਰੂਹ ਵਿਚ ਆ ਆ ਜਜ਼ਬ ਹੋਇ

ਜੀ ਵੇਖ ਵੇਖ ਨਹੀਂ ਰਜਦਾ।

ਨਾ ਕੁਈ ਨਾਦ ਸਰੋਦ ਸੁਣੀਵੇ

ਫਿਰ ਸੰਗੀਤ-ਰਸ ਛਾਇਆ,

ਚੁੱਪ ਚਾਨ ਪਰ ਰੂਪ ਤਿਰੇ ਵਿਚ

ਕਵਿਤਾ ਰੰ ਗ ਜਮਾਇਆ,

ਸਰਦ ਸਰਦ ਪਰ ਛੁਹਿਆਂ ਤੈਨੂੰ

ਰੂਹ ਸਰੂਰ ਵਿਚ ਆਵੇ,

ਗਹਿਰ ਗੰਭੀਰ ਅਡੋਲ ਸੁਹਾਵੇ!

ਤੈਂ ਕਿਹਾ ਜੋਗ ਕਮਾਇਆ ? ৭৭.