ਤੱਕ-ਤੱਕ ਤੈਨੂੰ
ਤੱਕ-ਤੱਕ ਤੈਨੂੰ ਹੁਣ ਰੋਂਦੀਆਂ ਨੇ ਅੱਖੀਆਂ ।
ਪਲਕਾਂ ਚੋਂ ਹੰਝੂ ਹੁਣ ਚੋਂਦੀਆਂ ਨੇ ਅੱਖੀਆਂ।
ਜਦੋਂ ਪੈ ਜਾਵੇ ਤੇਰੇ ਵੇ ਦੀਦਾਰ ਦਾ ਵਿਛੋੜਾ,
ਫਿਰ ਹੰਝੂਆਂ ਦੀ ਮਹਿਫ਼ਲ ਸਜਾਉਂਦੀਆਂ ਨੇ ਅੱਖੀਆਂ।
ਢਲੇ ਤਿਰਕਾਲ ਜਦੋਂ ਰਾਤ ਹਿਜਰ ਦੀ ਆ ਪੈਂਦੀ,
ਫਿਰ ਸੱਜਣਾਂ ਵੇ ਨਾਮ ਤੇਰਾ ਧਿਆਉਂਦੀਆਂ ਨੇ ਅੱਖੀਆਂ।
ਇੱਕ ਤੂੰ ਹੋਵੇਂ ਇੱਕ ਮੈਂ ਸੱਜਣਾ,
ਇਹੋ ਜਿਹੇ ਸੁਪਨੇ ਸਜਾਉਂਦੀਆਂ ਨੇ ਅੱਖੀਆਂ ।
ਇੱਕ ਪਲ ਵੀ ਜੇ ਅੱਖੀਓਂ ਦੂਰ ਹੋਵੇਂ,
ਸੱਜਣਾਂ ਵੇ ਬੜਾ ਹੀ ਸਤਾਉਂਦੀਆਂ ਨੇ ਅੱਖੀਆਂ।
ਝੱਲਿਆ ਨਾ ਜਾਵੇ ਇੱਕ ਪਲ ਵੀ ਵਿਛੋੜਾ,
ਸੱਜਣਾਂ ਅਜੇ ਵੀ ਤੈਨੂੰ ਚਾਹੁੰਦੀਆਂ ਨੇ ਅੱਖੀਆਂ।
