ਮੁਹੱਬਤ

ਸਾਹਾਂ ਤੋਂ ਨੇੜੇ ਜੇ ਕੁਛ ਹੈ

ਤਾਂ ਓਹ ਤੂੰ ਹੀ ਏ

ਤੇਰੇ ਦੂਰ ਹੋਣ ਦਾ ਇੱਕੋ ਖਿਆਲ ਹੀ

ਮੇਰੇ ਸਾਰੇ ਸਾਹ ਸੂਤ ਕੇ ਰੱਖ ਦਿੰਦਾ

ਮੈਂ ਉਲਝੀ ਸੁਲਝਣ ਲਈ

ਤੇਰੇ ਤੀਕਰ ਪਹੁੰਚੀ ਸਾਂ

ਤੂੰ ਉਲਝਣ ਸੁਲਝਣ ਇੱਕ ਬਰੋਬਰ ਕਰ ਦਿੱਤੀ

ਹੁਣ ਮੈਂ ਉਲਝਣਾ ਭੁੱਲ ਗਈ ਹਾਂ

ਮੈਂ ਮਨ ਨੂੰ ਬਥੇਰਾ ਸਮਝਾਇਆ ਸੀ

ਕਿ ਐਂਵੇ ਨਾ ਅੜਬਾਈਆਂ ਕਰ

ਪਰ ਏਹ ਤੇ ਝੱਲਾ ਤੇਰੇ 'ਤੇ ਆ ਅਟਕ ਗਿਆ

ਮੁਕੰਮਲ ਹੋਣ ਲਈ ਮੈਨੂੰ ਮਨ ਦੀ ਮੰਨਣੀ ਪਈ

ਅੱਜ ਤੂੰ ਮੇਰਾ ਏ, ਮੈਨੂੰ ਮਾਣ ਏ

ਦੁਆ ਏ ਕਿ ਕੱਲ੍ਹ ਨੂੰ ਵੀ ਮੈਂ ਤੇਰੀ ਹੀ ਰਹਾਂ

ਪਰ ਹਾਂ ਤੇਰੇ ਤੇ ਕੁਛ ਵੀ ਥੋਪਿਆ ਨਹੀਂ ਜਾਵੇਗਾ

ਮੁਹੱਬਤ ਵੱਟਾ ਸੱਟਾ ਨਹੀਂ ਮੰਗਦੀ