ਕਿਸ ਬਿਧ ਹੋਇਆ ਤੇਰਾ ਆਉਣ।

ਇਕ ਸਲਾਮਾਂ, ਮੇਰੀਆਂ ਦੋਏ ਸਲਾਮਾਂ

ਦੁਰਗਾ ਰਾਜਿਆ, ਬਾਬਲ ਮੇਰਿਆ

ਮੈਨੂੰ ਆਈ ਸੀ ਮੰਦੀ ਤੇਰੀ ਵਾਜ਼।

 

ਨਾਨਕੜੇ ਨਾ ਜਨਮਾ ਮਾਤਾ, ਮਾਤਾ ਬਾਛਲੇ

ਜਨਮਾਂ ਤਾਂ ਬਾਬਲ ਦੇ ਦੇਸ਼

ਗੁਤ ਦਾ ਪਰਾਂਦਾ ਖੋਲ੍ਹ ਮੇਰੀ ਮਾਤਾ

ਸੱਜਾ ਅੰਗੂਠਾ ਬੰਨ੍ਹ ਲੈ

ਟੁਰ ਬਾਬਲ ਦੇ ਦੇਸ਼।

 

ਇਕ ਸਲਾਮਾਂ, ਮੇਰੀਆਂ ਦੇਏ ਸਲਾਮਾਂ

ਬਾਬਲ ਮੇਰਿਆ, ਦੁਰਗਾ ਰਾਜਿਆ

ਮੈਂ ਚੱਲੀ ਸਹੁਰਿਆਂ ਦੇ ਦੇਸ਼

ਖੂਹਾਂ ਦੇ ਖੂਹ ਉਹਨੇ ਦੁੱਧ ਦੇ ਭਰਾਏ

ਦੁਰਗਾ ਰਾਜੇ ਭਰਵਾਏ

ਸੁੰਢਾਂ ਦੇ ਲਵਾਏ ਖੇਤ

ਬਾਛਲ ਚੱਲੀ ਸਹੁਰੇ ਦੇਸ਼।

 

ਇਕ ਸਲਾਮਾਂ, ਮੇਰੀਆਂ ਦੇਏ ਸਲਾਮਾਂ

ਜੈਮਲ ਰਾਜਿਆ, ਕੰਤਾ ਮੇਰਿਆ

ਰੱਖ ਲੈ ਜਾਏ ਦੀ ਲਾਜ।

ਇਕ ਸਲਾਮਾਂ, ਮੇਰੀਆਂ ਦੋਏ ਸਲਾਮਾਂ

ਨੀ ਸੱਸੇ ਮੇਰੀਏ ਨੀ ਮਾਏ ਮੋਰੀਏ

ਰੱਖ ਲੈ ਪੁੱਤ ਦੀ ਲਾਜ

 

ਮੇਰੀ ਨਾ ਨੂੰਹ ਮੇਰੇ ਪੁੱਤ ਦੀ ਨਾ ਵਹੁਟੀ

ਗਾਡੀਵਾਨਾਂ ਦੀ ਇਹ ਨਾਰ

ਜੈਮਲ ਰਾਜਿਆ ਪੁੱਤਰਾ ਮੇਰਿਆ

ਰੱਖ ਮਹਿਲਾਂ ਦੀ ਲਾਜ

ਟੁੱਟੀ ਹੋਈ ਕੋਠੜੀ ਪਲੰਘ ਪੁਰਾਣਾ

ਲੈ ਰਾਣੀ ਬਾਛਲੋ ਨਾਰੇ ਮੇਰੀਏ

ਰੱਖ ਮਹਿਲਾਂ ਦੀ ਲਾਜ।

ਗੁੱਗਾ ਜੁ ਜਰਮਿਆ, ਚੌਰਿਆਂ ਵਾਲਾ

ਚਾਨਣ ਹੋਇਆ ਘਰ ਬਾਹਰ