ਜਿਨ੍ਹਾਂ ਨਾਨੀ ਦਿੱਤੀ ਮਾਰ

ਖ਼ਰਬੂਜਿਆਂ ਦੇ ਸ਼ਕੀਨ ਨੂੰ ਉਹ ਵਿਅਕਤੀ ਚੰਗਾ ਨਹੀਂ ਲੱਗਦਾ ਜਿਹੜਾ ਖ਼ਰਬੂਜਿਆਂ ਬਾਰੇ ਗਿਆਨ ਨਾ ਰੱਖਦਾ ਹੋਵੇ-

ਗੋਲ ਮੋਲ ਬੱਕਰੀ

ਉੱਤੇ ਪੀਲਾ ਰੰਗ

ਜਿਹੜਾ ਮੇਰੀ ਬਾਤ ਨੀ ਬੁੱਝ

ਉਹਦਾ ਪਿਓ ਨੰਗ

ਅਤੇ

ਸਬਜ਼ ਕਟੋਰੀ

ਮਿੱਠਾ ਭੱਤ

ਲਵੋ ਸਹੇਲੀਓ

ਕਰੋ ਹੱਥ

ਕਈ ਹਦਵਾਣਿਆਂ (ਤਰਬੂਜ਼ਾਂ) ਨੂੰ ਵਧੇਰੇ ਪਸੰਦ ਕਰਦੇ ਹਨ-

ਮਾ ਲੀਰਾ ਕਚੀਰਾ

ਪੁਤ ਘੋਨ ਮੋਨ

ਅਤੇ

ਹਰੀ-ਹਰੀ ਵੱਲ

ਕਪਾਹ ਦੀਆਂ ਫਲੀਆਂ

ਘਿਉ ਦੇ ਘੁਟ

ਮਿਸ਼ਰੀ ਦੀਆਂ ਡਲੀਆਂ

ਚਿਬ੍ਹੜਾਂ ਦੀ ਬੇਲ ਦਾ ਵੀ ਕਿਸੇ ਨੇ ਕਿਹਾ ਸੋਹਣਾ ਵਰਨਣ ਕੀਤਾ ਹੈ-

ਬਹੂ ਆਈ ਆਪੇ

ਚਾਰ ਲਿਆਈ ਕਾਕੇ

ਇੱਕ ਗੋਦੀ ਇੱਕ ਮੋਢੇ

ਇੱਕ ਬਾੜ ਕੰਨੀਂ ਝਾਕੇ

ਇੱਕ ਬਾਪੂ-ਬਾਪੂ ਆਖੇ

ਕਈ ਨਾਕੀ ਕੱਕੜੀਆਂ ਅਤੇ ਬੈਂਗਣਾਂ ਦੇ ਬਾੜੇ ਨੂੰ ਪਾਣੀ ਦੇਣ ਲੱਗਿਆਂ ਉਹਨਾਂ ਦੀਆਂ ਗੱਲਾਂ ਵੀ ਕਰਵਾ ਦੇਂਦੇ ਹਨ-

ਜ਼ਮੀਨ ਤੇ ਪਈ ਕੱਕੜੀ ਖਾਲ ਵਿੱਚ ਪਾਣੀ ਆਉਣ ਦੀ ਆਵਾਜ਼ ਸੁਣ ਕੇ ਉੱਚੇ ਲਟਕ ਰਹੇ ਬੈਂਗਣ ਤੋਂ ਖੜਾਕ ਬਾਰੇ ਪੁੱਛਦੀ ਹੈ—

"ਵੇ ਲੜਕਦਾ"

"ਹਾਂ ਪਈ"

"ਆਹ ਕੀ ਆਉਂਦਾ ਖੜਕਦਾ ?"