ਜ਼ੋਰ ਮਸਾਲੇ ਦੇ ਜਿੰਦੀਏ

ਕੁੱਜੇ 'ਚੋਂ ਲਿਆ ਮਖਣੀ

ਗੱਡਾ ਜਿੰਦੀਏ

39

ਬਾਜਰਾ

ਮੀਂਹ ਪਾਦੇ ਲਾਦੇ ਝੜੀਆਂ

ਬੀਜ ਲਈਏ ਮੋਠ ਬਾਜਰਾ

40

ਰੁੱਤ ਗਿੱਧਾ ਪਾਉਣ ਦੀ ਆਈ

ਲੱਕ-ਲੱਕ ਹੋਗੇ ਬਾਜਰੇ

41

ਬਾਜਰਾ ਤਾਂ ਸਾਡਾ ਹੋ ਗਿਆ ਚਾਬੂ

ਮੂੰਗੀ ਆਉਂਦੀ ਫਲਦੀ

ਪਹਿਣ ਪਚਰ ਕੇ ਆ ਗਈ ਖੇਤ ਵਿੱਚ

ਠੁਮਕ-ਠੁਮਕ ਪੱਥ ਧਰਦੀ

ਸਿੱਟੇ ਡੁੰਗੇ, ਬੂਟੇ ਭੰਨੇ

ਦਿਓਰ ਤੋਂ ਮੂਲ ਨਾ ਡਰਦੀ

ਸਿਫਤਾਂ ਰਾਂਝੇ ਦੀਆਂ

ਮੈਂ ਬੈਠ ਮਨ੍ਹੇ ਤੇ ਕਰਦੀ

42

ਖੇਡ ਤੇ ਆਪਣਾ ਡਬਚਿਆਂ ਖਾ ਲਿਆ

ਮੇਰਾ ਕਾਲਜਾ ਧੜਕੇ

ਸਾਰੇ ਜ਼ੋਰ ਦਾ ਮਾਰਾਂ ਗੋਪੀਆ

ਹੇਠ ਤੂਤ ਦੇ ਖੜ੍ਹਕੇ

ਸੋਹਣੀਏ ਹੀਰੇ ਨੀ

ਦੇ-ਦੇ ਬਾਜਰਾ ਮਲ ਕੇ

43

ਮਾਹੀ ਮੇਰੇ ਦਾ ਪੱਕਿਆ ਬਾਜਰਾ

ਤੁਰ ਪਈ ਗੋਪੀਆ ਫੜਕੇ

ਖੇਤ ਵਿੱਚ ਜਾਕੇ ਹੂਕਰ ਮਾਰੀ

ਸਿਖਰ ਮਨ੍ਹੇ ਤੇ ਚੜ੍ਹ ਕੇ

ਉੱਤਰਦੀ ਨੂੰ ਆਈਆਂ ਝਰੀਟਾਂ

ਚੁੰਨੀ ਪਾਟ ਗਈ ਫਸਕੇ