103

ਮਰ ਗਈ ਨੂੰ ਰੁੱਖ ਰੋ ਰਹੇ

ਅੱਕ ਢੱਕ ਤੇ ਕਰੀਰ ਜੰਡ ਬੇਰੀਆਂ

104

ਚੰਨਣ

ਰੱਤਾ ਪਲੰਘ ਚੰਨਣ ਦੇ ਪਾਵੇ

ਤੋੜ-ਤੋੜ ਖਾਣ ਹੱਡੀਆਂ

105

ਮੁੰਡਾ ਸੁੱਕ ਗਿਆ ਚੰਨਣ ਦਾ ਬੂਟਾ

ਤੇਰੇ ਪਿੱਛੇ ਗੋਰੀਏ ਰੰਨੇ

106

ਟਾਹਲੀ

ਕੱਲੀ ਹੋਵੇ ਨਾ ਬਣਾਂ ਵਿੱਚ ਟਾਹਲੀ

ਕੱਲਾ ਨਾ ਹੋਵੇ ਪੁੱਤ ਜੱਟ ਦਾ

107

ਕੋਲ ਕੱਲਰ ਵਿੱਚ ਲਗਗੀ ਟਾਹਲੀ

ਵਧਗੀ ਸਰੂਆਂ ਸਰੂਆਂ

ਆਉਂਦਿਆ ਰਾਹੀਆ ਘੜਾ ਚੁਕਾ ਜਾ

ਕੌਣ ਵੇਲੇ ਦੀਆਂ ਖੜੀਆਂ

ਖੜੀਆਂ ਦੇ ਸਾਡੇ ਪੱਟ ਫੁਲ ਜਾਂਦੇ

ਹੇਠੋਂ ਮਚਦੀਆਂ ਤਲੀਆਂ

ਰੂਪ ਕੁਆਰੀ ਦਾ-

ਖੰਡ ਮਿਸ਼ਰੀ ਦੀਆਂ ਡਲੀਆਂ

108

ਉੱਚੇ ਟਿੱਬੇ ਮੈਂ ਆਟਾ ਗੁੰਨਾਂ

ਆਟੇ ਨੂੰ ਆ ਗਈ ਲਾਲੀ

ਵੀਰਾ ਨਾ ਵਢ ਵੇ

ਸ਼ਾਮਲਾਟ ਦੀ ਟਾਹਲੀ

109

ਹੀਰਿਆਂ ਹਰਨਾਂ ਬਾਗੀ ਚਰਨਾ

ਬਾਗਾਂ ਦੇ ਵਿੱਚ ਟਾਹਲੀ

ਸਾਡੇ ਭਾ ਦਾ ਰੱਬ ਰੁੱਸਿਆ

ਸਾਡੀ ਰੁਸਗੀ ਝਾਂਜਰਾਂ ਵਾਲੀ