185

ਤੇਰੀ ਸਾਗ ਚੋਂ ਬੱਕਰੀ ਮੋੜੀ

ਕੀ ਗੁਣ ਜਾਣੇਗੀ

186

ਚਿੱਤ ਬੱਕਰੀ ਲੈਣ ਨੂੰ ਕਰਦਾ

ਬਨ-ਬੰਨੇ ਲਾ ਦੇ ਬੋਰੀਆ

187

ਬੱਕਰੀ ਦਾ ਦੁੱਧ ਗਰਮੀ

ਵੇ ਛੱਡ ਗੁਜਰੀ ਦੀ ਯਾਰੀ

188

ਮੇਰੀ ਬੱਕਰੀ ਚਾਰ ਲਿਆ ਦਿਓਰਾ

ਮੈਂ ਨਾ ਤੇਰਾ ਹੱਕ ਰਖਦੀ

189

ਰੰਨ ਬੱਕਰੀ ਚਰਾਉਣ ਦੀ ਮਾਰੀ

ਲਾਰਾ ਲੱਪਾ ਲਾ ਰੱਖਦੀ

190

ਭੇਡ

ਨਾਈਆਂ ਦੇ ਘਰ ਭੇਡ ਲਵੇਰੀ

ਬਾਹਰੋਂ ਆਈ ਚਰ ਕੇ

ਨੈਣ ਤੇ ਨਾਈ ਚੋਣ ਲੱਗੇ

ਚਾਰੇ ਟੰਗਾ ਫੜਕੇ

ਦੋਵੇਂ ਜਾਣੇ ਚੋ ਕੇ ਉੱਠੇ

ਸੁਰਮੇਦਾਨੀ ਭਰਕੇ

ਹੱਟੀਓਂ ਜਾ ਕੇ ਚੋਲ ਲਿਆਂਦੇ

ਲੱਛੇ ਗਹਿਣੇ ਧਰ ਕੇ

ਨੈਣ ਨੇ ਲੱਪ ਸ਼ੱਕਰ ਲਿਆਂਦੀ

ਸਿਰ ਜੱਟੀ ਦਾ ਕਰਕੇ

ਖਾਣ ਪੀਣ ਦਾ ਵੇਲਾ ਹੋਇਆ

ਟੱਬਰ ਮਰ ਗਿਆ ਲੜਕੇ

ਕੋਲੇ ਠਾਣਾ ਕੋਲ ਸਿਪਾਹੀ

ਸਾਰਿਆਂ ਨੂੰ ਲੈ ਗੇ ਫੜਕੇ

ਪੰਦਰਾਂ-ਪੰਦਰਾਂ ਤੀਹ ਜੁਰਮਾਨਾ

ਨਾਈ ਬਹਿਗੇ ਭਰ ਕੇ