ਗਹਿਣੇ ਗੱਟੇ

213

ਆਰਸੀ

ਅੱਧੀ ਰਾਤੀ ਪਾਣੀ ਮੰਗਦਾ

ਮੈਂ ਤਾਂ ਆਰਸੀ ਦਾ ਕੋਲ ਬਣਾਇਆ

214

ਸੱਗੀ ਫੁਲ

ਥੜ੍ਹਿਆਂ ਬਾਝ ਨਾ ਪਿੱਪਲ ਸੋਂਹਦੇ

ਫੁੱਲਾਂ ਬਾਝ ਫੁਲਾਹੀਆਂ

ਸਿੱਗੀ ਫੁੱਲ ਸਿਰਾਂ ਤੇ ਸੋਹਦੇ

ਪੈਰੀਂ ਝਾਂਜਰਾਂ ਪਾਈਆਂ

ਸੂਬੇਦਾਰਨੀਆਂ-

ਨੱਚਣ ਗਿੱਧੇ ਵਿੱਚ ਆਈਆਂ

215

ਰਾਜ ਦੁਆਰੇ ਬਹਿਗੀ ਰਾਜੋ

ਰੱਤਾ ਪੀਹੜਾ ਡਾਹ ਕੇ

ਕਿਓੜਾ ਛਿੜਕਿਆ ਆਸੇ ਪਾਸੇ

ਅਤਰ ਫਲੇਲ ਰਮਾ ਕੇ

ਸੱਗੀ ਤੇ ਫੁੱਲ ਬਘਿਆੜੀ ਸੋਂਹਦੇ

ਰੱਖੇ ਦੰਦ ਚਮਕਾ ਕੇ

ਕੰਨਾਂ ਦੇ ਵਿੱਚ ਸਜਣ ਕੋਕਰੂ

ਰੱਖੇ ਵਾਲੇ ਲਿਸ਼ਕਾ ਕੇ

ਬਾਹਾਂ ਦੇ ਵਿੱਚ ਸਜਦਾ ਚੂੜਾ

ਛਾਪਾਂ ਰੱਖੇ ਸਜਾ ਕੇ

ਪੈਰਾਂ ਦੇ ਵਿੱਚ ਸਜਣ ਪਟੜੀਆਂ

ਵੇਖ ਲੈ ਮਨ ਚਿੱਤ ਲਾ ਕੇ

ਨਵੀਂ ਵਿਆਹੁਲੀ ਨੂੰ-

ਸਭ ਦੇਖਣ ਘੁੰਡ ਚੁਕਾ ਕੇ

216