ਤੇਰੀ ਚੂਸ ਲਾਂ ਬੁੱਲ੍ਹਾਂ ਦੀ ਲਾਲੀ

ਮਛਲੀ ਦਾ ਪੱਤ ਬਣ ਕੇ

242

ਤਿੰਨ ਪੱਤ ਮਛਲੀ ਦੇ

ਜੱਟ ਚੱਥ ਗਿਆ ਸ਼ਰਾਬੀ ਹੋ ਕੇ

243

ਜੰਜੀਰੀ

ਸੁੱਤੀ ਪਈ ਦੀ ਜੰਜੀਰੀ ਖੜਕੇ

ਗੱਭਰੂ ਦਾ ਮੱਚੇ ਕਾਲਜਾ

244

ਮੇਰੀ ਕੁੜਤੀ ਖੱਲਾਂ ਦਾ ਕੂੜਾ

ਬਾਝ ਜੰਜੀਰੀ ਤੋਂ

245

ਪੰਜੇਬਾਂ

ਲੱਤ ਮਾਰੂੰਗੀ ਪੰਜੇਬਾਂ ਵਾਲੀ

ਪਰੇ ਹੋ ਜਾ ਜੱਟ ਵੱਟਿਆ

246

ਝਾਂਜਰ

ਅੱਗ ਲਾਗੀ ਝਾਂਜਰਾਂ ਵਾਲੀ ਲੈਣ

ਆਈ ਪਾਣੀ ਦਾ ਛੰਨਾ

247

ਪਾਣੀ ਡੋਲ੍ਹਗੀ ਝਾਂਜਰਾਂ ਵਾਲੀ

ਕੰਠੇ ਵਾਲਾ ਤਿਲ੍ਹਕ ਗਿਆ

248

ਗੁੱਤ ਤੇ ਕਚਹਿਰੀ ਲਗਦੀ

ਤੇਰੀ ਗੁੱਤ ਤੇ ਕਚਹਿਰੀ ਲਗਦੀ

ਦੂਰੋਂ-ਦੂਰੋਂ ਆਉਣ ਝਗੜੇ

ਸੱਗੀ-ਫੁੱਲ ਨੇ ਸ਼ਿਸ਼ਨ ਜਜ ਤੇਰੇ

ਕੈਂਠਾ ਤੇਰਾ ਮੋਹਤਮ ਹੈ

ਬਾਲੇ, ਡੰਡੀਆਂ ਕਮਿਸ਼ਨਰ ਡਿਪਟੀ

ਨੱਤੀਆਂ ਇਹ ਨੈਬ ਬਣੀਆਂ

ਜ਼ੈਲਦਾਰ ਨੇ ਮੁਰਕੀਆਂ ਤੇਰੀਆਂ

ਸਫੈਦ ਪੋਸ਼ ਬਣੇ ਗੋਖੜੂ