ਸਬਰ ਬਚੋਲੇ ਨੂੰ

279

ਹੁਣ ਦੇ ਗੱਭਰੂਆਂ ਦੇ

ਚਿੱਟੇ ਚਾਦਰੇ ਲੜਾਂ ਤੋਂ ਖਾਲੀ

280

ਲੱਛੀ ਤੇਰੇ ਬੰਦ ਨਾ ਬਣੇ

ਮੁੰਡੇ ਮਰਗੇ ਕਮਾਈਆਂ ਕਰਦੇ

281

ਪਹਿਲਾਂ ਮਾਮਲੇ ਤੋਂ ਜਾਨ ਛੁਡਾਈਏ

ਬੰਦ ਫੇਰ ਬਣ ਜਾਣਗੇ

282

ਮੇਰਾ ਹੱਥ ਆਰਸੀ ਤੋਂ ਖਾਲੀ

ਵੀਰਾ ਵੇ ਮੁਰੱਬੇ ਵਾਲਿਆ

283

ਬੋਹਲ ਸਾਰਾ ਵੇਚ ਘੱਤਿਆ

ਛਿੱਲਾਂ ਪੰਦਰਾਂ ਨਾ ਜੱਟ ਨੂੰ ਥਿਆਈਆਂ

284

ਹਲ ਪੰਜਾਲੀ ਦੀ ਹੋ ਗਈ ਕੁਰਕੀ

ਵੇਚ ਕੇ ਖਾ ਲਿਆ ਬੀ

ਹਾਲਾ ਨਹੀਂ ਤਰਿਆ-

ਵਾਹੀ ਦਾ ਲਾਹਾ ਕੀ

285

ਔਖੇ ਲੰਘਦੇ ਘਰਾਂ ਦੇ ਲਾਂਘੇ

ਛੱਡਦੇ ਤੂੰ ਬੈਲਦਾਰੀਆਂ

286

ਪਿੰਡਾਂ ਵਿੱਚ ਭੰਗ ਭੱਜਦੀ

ਸ਼ਹਿਰ ਚੱਲੀਏ ਮਜੂਰੀ ਕਹੀਏ

287

ਬਾਣੀਆਂ ਨੇ ਅੱਤ ਚੱਕਲੀ

ਸਾਰੇ ਜੱਟ ਕਰਜ਼ਾਈ ਕੀਤੇ

288

ਤੇਰੀ ਹਾੜ੍ਹੀ ਨੂੰ ਵਕੀਲਾਂ ਖਾਧਾ

ਸਾਉਣੀ ਤੇਰੀ ਸ਼ਾਹਾਂ ਲੁਟਲੀ