Back ArrowLogo
Info
Profile

ਮੇਰਾ ਸੰਦੇਸ਼

ਅਵੇ ਕਾਲੇ ਕਬੂਤਰ!

ਜੀਉ ਆਇਆਂ ਨੂੰ ਵੀਰ!

ਆਇਐਂ ਮੰਜ਼ਲਾਂ ਕੱਟ

ਤੇ ਵਲਿੱਖਾਂ ਨੂੰ ਚੀਰ।

ਲਿਆਇਐਂ ਕੋਈ ਸੰਦੇਸ਼

ਜੋ ਬਨ੍ਹਾਵੇ ਮੈਂ ਧੀਰ?

 

ਨੀਲੀ ਗਾਨੀ ਏ ਗਲ,

ਨਾ ਚਿੱਠੀ ਸੰਦੇਸ਼।

ਅੱਗੇ ਹੈਸਾਂ ਉਦਾਸ

ਹੋਰ ਹੋਈਆਂ ਦਿਲਗੀਰ।

ਹਾਂ, ਮੈਂ ਸਮਝੀ ਹਾਂ ਵੀਰ!

ਲਿਆਇਐਂ ਨਾ, ਲੈਣ ਆਇਆ ਸੰਦੇਸ਼।

 

ਮੁੜਿਆ ਜਾਨੈਂ ਤੂੰ ਵੀਰ

ਮੇਰੇ ਪੀਆ ਦੇ ਦੇਸ਼,

ਲੈ ਜਾ ਮੇਰਾ ਸੰਦੇਸ਼।

ਚਿੱਠੀ ਬੰਨ੍ਹ ਦਿਆਂ ਤੇਰੇ ਗਲ:

"ਉਛਲ ਉਛਲ ਕੇ ਨੀਰ

ਨੈਣ ਬਣ ਗਏ ਫੁਹਾਰੇ

ਉਛਲ ਉਛਲ ਕੇ ਨੀਰ॥” 24.

33 / 97
Previous
Next