ਨਵਾਂ ਸਾਲ

ਮਹਿਕਾਂ ਹਵਾਵਾਂ ਦਾ ਟੋਲਾ ਰਲਕੇ

ਸ਼ੋਰ ਮਚਾਉਂਦਾ ਜਾਂਦਾ ਸੀ ਤੜਕੇ

ਵੇਖਿਆ ਜਦ ਮੈਂ ਪੌੜੀਆਂ ਚੜ੍ਹਕੇ

ਮਿਲ ਰਹੇ ਸੀ ਗਲ਼ੇ ਸਭ ਬਾਂਹ ਫੜ੍ਹਕੇ

ਸਭ ਦੇ ਮੁੱਖ 'ਤੇ ਇੱਕੋ ਗੱਲ ਕਿ

ਅੱਜ ਹੈ ਨਵਾਂ ਸਾਲ ਮੁਬਾਰਕ

ਸਭ ਨੂੰ ਨਵਾਂ ਸਾਲ ਮੁਬਾਰਕ

 

ਚਿੜੀਆਂ ਸੂਰਜ ਵੱਲ ਦੌੜਦੀਆਂ

ਰਾਹ ਜਾਂਦੀਆਂ ਹੱਸ ਰਹੀਆਂ ਸਨ

ਬੁਲਬੁਲਾਂ ਕੋਇਲਾਂ ਪੱਕੀਆਂ ਸਹੇਲੀਆਂ

ਸਭ ਨੂੰ ਗਾ ਗਾ ਦੱਸ ਰਹੀਆਂ ਸਨ

ਕਿ ਅੱਜ ਹੈ ਨਵਾਂ ਸਾਲ ਮੁਬਾਰਕ

ਸਭ ਨੂੰ ਨਵਾਂ ਸਾਲ ਮੁਬਾਰਕ

 

ਨਵਾਂ ਸਾਲ ਤਾਂ ਹੈ ਪਰ ਨਵਾਂ ਕੀ ਹੈ

ਉਹੀ ਚੰਨ ਉਹੀ ਰਾਤ ਹੈ

ਉਹੀ ਸੂਰਜ ਉਹੀ ਪ੍ਰਭਾਤ ਹੈ

ਉਹੀ ਹਾਲ ਉਹੀ ਹਾਲਾਤ ਹੈ

ਸਭ ਕੁੱਝ ਉਹੀ ਪੁਰਾਣਾ ਹੈ

ਫਿਰ ਇਸ 'ਚ ਨਵਾਂ ਕੀ ਹੈ

ਕਾਹਦਾ ਨਵਾਂ ਸਾਲ ਮੁਬਾਰਕ?