ਖੁਆਰ ਮੁਹੱਬਤ
ਕਿੰਨਾ ਆਸਾਨ ਹੁੰਦਾ ਕਹਿਣਾ
ਇਸ ਮੁਹੱਬਤ ਨੂੰ ਮਾਰ ਦਈਏ
ਮਾਪੇ ਤਾਂ ਨਹੀਂ ਮੰਨੇ ਮੇਰੇ
ਚੱਲ ਆਪੋ ਆਪਣੇ ਰਾਹ ਪਈਏ
ਦਿਨੇ ਖਿਆਲਾਂ 'ਚ ਖੱਜਲ ਹੋਣਾ
ਰਾਤ ਖਾਬਾਂ 'ਚ ਖੁਆਰ ਹੋਣਾ
ਤਸੱਲੀ ਦੇ ਤੁਰ ਪੈਣਾ ਖ਼ੁਦ ਨੂੰ
ਸ਼ਾਇਦ ਤੈਨੂੰ ਵੀ ਇੰਤਜ਼ਾਰ ਹੋਣਾ
ਚੈਨ ਦਾ ਕੋਈ ਪਤਾ ਨਾ ਟਿਕਾਣਾ
ਤੜਪਦਾ ਰਹਿੰਦਾ ਹਾਂ ਪਲ-ਪਲ
ਸ਼ਾਇਦ ਮੇਰਾ ਕਫ਼ਨ ਤਿਆਰ ਹੋਣਾ
ਨੀਂਦ ਨਾ ਆਉਣੀ ਤੇ ਮੋਈ ਜਾਣਾ
ਤਸਵੀਰਾਂ ਵੱਲ ਵੇਖ ਰੋਈ ਜਾਣਾ
ਮੁੜ ਮੁੜ ਯਾਦਾਂ 'ਚ ਖੋਈ ਜਾਣਾ
ਮੈਂ ਪਾਗਲ ਪੂਗਲ ਹੋ ਈ ਜਾਣਾ
ਇਹੀ ਹੁੰਦਾ ਹੋਣੈ ਰੂਹ ਦਾ ਪਿਆਰ
