

ਕਿਉਂ ਨਾ ਚੱਲਿਆ
ਮੇਰੇ ਨਾਲ ਸੂਰਜ ਚੱਲਦਾ ਏ
ਨਾਲ ਬੱਦਲ ਭਾਰੇ ਚੱਲਦੇ ਨੇ
ਮੈਂ ਜਦ ਵੀ ਵੇਖਾਂ ਅੰਬਰ ਵੱਲ
ਮੇਰੇ ਨਾਲ ਸਿਤਾਰੇ ਚੱਲਦੇ ਨੇ
ਤੂੰ ਕਿਉਂ ਨਾ ਚੱਲਿਆ ਨਾਲ ਮੇਰੇ
ਮੇਰੇ ਨਾਲ ਤਾਂ ਸਾਰੇ ਚੱਲਦੇ ਨੇ
ਮੇਰੇ ਨਾਲ ਉਮੀਦਾਂ ਚੱਲਦੀਆਂ ਨੇ
ਮੇਰੇ ਨਾਲ ਸਹਾਰੇ ਚੱਲਦੇ ਨੇ
ਨਾਲ ਬੇ-ਉਮੀਦੇ ਤੁਰ ਪੈਂਦੇ
ਮੇਰੇ ਨਾਲ ਉਜਾੜੇ ਚੱਲਦੇ ਨੇ
ਤੂੰ ਕਿਉਂ ਨਾ ਚੱਲਿਆ ਨਾਲ
ਮੇਰੇ ਮੇਰੇ ਨਾਲ ਤਾਂ ਸਾਰੇ ਚੱਲਦੇ ਨੇ
ਮੇਰੇ ਨਾਲ ਛੱਲਾਂ ਚੱਲਦੀਆਂ ਨੇ
ਮੇਰੇ ਨਾਲ ਕਿਨਾਰੇ ਚੱਲਦੇ ਨੇ
ਮੇਰੇ ਨਾਲ ਮੁਸੀਬਤ ਚੱਲਦੀ ਹੈ
ਮੇਰੇ ਨਾਲ ਪਵਾੜੇ ਚੱਲਦੇ ਨੇ
ਮੇਰੇ ਨਾਲ ਬੇਚੈਨੀ ਚੱਲਦੀ ਹੈ
ਮੇਰੇ ਨਾਲ ਨਜ਼ਾਰੇ ਚੱਲਦੇ ਨੇ
ਤੂੰ ਕਿਉਂ ਨਾ ਚੱਲਿਆ ਨਾਲ
ਮੇਰੇ ਮੇਰੇ ਨਾਲ ਤਾਂ ਸਾਰੇ ਚੱਲਦੇ ਨੇ