ਕਿੱਥੇ ਲੱਭਾਂ
ਦੱਸ ਕਿੱਥੋਂ ਲੱਭਾਂ ਤੈਨੂੰ ਅਤੇ ਕਿੱਥੇ ਲੱਭਾਂ ਤੈਨੂੰ
ਭਲਾ ਉੱਥੇ ਲੱਭਾਂ ਤੈਨੂੰ ਜਾਂ ਇੱਥੇ ਲੱਭਾਂ ਤੈਨੂੰ
ਥਾਂ ਟਿਕਾਣਾ ਤਾਂ ਦੱਸ ਜਿੱਥੇ ਜਿੱਥੇ ਲੱਭਾਂ ਤੈਨੂੰ
ਚੰਨ ਦੇ ਨੇੜੇ ਲੱਭਾਂ ਜਾਂ ਤਾਰਿਆਂ ਉਹਲੇ
ਸਾਗਰਾਂ ਅੰਦਰ ਜਾਂ ਕਿਨਾਰਿਆਂ ਉਹਲੇ
ਫੁੱਲਾਂ ਵਿੱਚ ਜਾਂ ਕਿਆਰਿਆਂ ਉਹਲੇ
ਹੱਸਦੇ ਹੋਠਾਂ ਕੋਲ ਜਾਂ ਹੰਝੂ ਹਾਰਿਆ ਉਹਲੇ
ਵੇਖਾਂ ਮੋਤੀਆਂ ਕੋਲ ਜਾਂ ਕਿਸਮਤ ਵਾਲਿਆਂ ਉਹਲੇ
ਪੁੱਛਾਂ ਕਾਵਾਂ ਕੋ ਜਾਂ ਚਿੜੀਆਂ ਕੋ
ਬਾਗਾਂ ਕੋ ਜਾਂ ਝਿੜੀਆਂ ਕੋ
ਪੁੱਛਾਂ ਟਟੀਰੀਆਂ ਕੋ ਜਾਂ ਕੀੜੀਆਂ ਕੋ
ਜਾਂ ਪੁੱਛਾਂ ਕਿਸੇ ਦੀਆਂ ਅੱਖਾਂ ਖਿੜੀਆਂ ਕੋ
ਮਸਜਿਦ ਵਿੱਚ ਨਾ ਮੰਦਰ ਵੱਲੇ
ਧਰਤੀ ਉੱਤੇ ਨਾ ਅੰਬਰ ਵੱਲੋ
ਬਾਹਰ ਦੇਖੀ ਨਾ ਅੰਦਰ ਵੱਲੇ
ਜੇ ਮੈਨੂੰ ਲੱਭਣਾ ਤਾਂ ਲੱਭੀ ਖੰਡਰ ਵੱਲੋ
