ਜਨਮਦਿਨ ਦਾ ਚਾਅ

ਕੋਈ ਜ਼ਿੰਦਗੀ ਵਿੱਚ ਅੱਗੇ ਵਧਣ ਦਾ ਰਾਹ ਨਹੀਂ ਸੀ

ਸ਼ਾਇਦ ਤਾਂਹੀ ਮੈਨੂੰ ਜਨਮਦਿਨ ਦਾ ਚਾਅ ਨਹੀਂ ਸੀ

ਜਿਨ੍ਹਾਂ ਦੋ ਇਨਸਾਨਾਂ ਦੀ ਸਭ ਤੋਂ ਜ਼ਿਆਦਾ ਜ਼ਰੂਰਤ ਸੀ

ਉਹਨਾਂ ਦੀ ਹੀ ਮੇਰੇ ਮੋਢੇ ਉੱਤੇ ਬਾਂਹ ਨਹੀਂ ਸੀ

ਸ਼ਾਇਦ ਤਾਂਹੀ ਮੈਨੂੰ ਜਨਮਦਿਨ ਦਾ ਚਾ ਨਹੀਂ ਸੀ

 

ਇੱਕ ਬਾਪੂ ਸੀ ਇੱਕ ਉਹ, ਰੱਬ ਨੇ ਦੋਵੇਂ ਲੀਤੇ ਖੋਹ

ਹੁਣ ਦੱਸੀਏ ਕਿਸ ਨੂੰ ਦੱਸੋ, ਸਾਡੇ ਨਾਲ ਹੋਈ ਜੋ ਜੋ

ਸੀ ਲਕੀਰਾਂ ਤਾਂ ਹਰ ਪਾਸੋਂ ਮਿਲੀਆਂ

ਬੱਸ ਕਿਸਮਤ ਦੀ ਹਾਂ 'ਚ ਹਾਂ ਨਹੀਂ ਸੀ

ਕੋਈ ਜ਼ਿੰਦਗੀ ਵਿੱਚ ਅੱਗੇ ਵਧਣ ਦਾ ਰਾਹ ਨਹੀਂ ਸੀ

ਸ਼ਾਇਦ ਤਾਂਹੀ ਮੈਨੂੰ ਜਨਮਦਿਨ ਦਾ ਚਾ ਨਹੀਂ ਸੀ

 

ਜਿਸ ਦਿਨ ਲਈ ਇੰਨਾ ਚਾਅ ਕਰਦੇ ਆਂ

ਜਿਸ ਦਿਨ ਦੀ ਚਿਰਾਂ ਤੋਂ ਉਡੀਕ ਹੁੰਦੀ

ਸੱਚ ਜਾਣਿਓਂ ਦਿਨ ਬੜਾ ਔਖਾ ਬੀਤਦਾ

ਆਵਾਜ਼ ਸੱਜਣ ਦੀ ਜਦ ਨਾ ਨਸੀਬ ਹੁੰਦੀ

ਅਸੀਂ ਮੁਹੱਬਤ ਤਾਂ ਬਥੇਰੀ ਕੀਤੀ ਸੀ

ਬੱਸ ਉਸਦਾ ਰੱਖਿਆ ਨਾਂ ਨਹੀਂ ਸੀ

ਕੋਈ ਜ਼ਿੰਦਗੀ ਵਿੱਚ ਅੱਗੇ ਵਧਣ ਦਾ ਰਾਹ ਨਹੀਂ ਸੀ

ਸ਼ਾਇਦ ਤਾਂਹੀ ਮੈਨੂੰ ਜਨਮਦਿਨ ਦਾ ਚਾ ਨਹੀਂ ਸੀ

 

ਗਿਆਰਾਂ ਪੋਹ ਦੀ ਰਾਤ ਵੱਜੇ ਜਦ ਬਾਰਾਂ

ਨੈਣ ਕਮਲੇ ਤੇਰਾ ਫੋਨ ਰਹੇ ਉਡੀਕਦੇ

ਤੇਰਾ ਇੱਕ ਵੀ ਸੁਨੇਹਾ ਆਇਆ ਨਾ

ਦਿਲ, ਦਿਮਾਗ, ਰੂਹ, ਪੋਟਾ-ਪੋਟਾ ਰਹੇ ਚੀਕਦੇ