ਤੂੰ ਕਹਿ ਤਾਂ

ਤੂੰ ਕਹਿ ਤਾਂ ਸਹੀ ਸੂਲੀ ਚੜ੍ਹ ਜਾਨਾ ਵਾਂ,

ਕਫ਼ਨ ਤਾਂ ਲੈ ਕੇ ਆ ਮੈਂ ਮਰ ਜਾਨਾ ਵਾਂ।

 

ਮੇਰੇ ਸਿਵੇ ਦੁਆਲੇ ਰੱਖਿਓ ਗਿੱਲੀ ਮਿੱਟੀ,

ਤੁਹਾਨੂੰ ਲੱਗ ਜੂ ਪਤਾ ਕਿੱਧਰ ਜਾਨਾ ਵਾਂ!

 

100 ਸੂਰਜਾਂ ਨਾਲ ਮੱਥੇ ਲਾ ਸਕਦਾ ਵਾਂ,

ਅੱਲ੍ਹੜ ਅੱਖ ਮਿਲਾਵੇ ਤਾਂ ਡਰ ਜਾਨਾ ਵਾਂ!

 

ਘਰ ਤੋਂ ਕੰਮ 'ਤੇ ਕੰਮ ਤੋਂ ਘਰ

ਰਸਤੇ ਵਿੱਚ ਰੁਕਣਾ ਪਸੰਦ ਨੀ ਮੈਨੂੰ,

ਜੇ ਤੂੰ ਆਖੇਂ ਚੱਲ ਖੜ੍ਹ ਜਾਨਾ ਵਾਂ!

 

ਓਦਾਂ ਮੈਨੂੰ ਚੂੰ ਵੀ ਕਿਸੇ ਦੀ ਪਸੰਦ ਨਹੀਂ,

ਪਰ ਮੈਂ ਝਿੜਕ ਕਿਸੇ ਦੀ ਜਰ ਜਾਨਾ ਵਾਂ!

 

ਮੇਰੀ ਇਲਮਾਂ ਨਾਲ ਨਈਂ ਬਣਦੀ ਬਹੁਤੀ,

ਤੇਰੀ ਯਾਦ ਆਵੇ ਕਿੰਨੇ ਵਰਕੇ ਇਕੋਸਾਰ ਪੜ੍ਹ ਜਾਨਾ ਵਾਂ!

 

ਜ਼ਮੀਨ 'ਤੇ ਨਹੀਂ ਮਿਲਣਾ ਤਾਂ ਦੱਸਦੇ,

ਮੈਂ ਪਾਤਾਲ ਦੀ ਪੌੜੀ ਚੜ੍ਹ ਜਾਨਾ ਵਾਂ!

 

ਵੈਸੇ ਅੱਖ ਕੋਈ ਮੈਨੂੰ ਉਡੀਕਦੀ ਨਹੀਂ,

ਫਿਰ ਵੀ ਚੰਗਾ ਮੈਂ ਹੁਣ ਘਰ ਜਾਨਾ ਵਾਂ!