ਕੋਈ ਪੁੱਛੇ ਜ਼ਰਾ ਵੀ ਦੱਸਿਓ ਨਾ
ਸੀ ਕੀ ਕਰਦਾ ਤੇ ਕਿੱਥੇ ਜਾਂਦਾ
ਕਿਵੇਂ ਰਿਹਾ ਜਿਉਂਦਾ ਹਿਜ਼ਰਾਂ 'ਚ
ਕੀ-ਕੀ ਪੀਂਦਾ ਸੀ ਕੀ ਖਾਂਦਾ
ਆਖ ਦੇਣਾ ਕਿ ਪਾਗਲ ਸੀ
ਨਾ ਬੋਲਦਾ ਸੀ ਤੇ ਨਾ ਬੁਲਾਂਦਾ
ਕੋਈ ਹਾਲ ਮੇਰਾ ਇਹ ਦੱਸਣਾ ਨਾ
ਦਿਨ ਰਾਤ ਸੱਜਣ ਲਈ ਸੀ ਕੁਰਲਾਉਂਦਾ
ਦੱਸਿਓ ਨਾ ਕੋਈ ਦਿਸ਼ਾ-ਟਿਕਾਣਾ
ਜੇ ਮੇਰੇ ਹੱਥਾਂ 'ਚੋਂ ਉਸਦਾ ਪਤਾ ਨਿਕਲੂ
ਕੋਈ ਦੱਸਿਓ ਨਾ ਮੇਰੀ ਲਾਸ਼ ਦਾ ਕਿੱਸਾ
ਜੇ ਓਦੀ ਯਾਦ ਦਾ ਅੱਖੋਂ ਤੁਪਕਾ ਨਿਕਲੂ
ਮੁੱਕ ਜਾਣੀ ਇਹ ਜਿੰਦ ਨਿਮਾਣੀ
ਸਰੀਰ 'ਚੋਂ ਰੂਹ ਮਾਰਕੇ ਧਾਅ ਨਿਕਲੂ
ਸਿਵਾ ਠੰਡਾ ਹੋਣ 'ਤੇ ਵੀ ਨਹੀਂ ਮੁੱਕਣੀ
ਪੀੜ ਮੇਰੇ ਹੱਡਾਂ 'ਚੋਂ ਅੰਨ੍ਹੇਵਾਹ ਨਿਕਲੂ
