ਦਿਲਾਸੇ ਦਿਲਾਸੇ

ਕਿਹੜੀਆਂ ਖੁਸ਼ੀਆਂ ਤੇ ਕਿਹੜੇ ਹਾਸੇ

ਹੁਣ ਤਾਂ ਜ਼ਿੰਦਗੀ ਦਿਲਾਸੇ ਹੀ ਦਿਲਾਸੇ

ਮੈਂ ਫੱਕਰਾਂ ਦੇ ਲੜ ਲੱਗਣ ਚੱਲਿਆ

ਯਾਰ ਤੇ ਪਿਆਰ ਨੂੰ ਰੱਖ ਕੇ ਪਾਸੇ

ਸਭ ਦੇ ਰੰਗ ਨੇ ਬਦਲੇ ਬਦਲੇ

ਅੱਜ ਕੌੜੇ ਜੀਭ ਨੂੰ ਲੱਗੇ ਪਤਾਸੇ

ਬਾਪ ਦਾ ਸਾਇਆ ਸਿਰ ਤੋਂ ਲਹਿਆ

ਜਿਉਣੀ ਫਿਰ ਜ਼ਿੰਦਗੀ ਕਿਸ ਆਸੇ

ਦਿਲ ਤੇ ਦੁੱਖ ਦਾ ਵਜ਼ਨ ਹੈ ਖਾਸਾ

ਭਾਰ ਸੁੱਖਾਂ ਦਾ ਬੱਸ ਕੁੱਝ ਮਾਸੇ

ਜਾ ਤਾਂ ਜਾਕੇ ਰੋਕ ਲੈ ਕੰਵਲਾ

ਔਹ ਤੁਰੇ ਜਾਂਦੇ ਨੇ ਤੇਰੇ ਹਾਸੇ

ਕਿਹੜੀਆਂ ਖੁਸ਼ੀਆਂ ਤੇ ਕਿਹੜੇ ਹਾਸੇ

ਹੁਣ ਤਾਂ ਜ਼ਿੰਦਗੀ ਦਿਲਾਸੇ ਹੀ ਦਿਲਾਸੇ