ਆਖਾ ਗੱਲ ਤਾਂ ਸੱਚ ਦੀ ਆਖਾਂ, ਸੱਚੀਆਂ' ਆਖ ਸੁਣਾਵਾਂ ।
ਸਮੇਂ ਸਮੇਂ ਦੀ ਖੇਡ ਰਚਾ ਤੀ, ਕੀ ਜਾਣੇ ਅਣਜਾਣਾ ।
ਠਕ ਠਕ ਕਰਦੀ ਫਿਰੇ ਪੁਤਲੀ, ਬੋਦਾ ਖੁੰਡ ਪੁਰਾਣਾ।
ਤੇਰੀ ਉਮਰ ਹੈ ਸਤਰ ਸਾਲ ਦੀ, ਖਾ ਲੈ ਜੋ ਕੁਝ ਖਾਣਾ ।
ਮੇਰੀ ਉਮਰ ਹੈ ਸੋਲਾਂ ਸਾਲ ਦੀ, ਸੁੱਚਾ ਮੱਤੀ ਦਾਣਾ ।
ਸਿੱਧੂ ਨੂੰ ਕੀ ਦੇਸ਼ ਦੇਵਾਂ ਮੈਂ, ਇਹ ਸਤਿਗੁਰ ਦਾ ਭਾਣਾ ।
ਵਿਆਹ ਤੀ ਬੁਢੜੇ ਨੂੰ, ਇਹ ਸਤਿਗੁਰ ਦਾ ਭਾਣਾ ।
ਬੱਲੇ ਬੱਲੇ ਨੀ ਕੁੜਤੀ ਚੋਂ ਅੱਗ ਨਿਕਲੇ, ਸੱਪ ਬਣਿਆ ਰੇਸ਼ਮੀ ਨਾਲਾ ।
ਨੀ ਹਾੜ ਦੋ ਮਹੀਨੇ ਕੁੜੀਓ, ਮੇਰੀ ਹਿੱਕ ਨੂੰ ਠਾਰ ਗਿਆ ਪਾਲਾ ।
ਨੀ ਪਿੰਡ ਵਿਚ ਗੱਲ ਚਲ ਪਈ, ਪਾਇਆ ਸੂਟ ਬੌਸਕੀ ਵਾਲਾ ।
ਨੀ ਮਾਪਿਆਂ ਨੇ ਵਰ ਟੋਲਿਆ, ਮੇਰੀ ਗੁੱਤ ਦੇ ਪਰਾਂਦੇ ਨਾਲੋਂ ਕਾਲਾ ।
