ਕੱਠੇ ਟੱਬਰ ਜਿਹਾ ਸੁੱਖ ਨਾ ਕੋਈ, ਸੁੱਖੀ ਵਸੇ ਪਿਆ ਲਾਣਾ।
ਮਨ ਮਰਜ਼ੀ ਦੇ ਕੰਮ ਸਭ ਕਰਦੇ ਮਨ ਮਰਜ਼ੀ ਦਾ ਖਾਣਾ ।
ਜੇਠ ਮੇਰੇ ਨੂੰ ਜੀ ਜੀ ਆਖਾਂ, ਫੇਰ ਬਣੇ ਨਾ ਸਿਆਣਾ ।
ਰੋਟੀ ਚੱਪੜੀ ਖਾ ਕੇ, ਲੜਦਾ ਬਹਿ ਜਾਣਾ ।
-----
ਤੇਰੇ ਘਰ ਵਿਚ ਆ ਕੇ ਕੰਤ ਵੇ, ਦੁਖੜੇ ਜਿਗਰ ਦੇ ਸਹਿੰਦੀ ।
ਬਾਬਲ ਦੇ ਘਰ ਮੋਜਾਂ ਮਾਣੀਆਂ, ਝੂਠ ਮੁੱਖ ਨਾ ਕਹਿੰਦੀ ।
ਅੱਠੇ ਪਹਿਰ ਤੇਰੇ ਕੰਮ ਨਾ ਮੁਕਦੇ, ਕਮਲੀ ਹੋ ਹੋ ਬਹਿੰਦੀ ।
ਵੱਡਾ ਤੇਰਾ ਭਾਈ ਕਲਿਹਣਾ, ਮੈਂ ਨਹੀਂ ਏਸ ਨਾਲ ਰਹਿੰਦੀ ।
ਜੇਠ ਨਰੈਣੇ ਦਾ, ਮੈਂ ਨੀ ਰੋਹਬ ਹੁਣ ਸਹਿੰਦੀ ।
-----
ਮੇਰੀ ਮੰਜੀ ਕੋਲੋ ਹਾਇ ਨੀ, ਜੇਠ ਮੇਰਾ ਲੰਘਿਆ।
ਥੋੜਾ ਕੋਲ ਆ ਕੇ ਨੀ ਉਹ, ਝੂਠੀ ਮੂਠੀ ਖੰਘਿਆ।
ਜ਼ਰਾ ਕੁ ਖਲੋ ਕੇ ਉਹਨੇ, ਪਾਣੀ ਮੈਥੋਂ ਮੰਗਿਆ ।
ਨੀ ਮੈਂ ਮੰਜੀ ਉਤੋਂ ਉਠ ਕੇ ਝਿੜਕਿਆ ਨੀ।
ਉਹ ਡਰਦਾ ਮਾਰਿਆ ਥਿੜਕਿਆ ਨੀ ।
