ਹਾਲੀਆਂ ਨੇ ਜਦ ਬਲਦ ਜੋੜ ਲਏ, ਖੜਕ ਗਈਆਂ ਗਲ ਟੱਲੀਆਂ।
ਕਮਲ ਰਮਨ ਤਾਂ ਦੋਵੇਂ ਭੈਣਾਂ, ਪੜ੍ਹਨ ਕਾਲਜ ਚੱਲੀਆਂ।
ਮਗਰ ਉਹਨਾਂ ਦੇ ਫਿਰੇ ਸ਼ਿਕਾਰੀ, ਆ ਕੇ ਰਾਹਵਾਂ ਮੱਲੀਆਂ।
ਧਨ ਚਿਤ ਮਾਪਿਆਂ ਦਾ, ਘਰੋਂ ਤੋਰੀਆਂ ਕੱਲੀਆਂ ।
ਹਿੰਦ ਤੇ ਪਾਕ ਦੀ ਜੰਗ ਛਿੜ ਪੈਂਦੀ, ਘਰ ਘਰ ਚਿੱਠੀਆਂ ਆਈਆਂ।
ਨਿਤ ਆਵੇ ਜਦ ਪੁਛਦੀ ਡਾਕੀਏ, ਪਰ ਤਾਂ ਚਿੱਠੀਆ ਨਾ ਪਾਈਆਂ ।
ਵੇ ਘਰ ਨੂੰ ਮੁੜ ਸਜਣਾ, ਭਾਰਤ ਜਿਤਿਆ ਲੜਾਈਆਂ ।
ਬੰਗਲਾ ਆਜ਼ਾਦ ਹੋ ਗਿਆ, ਹਿੰਦ ਨੂੰ ਮਿਲਣ ਵਧਾਈਆਂ ।
-----
ਹਿੰਦ ਤੇ ਪਾਕ ਦੇ ਹੋ ਗਏ ਟਾਕਰੇ, ਕਰ ਫੌਜਾਂ ਦੀ ਤਿਆਰੀ ।
ਆਪਣੇ ਯਾਰ ਦੀ ਸੁੱਖ ਸੁਖ ਲੈਂਦੀ, ਸ਼ਾਮੋ ਨਾਰ ਪਿਆਰੀ ।
ਦੋਵੇਂ ਪਾਸੇ ਚੱਲਣ ਗੋਲੀਆਂ, ਖੇਡਣ ਪਏ ਸ਼ਿਕਾਰੀ ।
ਮਹਿਕਾਂ ਘਰ ਵੰਡਦੀ, ਜੋਬਨ ਭਰੀ ਕਿਆਰੀ ।
