ਇਸ ਦੀ ਕੁਸ਼ਲਤਾ ਦਾ ਮੁਕਾਬਲਾ ਰਾਮ ਨਹੀਂ ਕਰ ਸਕਦੇ।

ਇਕ ਦਫ਼ਾ ਅਜੇਹਾ ਹੋਇਆ, ਅਜੇਹੀ ਇਕ ਘਟਨਾ ਵਾਪਰੀ। ਚਾਰਲੀ ਚੈਪਲਿਨ ਨੂੰ ਉਸ ਦੇ ਜਨਮ-ਦਿਨ 'ਤੇ, ਇਕ ਵਿਸ਼ੇਸ਼ ਜਨਮ-ਦਿਨ 'ਤੇ, ਪੰਜਾਹਵੀਂ ਵਰ੍ਹੇਗੰਢ 'ਤੇ, ਕੁਝ ਮਿੱਤਰਾਂ ਨੇ ਚਾਹਿਆ ਕਿ ਇਕ ਅਭਿਨੈ ਹੋਵੇ । ਸਾਰੀ ਦੁਨੀਆ ਦੇ ਕੁਝ ਅਭਿਨੇਤਾ ਆਉਣ ਤੇ ਚਾਰਲੀ ਚੈਪਲਿਨ ਦਾ ਅਭਿਨੈ ਕਰਨ ਅਤੇ ਉਹਨਾਂ ਵਿੱਚੋਂ ਜਿਹੜਾ ਪ੍ਰਥਮ ਆ ਜਾਵੇ, ਅਜੇਹੇ ਤਿੰਨ ਲੋਕਾਂ ਨੂੰ ਇਨਾਮ ਇੰਗਲੈਂਡ ਦੀ ਮਹਾਰਾਣੀ ਦੇਣ । ਸਾਰੇ ਯੂਰਪ ਵਿਚ ਮੁਕਾਬਲਾ ਹੋਇਆ। ਸੌ ਮੁਕਾਬਲੇਬਾਜ਼ ਚੁਣੇ ਗਏ । ਚਾਰਲੀ ਚੈਪਲਿਨ ਨੇ ਮਨ 'ਚ ਸੋਚਿਆ, ਮੈਂ ਵੀ ਕਿਸੇ ਦੂਜੇ ਪਿੰਡ ਤੋਂ ਜਾ ਕੇ, ਮੈਂ ਵੀ ਕਿਉਂ ਨਾ ਸਨਮਾਨਤ ਹੋ ਜਾਵਾਂ। ਮੈਨੂੰ ਤਾਂ ਪਹਿਲਾ ਇਨਾਮ ਮਿਲ ਹੀ ਜਾਣਾ ਹੈ। ਇਸ ਵਿੱਚ ਕੋਈ ਸ਼ੱਕ-ਸੰਸਾ ਦੀ ਗੱਲ ਨਹੀਂ। ਮੈਂ ਖ਼ੁਦ ਚਾਰਲੀ ਚੈਪਲਿਨ ਹਾਂ। ਅਤੇ ਜਦ ਗੱਲ ਖੁਲ੍ਹੇਗੀ ਤਾਂ ਲੋਕ  ਹੱਸਣਗੇ, ਇਕ ਮਜ਼ਾਕ ਹੋ ਜਾਏਗੀ। ਮਜ਼ਾਕ ਹੋਈ ਜ਼ਰੂਰ, ਲੇਕਿਨ ਦੂਜੇ ਕਾਰਨ ਨਾਲ ਹੋਈ, ਚਾਰਲੀ ਚੈਪਲਿਨ ਨੂੰ ਦੋਇਮ ਇਨਾਮ ਮਿਲਿਆ। ਅਤੇ ਜਦ ਗੱਲ ਖੁਲ੍ਹੀ ਕਿ ਖ਼ੁਦ ਚਾਰਲੀ ਚੈਪਲਿਨ ਵੀ ਉਹਨਾਂ ਸੌ ਅਭਿਨੇਤਾਵਾਂ ਵਿੱਚ ਸ਼ਾਮਲ ਸੀ ਤਾਂ ਸਾਰੀ ਦੁਨੀਆਂ ਹੱਸੀ ਅਤੇ ਹੈਰਾਨ ਹੋ ਗਈ ਕਿ ਇਹ ਕਿਵੇਂ ਹੋਇਆ? ਇਕ ਹੋਰ ਆਦਮੀ ਬਾਜ਼ੀ ਲੈ ਗਿਆ ਚਾਰਲੀ ਚੈਪਲਿਨ ਹੋਣ ਦੀ ਮੁਕਾਬਲੇਬਾਜ਼ੀ ਵਿੱਚ ਅਤੇ ਚਾਰਲੀ ਚੈਪਲਿਨ ਖ਼ੁਦ ਨੰਬਰ ਦੋ ਰਹਿ ਗਏ।

ਤਾਂ ਹੋ ਸਕਦਾ ਹੈ, ਰਾਮ ਹਾਰ ਜਾਣ। ਮਹਾਂਵੀਰ ਦੇ ਸਾਧੂਆਂ ਤੋਂ ਮਹਾਂਵੀਰ ਹਾਰ ਜਾਣ, ਬੁੱਧ ਦੇ ਭਿਕਸ਼ੂਆਂ ਤੋਂ ਬੁੱਧ ਹਾਰ ਜਾਣ, ਕ੍ਰਾਈਸਟ ਦੇ ਪਾਦਰੀਆਂ ਤੋਂ ਕ੍ਰਾਈਸਟ ਹਾਰ ਜਾਣ। ਇਸ ਵਿੱਚ ਕੋਈ ਹੈਰਾਨੀ ਨਹੀਂ। ਲੇਕਿਨ ਇਹ ਜਾਣਨਾ ਚਾਹੀਦਾ ਹੈ ਕਿ ਚਾਹੇ ਕਿੰਨਾ ਹੀ ਕੁਸ਼ਲ ਅਭਿਨੈ ਕਰਨ, ਉਸ ਦੇ ਜੀਵਨ ਵਿੱਚ ਮਹਿਕ ਨਹੀਂ ਹੋ ਸਕਦੀ, ਉਹ ਕਾਗ਼ਜ਼ ਦਾ ਹੀ ਫੁੱਲ ਹੋਵੇਗਾ। ਉਹ ਅਸਲੀ ਫੁੱਲ ਨਹੀਂ ਹੋ ਸਕਦਾ। ਅਤੇ ਉਸ ਚੇਸ਼ਟਾ ਵਿੱਚ ਕਿ ਉਹ ਦੂਜਿਆਂ ਦਾ ਅੰਨ੍ਹਾ ਅਨੁਕਰਣ ਕਰੇ, ਉਹ ਇਕ ਬਹੁਮੁੱਲਾ ਅਵਸਰ ਖੋ ਦੇਵੇਗਾ ਜੋ ਆਪਣੇ-ਆਪ ਦੀ ਨਿੱਜਤਾ ਨੂੰ ਪਾਣ ਦਾ ਸੀ। ਅਜੇਹੀ ਹੀ ਹੋ ਜਾਏਗੀ ਗੱਲ।

ਤੁਹਾਡੀ ਬਗੀਚੀ ਵਿੱਚ ਮੈਂ ਆਵਾਂ ਤੇ ਤੁਹਾਡੇ ਫੁੱਲਾਂ ਨੂੰ ਸਮਝਾਵਾਂ, ਗੁਲਾਬ ਨੂੰ ਕਹਾਂ ਕਿ ਤੂੰ ਕਮਲ ਹੋ ਜਾ, ਚਮੇਲੀ ਨੂੰ ਕਹਾਂ ਕਿ ਤੂੰ ਚੰਪਾ ਹੋ ਜਾ । ਪਹਿਲੀ ਤਾਂ ਗੱਲ ਹੈ, ਫੁੱਲ ਮੇਰੀ ਗੱਲ ਸੁਣਨਗੇ ਨਹੀਂ, ਕਿਉਂਕਿ ਫੁੱਲ ਆਦਮੀਆਂ ਜਿਹੇ ਨਾਮਸਮਝ ਨਹੀਂ ਕਿ ਹਰ ਕਿਸੇ ਦੀ ਗੱਲ ਸੁਣਨ । ਕੋਈ ਉਪਦੇਸ਼ਕ ਵਗ਼ੈਰਾ ਉਹਨਾਂ ਦੇ ਵਿੱਚ ਨਹੀਂ ਹੁੰਦਾ। ਪਰ ਹੋ ਸਕਦਾ ਹੈ, ਆਦਮੀਆਂ ਦੇ ਸਾਥ ਰਹਿੰਦੇ-ਰਹਿੰਦੇ ਕੁਝ ਫੁੱਲ ਵਿਗੜ ਗਏ ਹੋਣ। ਆਦਮੀ ਦੇ ਨਾਲ ਰਹਿ ਕੇ ਕੋਈ ਵੀ ਵਿਗੜ ਸਕਦਾ ਹੈ। ਜਾਨਵਰ ਜਿਹੜੇ ਜੰਗਲ ਵਿੱਚ ਰਹਿੰਦੇ ਹਨ ਉਹਨਾਂ ਨੂੰ ਬੀਮਾਰੀਆਂ ਨਹੀਂ ਹੁੰਦੀਆਂ, ਆਦਮੀ ਦੇ ਨਾਲ ਰਹਿਣ ਲੱਗਦੇ ਹਨ, ਉਹਨਾਂ ਹੀ ਬੀਮਾਰੀਆਂ ਨਾਲ ਗ੍ਰਸਿਤ ਹੋ ਜਾਂਦੇ ਹਨ। ਫਿਰ ਆਦਮੀ ਦੀ ਵਿੱਚ ਵਿਟਨੇਰੀ ਡਾਕਟਰ ਨੂੰ ਵੀ ਸਾਨੂੰ ਤਿਆਰ ਕਰਨਾ ਪੈਂਦਾ ਹੈ। ਹੋ ਸਕਦਾ ਹੈ,