ਜਿਹੀ ਕਹਾਣੀ ਕਹਾਂ ਤੇ ਫਿਰ ਆਪਣੀ ਚਰਚਾ ਸ਼ੁਰੂ ਕਰਾਂ । ਇਹ ਕਹਾਣੀ ਮੈਂ ਮੁਲਕ ਦੇ ਕੋਨੇ-ਕੋਨੇ ਵਿੱਚ ਕਹੀ ਹੈ। ਇਕ ਬਿਲਕੁਲ ਝੂਠੀ ਕਹਾਣੀ ਹੈ।

ਇਕ ਬਹੁਤ ਵੱਡੇ ਮਹਿਲ ਦੇ ਬਾਹਰ ਬੜੀ ਭੀੜ ਸੀ। ਅੰਦਰ ਕੁਝ ਹੋ ਰਿਹਾ ਸੀ, ਉਸ ਨੂੰ ਜਾਣਨ ਲਈ ਸੈਂਕੜੇ ਲੋਕ ਇਕੱਠੇ ਸਨ, ਪਰ ਉਹ ਸਾਧਾਰਨ ਜਨ ਨਹੀਂ ਸਨ। ਜੋ ਬਾਹਰ ਇਕੱਠੇ ਸਨ, ਉਹ ਸਵਰਗ ਦੇ ਦੇਵੀ-ਦੇਵਤੇ ਸਨ ਅਤੇ ਜੋ ਮਹਿਲ ਸੀ ਉਹ ਖ਼ੁਦ ਭਗਵਾਨ ਦਾ ਮਹਿਲ ਸੀ। ਅੰਦਰ ਉਥੇ ਕੋਈ ਗੱਲ ਚੱਲੀ ਸੀ, ਜਿਸ ਨੂੰ ਸੁਣਨ ਦੇ ਲਈ ਸਾਰੇ ਲੋਕ ਉਤਸਕ ਸਨ । ਉਸ ਗੱਲ 'ਤੇ ਬਹੁਤ-ਕੁਝ ਨਿਰਭਰ ਸੀ। ਮੈਂ ਕਿਹਾ, ਕਹਾਣੀ ਬਿਲਕੁਲ ਝੂਠੀ ਹੈ, ਲੇਕਿਨ ਫਿਰ ਵੀ ਬਹੁਤ ਅਰਥਪੂਰਨ ਹੈ। ਅੰਦਰ ਈਸ਼ਵਰ ਦਾ ਦਰਬਾਰ ਲੱਗਾ ਹੋਇਆ ਸੀ ਅਤੇ ਤਿੰਨ ਆਦਮੀ ਦਰਬਾਰ ਵਿੱਚ ਖੜੇ ਹੋਏ ਸਨ। ਈਸ਼ਵਰ ਨੇ ਉਹਨਾਂ ਤਿੰਨ ਆਦਮੀਆਂ ਤੋਂ ਪੁੱਛਿਆ, ਮੈਂ ਬਹੁਤ ਹੈਰਾਨ ਹੋ ਗਿਆ ਹਾਂ, ਮਨੁੱਖ ਨੂੰ ਬਣਾ ਕੇ ਮੈਂ ਬਹੁਤ ਪ੍ਰੇਸ਼ਾਨ ਹੋ ਗਿਆ ਹਾਂ। ਮੈਂ ਸੋਚਿਆ ਸੀ, ਮਨੁੱਖ ਨੂੰ ਬਣਾ ਕੇ ਦੁਨੀਆਂ ਵਿੱਚ ਇਕ ਅਨੰਦ, ਇਕ ਸ਼ਾਂਤੀ, ਇਕ ਸੰਗੀਤਪੂਰਨ ਵਿਸ਼ਵ ਦਾ ਜਨਮ ਹੋਵੇਗਾ। ਜ਼ਮੀਨ ਇਕ ਸਵਰਗ ਬਣੇਗੀ। ਲੇਕਿਨ ਮਨੁੱਖ ਨੂੰ ਬਣਾ ਕੇ ਭੁੱਲ ਹੋ ਗਈ। ਜ਼ਮੀਨ ਰੋਜ਼ ਨਰਕ ਦੇ ਕਰੀਬ ਹੁੰਦੀ ਜਾ ਰਹੀ ਹੈ ਅਤੇ ਅਜੇਹਾ ਵਕਤ ਆ ਸਕਦਾ ਹੈ, ਨਰਕ ਵਿੱਚ ਜੋ ਲੋਕ ਪਾਪ ਕਰਨ, ਉਹਨਾਂ ਨੂੰ ਸਾਨੂੰ ਜ਼ਮੀਨ 'ਤੇ ਭੇਜਣਾ ਪਵੇ। ਇਸ ਲਈ ਈਸ਼ਵਰ ਨੇ ਕਿਹਾ, ਮੈਂ ਬਹੁਤ ਪ੍ਰੇਸ਼ਾਨ ਹਾਂ ਅਤੇ ਤੁਹਾਨੂੰ ਇਸ ਲਈ ਬੁਲਾਇਆ ਹੈ ਕਿ ਤੁਹਾਥੋਂ ਪੁੱਛ ਸਕਾਂ ਕਿ ਕੀ ਕੋਈ ਉਪਾਅ ਮੈਂ ਕਰ ਸਕਦਾ ਹਾਂ ਜਿਸ ਨਾਲ ਕਿ ਦੁਨੀਆ ਠੀਕ ਹੋ ਜਾਵੇ?

ਉਹ ਤਿੰਨ ਲੋਕ ਤਿੰਨ ਵੱਡੇ ਦੇਸ਼ਾਂ ਦੇ ਪ੍ਰਤੀਨਿਧ ਸਨ-ਅਮਰੀਕਾ, ਰੂਸ ਅਤੇ ਬ੍ਰਿਟੇਨ ਦੇ । ਅਮਰੀਕਾ ਦੇ ਪ੍ਰਤੀਨਿਧ ਨੇ ਕਿਹਾ, ਦੁਨੀਆ ਹੁਣੇ ਠੀਕ ਹੋ ਜਾਵੇ। ਇਕ ਛੋਟੀ-ਜਿਹੀ ਖ਼ਾਹਿਸ਼ ਸਾਡੀ ਪੂਰੀ ਕਰ ਦਿਉ। ਈਸ਼ਵਰ ਨੇ ਉਤਸੁਕਤਾ ਨਾਲ ਕਿਹਾ, ਕਿਹੜੀ ਖ਼ਾਹਿਸ਼? ਅਮਰੀਕਾ ਦੇ ਪ੍ਰਤੀਨਿਧ ਨੇ ਕਿਹਾ, ਹੇ ਪਰਮਾਤਮਾ! ਜ਼ਮੀਨ ਤਾਂ ਰਹੇ, ਲੇਕਿਨ ਜ਼ਮੀਨ ਉੱਤੇ ਰੂਸ ਦਾ ਕੋਈ ਨਿਸ਼ਾਨ ਨਾ ਰਹਿ ਜਾਵੇ। ਇੰਨੀ-ਕੁ ਖ਼ਾਹਿਸ਼ ਪੂਰੀ ਹੋ ਜਾਵੇ, ਫਿਰ ਹੋਰ ਕੋਈ ਤਕਲੀਫ਼ ਨਹੀਂ, ਫਿਰ ਹੋਰ ਕੋਈ ਕਸ਼ਟ ਨਹੀਂ, ਫਿਰ ਸਭ ਠੀਕ ਹੋ ਜਾਏਗਾ ਅਤੇ ਜਿਵੇਂ ਤੁਸੀਂ ਚਾਹਿਆ ਹੈ ਦੁਨੀਆ ਉਸ ਤਰ੍ਹਾਂ ਦੀ ਹੋ ਸਕੇਗੀ।

ਈਸ਼ਵਰ ਨੇ ਬਹੁਤ ਵਰਦਾਨ ਦਿੱਤੇ ਸਨ। ਅਜੇਹੇ ਵਰਦਾਨ ਦੇਣ ਦਾ ਉਸ ਨੂੰ ਕੋਈ ਮੌਕਾ ਨਹੀਂ ਆਇਆ ਸੀ। ਉਸ ਨੇ ਰੂਸ ਦੀ ਤਰਫ਼ ਦੇਖਿਆ, ਰੂਸ ਦੇ ਪ੍ਰਤੀਨਿਧ ਨੇ ਕਿਹਾ ਕਿ ਸ੍ਰੀਮਾਨ, ਇਕ ਤਾਂ ਅਸੀਂ ਮੰਨਦੇ ਨਹੀਂ ਕਿ ਤੁਸੀਂ ਹੋ । 1917 ਦੇ ਬਾਅਦ ਅਸੀਂ ਆਪਣੇ ਮੰਦਰਾਂ, ਮਸਜਿਦਾਂ ਤੇ ਚਰਚਾਂ ਵਿੱਚੋਂ ਕੱਢ ਕੇ ਤੁਹਾਨੂੰ ਬਾਹਰ ਕਰ ਦਿੱਤਾ ਹੈ। ਲੇਕਿਨ ਅਸੀਂ ਮੁੜ ਕੇ ਤੁਹਾਡੀ ਪੂਜਾ ਸ਼ੁਰੂ ਕਰ ਦੇਵਾਂਗੇ ਅਤੇ ਫਿਰ ਤੁਹਾਡੇ ਮੰਦਰਾਂ ਵਿੱਚ ਦੀਵੇ ਜਗਾਵਾਂਗੇ ਤੇ ਫੁੱਲ ਚੜ੍ਹਾਵਾਂਗੇ । ਇਕ ਛੋਟੀ-ਜਿਹੀ ਖ਼ਾਹਿਸ਼ ਜੇਕਰ ਪੂਰੀ ਹੈ। ਜਾਵੇ ਤਾਂ ਉਹੀ ਸਬੂਤ ਹੋਵੇਗਾ ਈਸ਼ਵਰ ਦੇ ਹੋਣ ਦਾ। ਈਸ਼ਵਰ ਨੇ ਕਿਹਾ, ਕਿਹੜੀ ਖ਼ਾਹਿਸ਼? ਉਸ ਨੇ ਕਿਹਾ, ਅਸੀਂ ਚਾਹੁੰਦੇ ਹਾਂ ਕਿ ਜ਼ਮੀਨ ਦਾ ਨਕਸ਼ਾ ਤਾਂ ਰਹੇ, ਲੇਕਿਨ