ਕਰਵਾ ਦਿੱਤਾ। ਸਾਰੇ ਪਿੰਡਾਂ 'ਚ ਅੱਗ ਲਾ ਦਿੱਤੀ ਗਈ, ਕੋਈ ਵੀਹ ਪਿੰਡ ਜਲਾ ਦਿੱਤੇ ਗਏ। ਉਹਨਾਂ ਵਿੱਚ ਸੁੱਤੇ ਲੋਕ ਉਥੇ ਜਲ ਗਏ। ਲੇਕਿਨ ਵੇਸਵਾਵਾਂ ਦੇ ਰਸਤੇ 'ਤੇ ਪ੍ਰਕਾਸ਼ ਕਰ ਦਿੱਤਾ।

ਇਹ ਆਦਮੀ ਜ਼ਰੂਰ ਅੰਦਰ ਗਹਿਰੇ ਨਰਕ ਵਿੱਚ ਰਿਹਾ ਹੋਵੇਗਾ। ਚੰਗੇਜ਼ ਸੌ ਨਹੀਂ ਸਕਦਾ ਸੀ। ਹਿਟਲਰ ਵੀ ਨਹੀਂ ਸੌਂ ਸਕਦਾ ਸੀ, ਟੈਲਿਨ ਵੀ ਨਹੀਂ ਸੌਂ ਸਕਦਾ ਸੀ ਅੰਦਰ ਇਕ ਗਹਿਰੀ ਪੀੜ ਰਹੀ ਹੋਵੇਗੀ, ਕਿੰਨਾ ਗਹਿਰਾ ਦੁੱਖ ਰਿਹਾ ਹੋਵੇਗਾ ਕਿ ਦੂਜੇ ਦਾ ਦੁੱਖ ਤਾਂ ਮਹਿਸੂਸ ਨਹੀਂ ਹੋਇਆ, ਬਲਕਿ ਦੂਜੇ ਨੂੰ ਦੁੱਖ ਦੇਣ ਵਿੱਚ ਇਕ ਖ਼ੁਸ਼ੀ ਮਹਸੂਸ ਹੋਈ। ਅਸੀਂ ਸਾਰੇ ਲੋਕ ਦੁਖੀ ਹਾਂ। ਜੇ ਤੁਸੀਂ ਦੁਖੀ ਹੋ, ਤਾਂ ਤੁਸੀਂ ਚੇਤੇ ਰੱਖੋ, ਤੁਹਾਡਾ ਹੱਥ ਯੁੱਧ ਵਿੱਚ ਹੈ । ਜੇ ਤੁਸੀਂ ਦੁਖੀ ਹੋ ਤਾਂ ਤੁਸੀਂ ਯੁੱਧ ਦੀ ਖ਼ਾਹਿਸ਼ ਕਰ ਰਹੇ ਹੋ। ਜੇ ਤੁਸੀਂ ਦੁਖੀ ਹੋ ਤਾਂ ਤੁਸੀਂ ਦੂਜਿਆਂ ਦੇ ਲਈ ਦੁੱਖ ਪੈਦਾ ਕਰ ਰਹੇ ਹੋ । ਅਸੀਂ ਸਾਰੇ ਲੋਕ ਮਿਲ ਕੇ ਦੁੱਖ ਪੈਦਾ ਕਰ ਰਹੇ ਹਾਂ-ਸਮੂਹਕ ਰੂਪ ਨਾਲ, ਨਿੱਜੀ ਤੌਰ 'ਤੇ, ਰਾਸ਼ਟਰਾਂ ਦੇ ਤੌਰ 'ਤੇ। ਅਤੇ ਜਦ ਸਾਰੀ ਦੁਨੀਆਂ ਬਹੁਤ ਦੁੱਖ ਨਾਲ ਭਰ ਜਾਂਦੀ ਹੈ, ਦਸ-ਪੰਦਰਾਂ ਸਾਲ ਵਿੱਚ, ਦੁੱਖ ਦੇ ਸਿਵਾਇ ਸਾਡੇ ਦੁੱਖ ਦੇ ਰਿਲੀਫ਼ ਦਾ, ਨਿਕਾਸ ਦਾ ਕੋਈ ਰਸਤਾ ਨਹੀਂ ਰਹਿ ਜਾਂਦਾ। ਯੁੱਧ ਰਾਜਨੀਤਿਕ ਘਟਨਾ ਮਾਤਰ ਨਹੀਂ ਹੈ। ਜਦ ਅੰਦਰ ਬਹੁਤ ਪੀੜ ਇਕੱਠੀ ਹੋ ਜਾਂਦੀ ਹੈ, ਇਕ ਦੁੱਖ ਸਾਰੀ ਦੁਨੀਆ ਵਿੱਚ ਅਸੀਂ ਪੈਦਾ ਕਰ ਦਿੰਦੇ ਹਾਂ, ਪਾਗਲਪਣ ਪੈਦਾ ਕਰ ਦਿੰਦੇ ਹਾਂ। ਦਸ-ਪੰਦਰਾਂ ਸਾਲ ਦੇ ਲਈ ਫਿਰ ਇਕ ਹਲਕੀ ਸ਼ਾਂਤੀ ਛਾ ਜਾਂਦੀ ਹੈ। ਦਸ-ਪੰਦਰਾਂ ਸਾਲ ਵਿੱਚ ਫਿਰ ਅਸੀਂ ਇਕੱਠਾ ਕਰ ਲੈਂਦੇ ਹਾਂ।

ਜੇ ਕੋਈ ਵਿਅਕਤੀ ਇਸ ਗੱਲ ਦੇ ਲਈ ਉਤਸੁਕ ਹੈ ਕਿ ਦੁਨੀਆ ਵਿੱਚ ਸ਼ਾਂਤੀ ਹੋਵੇ ਅਤੇ ਯੁੱਧ ਨਾ ਹੋਵੇ, ਹਿੰਸਾ ਨਾ ਹੋਵੇ ਤਾਂ ਸਭ ਤੋਂ ਪਹਿਲਾਂ ਉਸ ਨੂੰ ਇਸ ਗੱਲ 'ਤੇ ਵਿਚਾਰ ਕਰਨਾ ਹੋਵੇਗਾ ਕਿ ਉਸ ਦੇ ਆਪਣੇ ਜੀਵਨ ਵਿੱਚ ਦੁੱਖ ਨਾ ਹੋਵੇ। ਇਹ ਪਹਿਲੀ ਗੱਲ ਹੈ ਜੋ ਮੈਂ ਤੁਹਾਨੂੰ ਅਰਜ਼ ਕਰਨਾ ਚਾਹੁੰਦਾ ਹਾਂ। ਜੇ ਤੁਸੀਂ ਖਿੜੇ ਹੋਏ ਤੇ ਅਨੰਦਤ ਹੋ, ਜੇ ਤੁਸੀਂ ਆਪਣੇ ਜੀਵਨ ਵਿੱਚ ਚੌਵੀ ਘੰਟੇ ਖ਼ੁਸ਼ੀ ਖਿਲਾਰ ਰਹੇ ਹੋ, ਖ਼ੁਸ਼ਬੂ ਤੇ ਸੁਗੰਧੀ ਖਿਲਾਰ ਰਹੇ ਹੋ ਤਾਂ ਤੁਸੀਂ ਯੁੱਧ ਦੇ ਖ਼ਿਲਾਫ਼ ਕੰਮ ਕਰ ਰਹੇ ਹੋ। ਤੁਸੀਂ ਇਕ ਅਜੇਹੀ ਦੁਨੀਆਂ ਨੂੰ ਬਣਾਉਣ ਦੇ ਕੰਮ 'ਚ ਲੱਗੇ ਹੋਏ ਹੋ, ਜਿਥੇ ਯੁੱਧ ਨਹੀਂ ਹੋ ਸਕਣਗੇ। ਜੇ ਦੁਨੀਆ ਵਿੱਚ ਬਹੁਤੇ ਲੋਕ ਖ਼ੁਸ਼ ਹੋਣ ਤਾਂ ਯੁੱਧ ਅਸੰਭਵ ਹੋ ਜਾਏਗਾ । ਯੁੱਧ ਨੂੰ ਰੋਕਣ ਦੇ ਲਈ ਕੋਈ ਰਸਤਾ ਨਹੀਂ ਹੈ, ਸਿਵਾਇ ਇਸ ਦੇ ਕਿ ਦੁਨੀਆ ਵਿੱਚ ਅਨੰਦ ਦੀਆਂ ਗਹਿਰੀਆਂ ਤੋਂ ਗਹਿਰੀਆਂ ਪਰਤਾਂ ਖਿਲਾਰੀਆਂ ਜਾਣ।

ਮੈਡਮ ਵਲਾਵਡਸਕੀ ਜਿਸ ਪਿੰਡ ਵਿਚ ਗਈ, ਜਿਸ ਰਾਹ 'ਤੇ ਲੰਘੀ, ਆਪਣੇ ਨਾਲ ਹਮੇਸ਼ਾ ਝੋਲੇ ਵਿੱਚ ਬਹੁਤ ਸਾਰੇ ਫੁੱਲਾਂ ਦੇ ਬੀਜ ਲਈ ਰੱਖਦੀ ਸੀ । ਬੱਸ ਵਿੱਚ ਬੈਠੀ ਹੋਵੇ, ਕਾਰ ਵਿੱਚ ਬੈਠੀ ਹੋਵੇ, ਟ੍ਰੇਨ ਵਿੱਚ ਬੈਠੀ ਹੋਵੇ; ਰਾਹਾਂ ਦੇ ਕੰਢੇ, ਖੇਤਾਂ ਵਿੱਚ ਫੁੱਲਾਂ ਦੇ ਬੀਜ ਸੁੱਟਦੀ ਜਾਂਦੀ ਸੀ । ਲੋਕਾਂ ਨੇ ਪੁੱਛਿਆ, ਤੂੰ ਪਾਗਲ ਹੈਂ? ਉਸ ਨੇ ਲੱਖਾਂ ਰੁਪਏ ਦੇ ਫੁੱਲਾਂ ਦੇ ਬੀਜ ਅਣਜਾਣ ਰਾਹਾਂ 'ਤੇ ਸੁੱਟ ਦਿੱਤੇ । ਲੋਕਾਂ ਨੇ ਕਿਹਾ, ਤੂੰ ਪਾਗਲ ਹੈਂ। ਇਹਨਾਂ ਬੀਜਾਂ ਨੂੰ ਸੁੱਟਣ ਨਾਲ ਫ਼ਾਇਦਾ? ਉਸ ਔਰਤ ਨੇ ਕਿਹਾ, ਜ਼ਰੂਰ ਵਰਖਾ